|
أبشر طال عمرك ... بس معاك شيء تشيل الفلوس فيه؟!!!! إقتباس:
وانا اقول للتونسي ... ابشر ولا يهمك انت بس حدد المكان وحنا نجيك ونجيب الفلوس لك كاملة وفوقها بوسة بعد .... طيب يا فخامة الرئيس يعني اذا صارت لجنة الاحتراف داجة وما عندك احد وكل قراراتها وقوانينها بدون اي تخطيط ولا فهم ولا فيه تنسيق وفي لوائحها ثغرات الى باكر .... انا كهلالي واش ذنبي ادفع لك 12 مليون ولاعبي ما يجيني الا بعد سبعة اشهر او ثمانية؟ ويمكن يجيني وهو بكرسي متحرك ؟!!!!! وانا دافع لك هالمبلغ .... انا ما ارد قضاء الله ولا قدره ولكن انت بعد ما تستلم مبلغ لاعب كامل مكمل وهو يتندح عندك في ناديك ويلعب ويدافع عن فريقك ..... انت خبل يا فخامة الرئيس والا شكلك كذا ؟!!!!! يعني اذا ما فيه استثناء من الفيفا ولا قدرنا نسجل الهوساوي بعد استلاامكم المبلغ بخمسة ايام كما هو مذكور في قوانين لجنتنا الموقرة انسى فلوسك الاا في رمضان ان كنا من الحيين والنظام معنا والقانون في صفنا واترك عنك المهايط الله يحفظك ....... واذا كان البلوي لعب عليك حنا غير ولا تنسى العصفور والمرشدي اعرناهم لكم للاش والحين تنازل كامل عن العصفور ببلاش يعني خل عندك حيا على الأقل وانثبر لين يردون الفيفا .... |
ياخي والله ماراح نتطور دام هذي حركاتنا ياخي أتحادنا السعودي قل عليه السلام |
في الصميم زين منك ذا الكلام والا كنت الحين اطلع من بيتي واروح للتونسي وامسطه بالعقال لين يعض الارض<<يعجبوك شباب مكة ذا التونسي صبرك عليه ناوي يتكي جنب مقهور البلاوي بس عطه شوية وقت |
الشكوا لله دام هذي لجمة اتحادنا وصراحتن الاتحاد السعودي السنه هذي احس انه مكتف يعني مدري ايش صايرله هو من زمان في قوانينهم ثغرات لاكن السنه هذي الانديه شوي وتاكل بعض والاتحاد السعودي يتفرج مشكور على هلموضوع.. |
الله يعين بس لكن موقف الهلال سليم ان شاء ما يخذون ولا ريال الا بعد توقيع الهوساوي |
يارجال هو فيه اتحاد سعودي خخخخخخخخخخخخ ( اول مره اشوف اتحاد يصدر قرارات ولوائح لانتقال لكل لاعب ؟؟) عندك هالحين الاتحاد السعودي مايدري عن النقطه اللي تقول * اللاعب ينتقل بعد سداد باقي المبلغ بـ 5 ايام ؟؟؟ هذا يعني ان فيه ناس تعرف الانظمه اكثر من الاتحاد السعودي كله ؟؟ يعني فيه ناس بالاتحاد ( ماحد حولك )!! * لماذا لا يتم دراسة وبحث عن لوائح الانتقال والاحتراف فـي دول اوروبا مثلا !! وليش ماتطبق نفس نظـام اتحادات اوروبا !! ( بالعربي تعلم منـهم )) < عادي اهم شي يفيد الكره السعوديه يعني كل لاعب يبي ينتقل لفريق آخر تسوي مشكله ولجنة واقوال وآراء ووو إلخ ؟؟؟ شوف اللاعبين بـ اوروبا عرض وموافقه وانتقال سريع سريع |
الله يقطع شيطانك يا انت مسخرته شكله بيقول ما نبي فلوس وخوذوا اللاعب بعد معها شكرا كلام منطقي |
ياخي والله التونسي هذا مسيـّـر مو مخيـّـر والله .. هو دميــه وفيــه نــاس يحركونه .. والا وش عرف ابو ثلاث رجول عن الكوره .. هو ما فيه الا كلام ع الفاضي .. عشان شوفوني رئيس .. والا وربـّـي ما حولك أحد .. وان طولها .. بكره والآ بعده .. ومصيره مصير ( سيـّـد منفوخ ) |
تبي اقولك رأيي في الاتحاد السعودي بكلمه ( العشوائية) |
زين منك ذا الكلام والا كنت الحين اطلع من بيتي واروح للتونسي وامسطه بالعقال لين يعض الارض<<يعجبوك شباب مكة والله والنعم فيهم( انا منهم ) ذا التونسي صبرك عليه ناوي يتكي جنب مقهور البلاوي بس عطه شوية وقت |
الإتحاد السعودية ذبحته الخصوصية يعني لوكان فترة الإنتقالات عندنا مثل بقية دول العالم اللي مقرتها الفيفا كان شهر يناير الحالي تتم الصفقات مثل العالم الإدارة بالهواية تطلع العجائب كل هذا وفق خطط علمية مدروسة ... ومافي شك !!!! |
في الصميم ذا الكلام |
كلامك والله حلو وقوي بس يا ليته كان بطريقه اكثر لباقة وما غلطت في الرجال لان الغلط من الاتحاد السعودي وهذا كلام جرايد ولا سمعت الرجال يقولها في شاشة تلفزيون ولا جا للبيت يقولها وشفته بعينك يعني انت غلطت فيه ويمكن يكون فبركه والا خبر غير صحيح |
إقتباس:
|
الكرة السعودية ما دام فيها حالات مثل كذا و بالعربي ما دام شي إسمه واواواواواواواو و كل واحد أقوى من الثاني |
| الوقت المعتمد في المنتدى بتوقيت جرينتش +3.
الوقت الان » 04:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd