#1  
قديم 28/01/2008, 10:41 PM
الصورة الرمزية الخاصة بـ algohmani
زعيــم مميــز
تاريخ التسجيل: 01/05/2006
المكان: خيمه ناطحة سحاب
مشاركات: 13,324
مكتبة الشاعر الكبير : سعد علوش

لا اخفيكم إعجابي بالشاعر الكبير سعد علوش

ولهذا قررت وضع مكتبة للشاعر هنا سأقوم بتغذيتها على فترات

من كل حرف , وكل شهـوة صبابـه
استغفـر الله واتعـوذ مـن ابليـس
اعـوذ بالـي آوى عبـد وسرابـه
لاجي نهار الحشر خلف امرئ القيس
يـارب , يـارب الكـرم والمهابـه
يالـي لـك اعـلام الأوادم مناكيـس
جردنـي مـن النابيـه والسبـابـه
ولبسني من دروع هديـك متاريـس
تعبت مـن مسـك القلـم والكتابـه
والشعر , وفتـن النسـا والأباليـس
والمدح في عـزوة وشيـخ وقرابـه
واللاء .. لدعوات الرضيين والليـس
والحب ومـا حولـه ومالـه وهابـه
والدمـع لاهبـت علـي النسانـيـس
والشـوق وغفـال العقـل وانغلابـه
والليل وخطط الدها .. والجواسيـس
والشهرة وحكـي العـرب واللبابـه
وزملوق شـف ماتعسـه عواسيـس
وحصر اسمي فشاعر فساحه غرابـه
شعارهـا فيهـم رخـوم وملاحيـس
وانــا لعـطـاس الأوادم سحـابـه
ومن خلقتي ماقد وطيـت الدنافيـس
تاكـي علـى ارث الأسـم بالنيابـه
واقطف خلاصه ما اغرسوه الغواريس
احسبنـي فايـز بالرضـا والذرابـه
واثري مثل من يحصر النور في كيس
اقفي من الله والامـل والرضـا بـه
واروح ادور من ورا ابليس احاسيس
اسهر علـى فـن الكلـم والخطابـه
واصبح ولين الي جمعتـه حماليـس
قلـبـي لـعـزاف الأوادم ربـابـه
وراسي لخطوات الشطانه دواعيـس
تقودني نفسـي ولا اشعـر ولا آبـه
مالت عليهـا عاصيـات الهواجيـس
من عنده ان كـل الشعـور يتشابـه
روس مع الي في الدحادر مراويـس
الاثم ماحاكه في خفـوق وخفـا بـه
والخير ما شاعتـه روس النواميـس
كم شـي صـار وصـار مايندرابـه
وكـم نومـه ماكدرتهـا كوابـيـس
ترى مااحد له فـي رقبتـي طلابـه
بس الصراحه من شـم الفواعيـس
والرجـل اذا مايعتبـر فـي شبابـه
يعيب قبل يشيب ويشيـب ويخيـس
يا راجي ارجى الي ماينصـك بابـه
لاترجي الوهبات من هيس ابن هيس
استغـفـر الله واتتـقـى عـذابـه
الي فرقني عـن حيـاه المتاعيـس
من قبل لا ارعف الهدى واعنـا بـه
انا وهمـي والحـزن face to face
والحيـن لله .. الفضـل والإنـابـه
متعافي .. ويمشي على زندي التيس
هادي .. يشوشنـي طزيـز الذبابـه
لا عـدت لايـام الغبيَـه ولا أقيـس
شريت عقلـي فـي سـؤال وإجابـه
انا أعبدالله .. ولا أعبد الوساويس ؟
لـذة خفوقـي وانجلابـه ضبـابـه
سجـدات ليـلِ ظالمينـه مناعيـس
فاجـواء مكـه والحـرم والرحابـه
لا يابعـد رومـا ولنـدن وباريـس
هذي ديـار المصطفـى والصحابـه
وهذيك دار ابليس وعويـل ابليـس
اضافة رد مع اقتباس
  #2  
قديم 28/01/2008, 11:14 PM
الصورة الرمزية الخاصة بـ algohmani
زعيــم مميــز
تاريخ التسجيل: 01/05/2006
المكان: خيمه ناطحة سحاب
مشاركات: 13,324
قصيدة ( إخذيني )

اخذيني ليا عجبتك ...بس رديني
وان ما عجبتك .. خلاص ما ابيني ..

مادامي شفت فيك الطهر ..والعفه
باعيف نفسي اليا منك كرهيتني

اخذيني .. لو اعتبر من ضمن أشيائك
وانا باحـــبك ..ولا لازم تحــبيني

ما بي عــلا قه ..ولا ابي نظره وبسمه
احساسي اني بقربك بس يكفيني

ولو اني انضفت لا شيائك غصب عنك
طــلـي علــي يا غنتــي لا تخــليني

تراي لاجا المصامد ماني بهين
تقول كن العرب لاعبة بيديني

شخصيتي من غرابتها وطيبتها
كن الزمن في تحدي بيني وبينه

اخذيني الشاعر اللي ما صدق حظه
لاقلت ياحظ وينك ؟ ..قال :ياويني

اخذيني المبدع ,, المتفلسف ,, التحفه
مومن.. وتضحك على العالم شياطينه

شهرة شكسبير وافلاطون ونيوتن
لاقلت لي بيت شعر ..تطيح من عيني

واخذيني العنصري اللي صدق متعنصر
من دون ربعي لو أقطع شــــــراييني

اخذيني ليا طلب منه ....يعطي
وتكفين لا من طلبتك لاترديني

تكفين يا غايتي يا بهجة الدنيا
ابي احرق قلوب ناس ما تدانيني

اخذيني بكل شوق وقولي : احبه
وان شككو فيك والا في .. ضميني

قولي سعـــد والله انه غالي جدا
وياجعل فدوة شبابي واخر سنيني

وانا بصدق كلامك واعتنز بالله
وباقول للناس : ما يعينك ..يعنيني

وانا علي نذر .. ما ارخص جيتك ,, وانتي
نذر على رقبتك .. وانك ما تخليني
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:10 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube