قناة خشبيه ومقدمين فاشلين ((التايب ليتك رافض مقابلتهم )) - نادي الهلال السعودي - شبكة الزعيم

متيم بسامي · #1 30/01/2008, 02:16 PM

طل علينا البرنس الليبي طارق التائب في مقابله على القناة الرياضيه السعوديه
كنا ننتظرها من اسبوع وكنا متوقعين
يكون المقدم على مستوى الحدث او على الاقل يفهم بالرياضه شوي

بداية البرنامج كانت عرض لمهارات التايب وياليتهم ماعرضوا شي

لقطات مقطوعه مافيها اي مهارات وجايبين لقطات والكوره تنقطع من طارق

الحين قناة رياضيه وماعندكم لقطات مثل الناس..يالله خليتوا هالباكستاني صالح كامل
يسرح ويمرح ويشفر اللي يبيه
ويعطيكم فضلاته من لقطات تشخصون فيها

بدر الفرهود

هالمقدم مدري من لعب عليه وقال انك مقدم وفيك شبه من كولمبو وانت اخطر من بتال

اللي اخبره انه كان مقدم عن الفنانيين وماله اي شغل بالرياضه هالمملوح ثقافته
الرياضيه زيروا على الشمال والمشكله جالس يتدخل في امور ماله شغل فيها مثل سؤاله
هل طلب منك الاتحاد الليبي مبالغ ماليه عشان تلعب للهلال

بالله هذا سؤال اوادم

قناتنا الخشبيه
كم باقي وتستقيلون وتفكونا من بربستكم المشكله تلفزيون رياضي وحكومي وماعليكم قاصر
لكن زلايب حتى مباريات المنتخب الوديه اتحداكم تنقلونها بدون اذا من عمكم الباكستاني صالح بن كامل

حنا اكبر دول الخليج ماعندنا الاقناة رياضيه وحده

اخر واحد حط رجله بتال القوس وبرامجه القويه ومن بعدها والحال مدحدر بالخشبيه

فهودددي · #2 30/01/2008, 02:25 PM

القناة .. مميزة في السابق

فكانت مبدعه

من برامج .. و لقاءات .. وواهداف .. ومصارعه

الخ ...

فـ أتوقع أن خلاص قضت ( أنتهت )

من كل شيء ..

وكان يعجبني ( بتال ) مقدم رائع بذوق !

ويعطيك العافيه

بس اللقاء كان .. مهو زين االى ذاك الزووود ..ّ!!

ballack-ksa · #3 30/01/2008, 02:32 PM

القناة تحتاج الى ..
دعم مادي كبير + التخلص من صالح كامل

لأن بعدم وجود المادة ماتقدر تحافظ على الكفاءات (( بتال .. فهد العتيبي ...الخ ))

وبوجود صالح كامل ماراح تشاهد الموسم الجاي الا دورات رمضانية وبطولات حواري

آسرني · #4 30/01/2008, 02:38 PM

عزيز كل الي يبي يظهر ويوصل للقمه من الشهرة

لابد من الظهور عن طريق الهلال ولكم في الرئيس المخاوع مثل

الفرهود مسوي يتميلح كانه جالس مع مجرم يحقق معه

ويساله السؤال بــ يقولون منهم الي يقولون ام هي من نسج

خياله ومن منتداه الاصفر

مسوي فيها بتال القوس على غفله

مقول الا الله يخلف علينا لارياضيه والا اي ار تي

ياسر وهنري بس · #5 30/01/2008, 02:49 PM

يارجال مذيع زلابه ولاهو فاهم لابلكوره ولابغيرها شي وانا من شفته يشرب الشاهي او العصير والله مو مفرق بيده اليسار وانا غاسل يدي قسم بالله لااحترام للدين ولا للمشاهدين حضكم والقناه

حُبي للتايب · #6 30/01/2008, 03:00 PM

لا ,

عن نفسي مرتاح من اللقاء المهم مشاهده البرنس

..

طارق مبدع حتى بكلامه

& راوي الدموع & · #7 30/01/2008, 04:30 PM

بالعكس اللقـــــاء كان ناجح والدليل عفوية وارتياح طارق التايب .. صح ان فيه أسأله مالها داعي وفيه أسأله كنت انتظر طارق يجاوب عليها لكن للأسف لم يطرحهاالمقدم ..
بالنسبة للمقدم بالعكس أنا في رأيي أنه ممتاز ( على الأقل أحسن من ابراهيم الجابر ومقدم برنامج سيرة اللي يجيب النوم وأحسن من كثير من المقدمين ..)
تظل وجهة نظر ...

فن لعب وهندسه · #8 30/01/2008, 05:38 PM

أبـــو راشـــــد · #9 30/01/2008, 05:59 PM

والله صدق القناة تحتاج الى ..
دعم مادي كبير + التخلص من صالح كامل