]||[ تــجــمــع اعـضـاء الـمـجـلـس الـعـام فـي روضـة خــريــم ]||[ - نادي الهلال السعودي - شبكة الزعيم

جرح يشكي · #1 16/02/2008, 03:07 AM

السلام عليكم ورحمة الله وبركاته

هذه تغطيتنا لـ الحلقة ... <=========@ خخخخخخخخخخخـ تعود

اسعد الله جميع اوقاتكم بكل خير ، والله يا انا مشتاق لكم ، كم انا احبكم

لي مدة ما كتبت موضوع قلت يا ولد خل نغير روتين الطلاب بـ موضوع يسعدهم <==@ يقاله يعرف يكتب مواضيع .

والبركه في شاعر المليون اللي رجع الحماس والروح

نبدا في الموضوع

طبعاً الموضوع خنفشارياً يعني لا احد يصدق

المشهد الاول :

في ليله من ليالي الطفش كنت مع الشله السعيدة " كلي هلالي وليو ميسي وهامور البورصت "

قعدنا نسولف ونسولف ونسولف .. ويا ليت يعذرونا اللي جابهم حظهم الاقشر بين يدينا ، بعد السواليف طفشنا من بعض ، وقلت لـ كلي هلالي " شرايك نطفش ونطلع بر " <==@ ابد ما يدق بالكلام .

قررنا اننا نطلع للبر بس كل واحد مننا يجيب قطته معه ودار هذا الحوار :

جرح يشكي : يالله يا شباب القطة 500 ريال .

ليو ميسي : محمد موب كانه قليله .

وفي هذه الاثناء ينقز هامور المقرود ويقول بصوته الشجي : لا لا كثيره .

عاد يقولون والكلام لـ الشباب اني تفلتت على طارق بس هم مسكوني ، بعدها تكلم شيخنا الجليل كلي هلالي وقال ، ليش ما ناخذ عيال المجلس .

نقز لنا طارق وقال بصوته الشجي ايضاً : الله فكره

خل ناخذ بعد بنات المجلس ، تعرفون حنا شباب ما نعرف نطبخ

قال عاد جرح يشكي كذا بنوفر قيمة الذبيحه لان عندنا خرفان كثار <===@ وهنا ضحك الجميع .

المهم كلمت انا الشباب وكلهم وافقوا ولله الحمد وبدينا بـ الاهم بحكم اننا مصلحجيين لـ اخر درجه

كلمت ابو طلال ، لاننا سمعنا ان عندهم سياره برمائية قلت ما بدهاش نستفيد من ابو طلال يونسنا ويجيب السياره .

وكلمت بريماكس والمشاغب وخالي من الهم وعفره وابو ناصر وبلد الوليد وأول العنقود و ابو صقر وكل الفن هلالي وماجد مقبل <==@ خليت ماجد اخر شي يقال لي اسوي اثاره

اتفقنا اننا نطلع لـ روضة خريم يوم الاربعاء الموافق 22/35/1482 هـ -- 001/21/2009 م <<====@ كيفي موضوعي اكتب التاريخ اللي يعجبني

تكفلت انا بـ اخذ موافقة الشباب وكلهم قالوا بصوت واحد : موافق موافق موافق

،
قررنا اننا نجتمع في محطة خزام اللي في الثمامه عند الساعه 6 الصباح .

المشهد الثاني :

اجتمعنا بس ما كنا على الموعد الان الساعه 7.30 واحنا ننتظر هامور البورصه وابو طلال ، وصلوا على الساعه 8 ، واخذت الشباب " ليو ميسي وهامور وكلي هلالي " على سيارتي .

طبعاً روضة خريم بعيده شوي عن الرياض ، والجو ما يساعد اننا نطلع برد وواحد من الشباب من ركبنا وهو يكلم لا تسألوني ما ادري ما ادري ..

مسكنا الخط طفشانين لان ابو طلال الله يهديه يمشي 70 وزاد الوضع سوء ناصر الفراعنه اللي معنا ، طول الخط " ناقتي يناقتي " هذا كلي هلالي كل ما قعدنا نسولف شطح علينا
قررت اني انزل كلي هلالي وليو ميسي ، لانهم رفعوا ضغطي بـ القصيدة .

دقيت على ابو طلال ،
جرح : هلا ابو طلال .
ابو طلال : هلا محمد .
جرح : يا ولد وقف عند المحطة بـ انزل كلي فراعنه وليو فراعنه .
ابو طلال : زين انا بركب معكم بعد ، عندي العيال ازعجوني ، بعدين احس جوكم اوكي .
جرح : الله يحييك تسوي خير .

وقفنا عند المحطه ونزل كلي هلالي وليو ميسي ، وركب معنا ابو طلال والمشاغب وخالي من الهم ، وفي هذه الاثناء ما زال هامور البورصة يكلم

.

