31/01/2008, 05:37 AM
|
 | عضو لجنة التغطيات بالموقع الرسمي لنادي الهلال | | تاريخ التسجيل: 29/09/2005 المكان: قلب كل هلالي
مشاركات: 1,096
| |
|
الشاعر عبدالله المديري السبيعي يتوجد بين طريق جده ومكه صوتيه وكتابيه
السلام عليكم ورحمة الله وبركاته
اقدم لكم هذه القصيده اهداء ومشاركه واتمنى ان تكون عذر ليه عن طول الغياب
واتمنى من الله ان أرضيت متذوقي الشعر والشعراء
وان تحوز على رضاكم
] للاستماع للقصيده بخلفيه موسيقيه حمل من هنـــــــــــــــــــــــــــا
] للاستماع للقصيده بدون موسيقى حمل من هنـــــــــا] بين جده ومكه هل دمـع ٍ مضكـه مثـل سيـل الجبـال
والسبايـب عذابـك ياعذابـي صوابـك ماترفـق عليـه
ليه تقساء بـردك وانت ليه مردك ليـه تجفـاء الوصـال
دام تعرف غلاتك وش حياتي حياتك انا لـك وانـتَ ليـه
جيت يمك مروق رحت منك مطوق في ضلوعـي نـزال
جند شوقي تهاوش في خفوقي تناوش مثل حرب السريـه
لا تجيني بعذرك بعد ما بأن غدرك روح ونسى الوصـال
من غرام ٍ طرالي كافي اللـي جرالـي ماتحمـل شويـه
يوم جوك مزاجي ليه تكسر زجاجي الهـوى مـو قتـال
خل قلبك رحيم ٍ لو غدابه عديـمٍ لا تصيـر انـت زيـه
ياوجودي وجود اللي تعدى الحدود وضاق صـدره وقـال
يانجوم الثرياء وين ذاك المحيـاء يـوم نضحـك سويـه
اطردوه الجماعه حين ذاق المجاعه ما فزعو لـه رجـال
قالو اندر وفارق دامك اليـوم سـارق حـل عنـا الثنيـه
عشرة سنين روح لا نشوفك تسوح بيـن زمـل الحـلال
خل بيتك وساسك قبل مايروح راسك مثل راس الضحيـه
انظلم بين ربعه قام يحسـب لسبعـه مـن يعـول العيـال
قال يالله دخيلـك مالـي رب ٍ مثيلـك ياوكيـل الرعيـه
ودع البيت ضايع في حياة الفجايع قبـل وقـت الـزوال
قال طفلـه يابويـه اعتبرنـي وخويـه نفتديـك القضيـه
قال يابوك حلت والمحاجـر تملـت ميـر هـاك المثـال
أصبر ايوب صبره ليـن غصتـه عبـره ماتفيـد البريـه
الله اللـي خلقنـا والله اللـي رزقنـا ماعليهـا جــدال
خـل ربـي رجاكـم والله ان يحماكـم وانتبـه للوصيـه
طاحت الشمس ومرح كل مخلوق وصبح والنوايا شمـال
يمشي الليل كله مـع نهـار ٍ يملـه طعمـة الـزاد ميـه
بعد عام ٍ يعـدا وصـل دار ٍ يقـدا غـاب شوفـه وزال
من غرابيل وقتـه كاتـم الهـم صمتـه بالحيـاه الشقيـه
صار جسمه نحيل يشيـل هـم ٍ ثقيـل ولايشيـل الثقـال
بالصحاري تمرض للمخاطر تعـرض والسمـوم الرديـه
يوم سمع الخليقه صاح صيحـة طليقـه عذبتهـا الحبـال
قالو الناس وشبه بالصيـاح ايتشبـه قـال نفسـي بريـه
شهر يبحث دواه اللين طاب وللقاه وصـار شوفـه ميـال
سمع القوم رده عن سبايب مصـده ويـن ذيـك الحميـه
هل دمع المحاجر قالو ابشر بتاجر يوصـل العلـم حـال
له مزارع كثيره عنـد قصـر الاميـره فالحيـاه النديـه
وصل العلـم يمـه ثـم للبـس المعمـه قـال يالله تعـال
دوك عشرة مزارع في بساتيني طالع مير نوصيـك ريـه
كل عام ٍ تجازى حسب شوف المجازى حين تعمـل تنـال
كل عام ٍ بعشره عند بيعـه ونشـره عنـد بيـع السريـه
كمل العشر وامضاء بين شمس ٍ ورمضاء مل صبره وطال
جمع امية دراهم لجل خاطر رضاهم حين طـرد المسيـه
شال زاده وحرك زاده اللـي تبـرك فـوق متنـه يشـال
طامع ٍ في عياله يـوم يجمـع حلالـه بالصفـات النقيـه
كمل الحول راجع يشتكي بالمواجـع عـل حـل العـدال
يوم وصل الحدود اللي عليها جنود و راح مـال المطيـه
سرق حقه وكلش والله اللي تبلش بعـد مـا الظلـم جـال
هل دمعة عيونه من محاجر جفونه حتـى غـرق فريـه
شاف بيته مهـدم ثـم تراجـع وقـدم قـال هـذا محـال
وين بيتي ياربعي وينها امي وسبعي ويـن ذيـك الثريـه
قالو امك توفت عن حياتك تخفت راحـت لـذو الجـلال
سبعة عيال راحو بعد مارحت صاحـو بيـن دب ٍ وحيـه
صاح صيحة يتيم ٍ فـي حياتـه سقيـم ٍ ثـم ودع ومـال
شهقة انفاس صوته يبكي العيـن موتـه داهمتـه المنيـه
كل لليل اتوجـد راح وقـت التهجـد والشقـاء لايـزال
مرت سنين عمري والموجع بصدري لجل ذيـك الصبيـه
أشرب المر مره واشرب الهيل مره وسط صفـر الـدلال
ماهنالي معيشه بعـد فارقـة ريشـه ذاك رمـش العذيـه
والله اني معـذب مـن غرامـه مشـذب ماهنالـي زلال
علقم المر ذقته في ضلوعـي دفقتـه سـم فرقـا البنيـه
وين قفا حياتـي ويـن روح غناتـي ويـن راح الـدلال
شوق قلبي يسوقه والرطب في عذوقه والزهر من نصيـه
يمتلك كل زين ٍ بيـن خشـم ٍ وعيـن ٍسيـدات الجمـال
لو يشوف ٍ عينـه راح ٍ امـن المدينـه مالهـن مقدريـه
عينه اليا تبرقع مثل ضبين تفرقـع شـاف زول وضـلال
شعـره اليـا تحـرك قلـت لله درك بيـن طيـه وطيـه
لو وصفته عجزته عن عدايه حجزته هو شبيـه الغـزال
حظ من نال قربه حظ مـن شـاف دربـه ياهنيـه هنيـه
ليه تقسى عليه وانت منـي وفيـه ليـه تنسـى الوصـال
الموادع يدمـر والمحبـه تعمـر شـوف وسـأل طميـه اخوكم الشاعر/ عبدالله المديري السبيعي |
الوضع المتطور
