شوف ياغالي من ناحية سوء النيه ومدري كيف , فأنا ان شاء الله اني لم اسئ النيه ابدا ,
ولاحظ اني قلت محمد حاسبها صح ,
ياخي والله من حقه يأمل مستقبل ولد اخوه , وتفكير محمد هذا يل على عبقريته ياخي ووفاءه لولد اخوه !!!
ياخي والله انا اشووف انه مفروض يسوي كذا , إذا شاف غيره يسويها !!! ...
وياخوي لا تقول اني ألقي التهم وما إلى ذلك , فقط اصبر ورايح تشوف , أما اكون مخطأ او لا !!
هذي جزئيه
الجزئيه الاخرى ...
ياخي القضيه ليست إعطاء فرصه ويمكن يعود لمستواه وما إلى ذلك ,
طيب الدعيع في آخر سنتين وبكل صراحه , رغم حبي [ ( والله يشهد ) اني احب الدعيع ليش مدري ] ؟!!
لكن وبكل صراحه اصبح سيء إلى درجه كبيره مقارنه به نفسه سابقا ,
بعدين ياغالي انا نقطتي الاهم ليه الحراس الشباب ما يعطون فرصه , مادام انهم شباب ؟؟!!
ليه نقول نصبر على الدعيع سنوات وهو اصلا سنوات ويعتزل !!
نصبر سنتين قدام , طيب والحراس الشباب ؟؟!! على امل انه ممكن الدعيع يعود لمستواه !!!
مع اني اشوفها مستحيله, لأن للعمر أحكام , (( مو بعد مباراتين يبدع الدعيع بتصديه لكم كوره )) (( ينطون )) الاعضاء الله يهديهم ,
ويقولون الدعيع رجع لمستواه !! << للأسف هذا اللي حاصل .....
يعني ليه الشمري ( رغم اني لا اعرف عن مستواه اي شيء مع الهلال , لكن كان جيد إلى جيد جدا مع الطائي )
لا اعرف عن مستواه لأنه لم يأخذ الفرصه ,,
العتيبي << مع اعجابي الكبير بهذا الحارس , ليه ماياخذ فرصه , والكل يتذكر حسن العتيبي ماذا كان ,
لا تقولي ياغالي العتيبي الآن هبط مستواه , ياخي والله طبيعي , 3 سنوات احتياطي الدعيع !! , وتبونه يثبت على مستواه , ومن ناحية صد كم كوره مع القادسيه اروح اطير فيه , للاسف ليست من ديدني
فالكل يعلم من هو حسن , لكن للاسف دُمر أو حُبِّط , سمها ما شئت
إذا قضيتي , انه عدم إعطاء الفرص ...
نجي لخالد عزيز والغامدي ....
ومين قالك اني رايح اقول ان عزيز والغامدي يلعبون بالواسطه ,, بالعكس والله , الله يخليهم لنا ويحميهم الاصابات يارب ....
لكن انا نقطتي , بالله ياخوي ممكن تبرر لي بقاء البرقان !!!! في نادي الهلال وتنسيق من هم اكفئ منه ؟؟ , لأنه باختصار عبدالله البرقان قريبه
ياخوي انت تناقض شيء مسلّم فيه وهو ان هلالنا , نادي تدخل فيه الكثير من الواسطات , وهذا والله انا اشوفه موب قابل للنقاش اصلا <<<< مع كل أسف ......
ممكن تبرر لي بقاء البرقان , وتنسيق ( أحمد عباس << وشهادتي بهالاعب والله مجروحه )) << أحياانا والله انك تقارن احمد عباس بالـ غامدي عمر وربما يفوق عمر بإقتدار احيانا ,,
انا ما اقول ان أحمد عباس والفرج افضل من عزيز والغامدي لكن , على الاقل بدلاء , ياخي الغامدي وعزيز دوليين , وكثيرا ما نفتقدهم , في (( معسكرات )) او (( كشتات )) منتخبنا !!!
وقضية الواسطه ليست حكرا على هالاعبين فقط ,
وعلى هذا فــ سر ,, مرورا بالمفرج (( حبيبي والله فهد )) بس لا يلعب مع الهلال ...
والعنبر ,,
ايضا ياغالي , وقبل ما اختم ممكن تفسر لي بقاء الخراشي احتياطيا لــ سنوااااااااااااااااات ....
والعنبر في سنه واحده يصبح أساسيا !!! وكذلك الصويلح (( طيب الذكر ))
<< لاحظ اني لم اتطرق لمستوى الصويلح ,,
لكن الخراشي (( كل )) مباراة يلعبها , أساسيا يُثبت نفسه فيها , ومع ذلك يعود الصويلح او العنبر من اصابه ,
بعد ذلك الخراشي , اين هو ؟؟؟؟ لا ندري !!!
عموما ياغالي , تبقى وجهة نظر
فمان الله
,,
ثانيا للاخ .. مشعل 911 ,, المندس ياغالي كان منتسب للمنتدى من 7 سنوات ,, يعني من يوم انت تأخذ 3 ريال (فسحة المدرسه) من ( أميمتك ) الله يخليه لك ...
الاخ اللي ماراح ينسى ابويعقوب .. We will not forget15 ..
ابشر ياخوي بـ صك راسي بالجدار , لعيونك ياشاطر
الاخ التــــ14ــائب ,,
والله ياخوي الصغار , نفس الكلام اللي قلته للاخ مشعل 911 ..
الاخ الساحرينهوووو ..
ياخوي الواحد موب عيب يقول وجهة نظره , واعتقد ان فسرت وجهة نظري , لكن اطلع على الردود في الاقتباس أعلاه , وشكرا لأنك تعلمني العيب ياغالي .. وشاكر لك مرورك !
واخيرا , يا شطار , ترى فيه شيء اسمه وجهة نظر ,
يعني معظم الاعضاء اللي دخلوا هالموضوع , رأيهم يخالف رأيي , حيث انهم يؤيدون استمرار الدعيع , وهذه النظره مخالف لوجهة نظري , لم اختلف معهم , لأنها وجهة نظرهم , وانا قلت وجهة نظري بخصوص هالموضوع ...