واحنا نمشي ، الا وسيارة ابو ابو طلال ماره من جنبنا ، تمشي مليون ، وادعس يا جرح ونصفطهم على جنب ، وصار اللي يسوق مواصل ، والله لا يوريكم ترا ابو طلال ما فقع وجه احد ، وما كان احد انفرش ابد ابد .

بعد ساعه ونص وصلنا لـ روضة خريم ،

المشهد الثالث :

قبل لا ابداء في المشهد الثالث ترا هامور البورصة للحين يكلم

وصلنا على حدود الساعه 9.30 وكان قدامنا بريماكس على الجيب الربع

معاه الشباب الباقين ، ومعاهم كل شي " العزبه كامله "

وقنا على جنب ونزلنا العزبة ونسوي الشاي والقهوة والفطور ، بعد الفطور قام ماجد مقبل وقال هذه الكلمة قال عليه الصلاة والسلام " إذا خرج ثلاثة في سفر فليؤمروا أحدهم " ومن هذا الحديث يا ليت نختار امير لـ رحلتنا ، كل الشباب قالوا بـ صوت واحد جرح جرح هو اميرنا <===@ كذاب

فكرنا وقلنا ابو طلال هو اللي يستحق المنصب ، الا ان المشاغب رفض القرار بـ حجة ان ابو طلال يمكن يسحب عليهم ويروح لـ طلال بعد التشاور قالوا ماجد مقبل هو الي يستحق ، قال جرح هع هع استراحة سوا خير شاهد ما فيه <==@ معاه " الفيتو "

.

قالوا الشباب ما فيه الا هو يستاهل كلي فراعنه

، " في هذه الاثناء لا يزال طارق يكلم

" وافقنا على ان يكون كلي هلالي هو اميرنا ، ووزعنا المهمات علينا بـ التساوي
جرح يشكي : مشرف عام <==@ كيفي موضوعي

ابو طلال : والله ما يستاهل صدر المجلس الا انت
هامور البورصة : للحين يكلم

كلي هلالي وليو ميسي : دورنا لهم مهمه وما قدرنا قلنا خلاص انتم عليكم الطبخ ، لان خيمة الطبخ بعيده شوي ، على الله يفكونا من ناقتي يا ناقتي .

ماجد مقبل والمشاغب : عليهم المقاضي اللي نحتاجها من الاسواق <==@ اسواق كلها بقاله وحده

عفره وابو ناصر : القهوة والشاي عليهم .
أول العنقود وبلد القلق : يقطعون بصل خخخخخخخخـ ، لا لا عليهم الاشراف على ترتيب المخيم واختيار مكان بناء المخيم .

خالي من الهم وكل الفن هلالي : هم من ينسق مع باقي الشباب في تغيير الجدول .

المشهد الرابع :

بعد ان ارتحنا وتغدينا ، رحنا ندور لنا مكان للمخيم وكل ما وصلنا مكان قال جرح : فيه جن ، مشينا ومشينا الى ان طفشوا الشباب وقالوا وقفوا في اي مكان بس .

وقفنا وبدينا في التجهيز المخيم وكل (ن) قام بدوره على اتم وجه ،.

المشهد الخامس :

الساعه الان 6 المغرب ، وبدا النعاس في السيطره على الوضع ، وبدا التحضير للعشاء اللي اتفقنا انه يكون " خفافي " لاننا بـ ننام .

وصلت الساعه 8 والكل بداء يجهز فراشه ، اجتمعنا انا وكلي فراعنه وليو ميسي وهامور البورصه في الزاويه ، لان عندنا كلااااااام كثير

، قعدنا نسولف نسولف نسولف نسولف ... الخ

.

شوي الا الساعه 11 الليل " هنا جرح بداء يخاف "

السكووووووووت هو عنوان تلك الساعه "

، سوء صوت حشره ازعجتني

، اكلم ليو ميسي وصار نايم ، اكلم كلي فراعنه الا وهو بعد نايم ، واطالع لـ فراش هامور الا وما فيه احد ، وباقي الشباب ناااااايمين

.

بعد نص ساعه الا واسمع صوت واحد جاي يمشي للخيمه

، وارفس ليو ميسي " الرفس = الضرب

" وما صحى ، شوي شوي الصوت يقرب لا بعد بديت اسمع اللي يمشي يتكلم ، قلت اثنين والا اكثر الحين " جن " شوي الا هو هامور البورصه

رايح يكلم

.

يحلفون العيال انهم صحوا من النوم وحصلوا جرح نايم في وسط الخيمه بينهم من الخوووف

.

المشهد السادس :

صحينا الساعه 5 الفجر وصلينا الفجر ( اجل الظهر ) وكان الجوووووو برد برد برد