يايمه حبيته.. قلبي تعلق فيه .. زفوني لبيته
زفوني وفرحوا علي .. بالحنا حنو ايدي

















دووووووووووووووووووووووووووووب


للأسف هذي الحقيقة هذا اللي صار بدون مقدمات

كان هالصوت اللي سمعتوه صوت بيز(الشي المستخدم في الامساك بالدله ) يصفق في وجهي اللطيف

ومصدر هالبيز امي الحبيبه ست الحبايب ياحنانة ننة

وهي تقول ابعد عنا هاليهود قلت لها امي الله يهديك

هذي خويتنا منى امرشا مغربية من مواليد مستشفى الشميسي ماتذكرين كنت العب انا وياها بالحضانة

اقول اخلص لاصفقك بالدله
طيب طيب هدي وش تبين اقلب عليه

شوف لنا قناة الرايه يجي عليها عايض القرني >>لانه هلالي هو عياله

وامي جاية معصبة لانها توها راجعه من محو الامية والتحفيظ في نفس الوقت >دافورة بسم الله عليها
ومأثرة عليها الحرارة وهي صايمة بالاساس يعني كل ابو شي اجتمع عليها
فأنا بادرتها بسؤال لطيف هاه يامي خلصتوا التحفيظ
ايوه مدرستنا تقول انه اخر يوم غير ماشاء الله عليها الله يحرصها من كل عين
هالبنت طيبة ماشفت مثلها حتى الناس اللي ماعرفوا يكتبون اساميهم نجحتهم عشان يعطونهم مكافأت
واخلاقها وجمالها ماقول غير حظ ذا ويتزوجها والله
هنا جتني الفكرة الجهنمية قلت خلني اتمصلح الطفرة تشكي وقسم
امي طيب اخطبيها لي انقلللللللللللللللللع والله انك ماتسوى ظفرها خل باقي اخطبها لك

وانا تخنقني العبره وانا القول الصبر يادمعه

امي ليش هالتحطيم تكفين وش فيني انا شي شين

مانتب كفو لها انك ضايع دايجك >>من لهجتنا الجنوبية الكويسة مثل الكويتيين شوي نحتك فيهم

ولو شنبك حلقته وتلفت وشوف الشعر ذا فوق راسك احلقه وتغدي ريال

يالله يامي يالاستقعاد اي والله اني ماخليك والله لاعلمك غير ونروح الديرة ويشوفك عمك والله ان يحلقه لك

من قالك بروح انا انسان باخذ ترم صيفي لا والله ان تروح معنا الصيف للديرة واني ماخليك لازم تروح مع يماعتك
ولو ويعرفونك ولو وتتعلم العرضة انك عدت شايب ولا تعرف تعرض مثل الرييل(جمع ريال )

ومن هنا ذهبت وانا اجر اذيال الاشياء اللي مو كويسة



جماعتي وانا

الجماعة والجماعة والجماعة والجماعة
يمكن تكون اسطوانة مكررة لاكثر من 600 مليون مرة خصوصا عند اهل الجنوب كل شي الا الجماعة

هم احسن ناس والقدوة وانت يالولد اخيس واحد لو وش سويت لابد لان تكون انسان كويس تكون متوظف ومتزوج وبعدها ادشر وسو اللي تبي ماراح تحاسب على نطاق الجماعه ولا احد راح يقول عليك شي

يعني انا الشاب اللطيف اروح للشرقية وارجع اقابل اي واحد من الجماعة الاقي اول سؤال هاه كيف الشرقية وهو يغمز لي !!
ياخي طيب انت اسأل ابوك ولا اخوك كيف اغادير والقاهرة ؟
يعني من جد شي يرفع الضغط شباب حرام يسافر لكن توظف وبعد كذا سافر على كيفك بس بشرط قول ان عندي دورة وعاد الدورات شي مو منتشر فالسعودية ابدا

كل السعوديين ياخذون دورات وسبحان الله دايم تكون في جدة عشان تكون لهم عذر لو قالوا الشرقية قالوا ليه ماترجع خميس وجمعه
وفالاخير متبطحين بالقاهرة ولا يرفع ضغطك زيادة العسكر صدق والله لورنس لما يقول جندي منتف ولما تسأله يقولك والله كنت مستلم مع الملك تعرف كان في جدة

هذا فيه واحد من جماعتنا في فترة مرض الامير سلطان الله يشافيه ويطول عمره
هذا مستلمنا سفرات طبعا تاكي مابين بيروت ودمشق ويرجع شهر ثم يروح شهر ويلعب على الناس انا مع الامير سلطان ياشيخ حسستني قسم بالله انك المرافق الخاص انت ووجهك لكن ماحد يتكلم عادي الوضع اوكي نوبروبلم مع انه متزوج

ولا خلوني اقولكم على واحد حنيس من جماعتنا هذا عائلتهم كلهم يولدون ومزاجهم مزاج شايب عمره 79
سواليفهم كلها عن العرضة والشاعر الفلاني والشاعر الفلاني
طبعا هذا اخينا فالله تزوج له وحدة مشهورة بجمالها عند الناس وهم ناس طبيعين عايشين فالرياض وهي من مواليد الرياض يعني مالها في سوالف العرضة والشعر الغبي اللي عندهم

المهم هو تزوجها ولا ماتزوجها الا اخذها شهر عسل طبعا قالوا لازم اول شي ياخذ عمره معاها وبعدها وداها جده جلسوا اول يوم في فندق ثاني يوم وين تتوقعون اخذها يمشيها فيه .؟!!

راح وداها البر طبعا في حياتي على كثر روحاتي لجدة ماشفت احد يقول اساسا فيه بر
يعني اخينا فالله مخلي كل الشاليهات والمجمعات والاسواق ورايح للبر يعني بالله هذولا جماعه اقتدي فيهم
اجل اخذ زوجتي واروح البر ياجوك ياشيخ والله لو اني متزوج ضب على غفله
طيب تبي تروح بر ياخي ليه تسافر وتتعب نفسك خلك فالرياض واختر من هالبران لين تتعب بس ماقول غير الله يستر على البنت طبعا مايحتاج اقولكم انه طلقها خلال شهرين وبعد كذا انتشرت شائعات على البنت بسبب هالمتخلف هو واهله


وطبعا فالصيف لما يروحون للديرة يسوون ثلاث اشياء فقط لاغير

الحريم طبعا تصير عندهم جمعات يوم ورا يوم اما الرجال القدوة الناس الكويسين جالسين في مقهى وكل واحد ماسك لي الجراك وييشفط فيه ويبوس اكثر من تبويسة لزوجتهم فالاخير تجيني امي وتقول جماعتك
ولا يتحركون يوميا يصحون على 11 الصبح ويتغدون ويالله المقهى وقالك ايش قال صيفية

تكفون يالصيفية انتوا وبعد مايزهقون بعد شهر تقريبا يبدون الدشرة في المناطق اللي حولنا بس طبعا بالنسبة لهم حلال يعني عادي لان نيتهم طيبة

وعيالهم مايحتاج تلاقيهم بزارين بالمتوسط ويتمشون من ابها لين جيزان وخذ يالله جميع انواع الاشياء اللي تطلبها تتواجد لك اكثر من الرياض لان هناك مافيه شي اسمه شرطة ماعندهم الا جيب واحد وثلاث عساكر

وعادي كل شي يمشي عادي دامك في ديرتك سو اللي تبي

بس تجلس فالرياض ولا تروح لديرتك لا انت داشر وانت شخص مو كويس

عموما مادري ليه مادخلوا راسي هالجماعه ولا اتكلم عنهم بشي مو فيهم كل اللي قلته واقع وطبعا اكيد صايرة في كل جماعة بس باختلاف الاخطاء بس ذولي ماهضمتهم >>صدقناك خلاص

ويمكن لان الوالد رحمة الله عليه توفى وانا توني بالابتدائي فما دخلت مع الجماعه بالشكل المطلوب ولا اقتنعت بالثقافة العظيمة اللي يبغوني اتمسك فيها




عمري والكل تحت امري



ماخلصوا هالنوعيه

للأسف اقولكم ماخلصوا وانا مالوم الاشخاص اللي اكبر من 25 سنة نقول راحت عليهم وتربيتهم جت بهالطريقة
لكن اشوف ناس معي بالجامعة وناس توهم في الثانوي والمتوسط هذا تفكيرهم صراحة اتحطم
يعني اللي يعرف شرق الرياض قبل 5 سنوات ويعرفها اليوم يعرف ليه انا متحطم
قبل 5 سنوات كان فيه نسبه كبيره وين ماتمشي تحصلهم الا وهم فئة قميص نوم وسلسله وهياط مايحتاج على كيف كيفك واذا كان معه موتر تلاقيه مايسمع الاشعبيات
بس الحين تطوروا بعد ماعرفوا النت وشتشوا صار فيه تقدم كبير الحين تلاقيه غير القميص بجنز وبدل السلسلة تلاقي ربطة وبدل الشعبيات قام يسمع راشد الماجد وطبعا هذا كله خقه تلاقيه خق مع بنت وقالت له انا احب اللي يسوي كذا ويسوي كذا وهالفئة ماتصدق بس تشم ريحة بنت

وبالمناسبة برضوة لجماعتنا اللطيفين راح منهم اكثر من 5 اشخاص ماتوا في خميس مشيط
بسبب القبيلة والقبايل وانا الانسان الكويس وكلهم شباب ماتعدوا عمر 25 سنة

بالمختصر ياناس كل قبيله فيها الشين والزين
تكفون افهموا

ادري الموضوع كويس مرة لذا قلت ازوده كواسة واعطيكم قصيدة كويسة مرتين

احبكم مثل حب رابح لعوده

خلوا قلوبكم >مثل هذا علي