|
في اعتزال سامي شريت تذاكر الواجهه (60 ريال بعد التخفيض) ورفضوا دخولي بحجة امتلاء المقاعد ودخلت خلف المرمى الشمالي |
إقتباس:
|
فعــلا اذا كان سعـر التذاكر خلف المرمى 10 ريالات وسعر الواجهه 25 .. رح يكون هناك حظور اكثر .. |
مشكوور ياخوي بس أنـــا لي تعليــق أذا ممكن ..,, 1- أنـــت تقول أذا أشتريت التذكره راح أكون ضــامن الكرسي لو ماأجي ألا قبل المباراة بربع ســاعه وصدقني أن سويت كذا بتتوهق قل ليه..؟؟ أنـــا في مباراة سامي معي تذكره ومالقيت مكان..!! السبب مو بس أن الواحد يجي ويحجز أكثر من مكان لا المشكله (أعظــم) الي هي أذا تعرفلك أحد من السكرتيه الي يقصون التذاكر تقدر تدخل ..!! أيه نعم هذا الي صاير وأنــا أعرف ناس دخلو بمباراة سـامي بدون تذاكر ..!! ممكن أنت تقول لو دخله السكرتي الي ياخذ منك التذكره ماراح يقدر يدخل لأن العســاكر راح يطلبون منه القسم الباقي من التذكره ..!! لا حتى هذي محلوله تلقى السكرتي يكون مرتب مع العسكري عند البوابه الفلانيه أذا جــالك فلان دخلــه ..!! وعلى هالحـال راح تروح عليك الأمـاكــن بسبب هالشي وأنت بالأصل قــاص تذكره ..!! حرام بـس الشكوى لله .., وهذي نقطه أنت ذكرتهــا الي هي:(تقول فيهــا أنه التنظيم راح يسهل حتى علـى أدارة الملعب بخصوص الصلاة أنــه تذكرتك تكون معك تروح تصلي وترجع ..!!) أنــا بذكرلك هالسـالفه بمباراة ســامي وأنت أحكم ..,,طيــب ..,, السالفه الي هي ياطويل العمر ولايهون من يقرى: في مباراة سامي دخلت العصر الحالي في الواجهه طبعا أخوياي كانوا ورى المرمي وأدورلي على مكان الا الأماكن فل ياولد منى ويلا منى ألا ألقــالي رجال طيب شرواكم وقلتله أنــا الحـالي أذا ممكن مكان واحد بس ..؟؟ قالي تفضل المهم قلتله أنــا بروح بصلي العصر دامي ضمنت المكان وكان زحمه برى قالي خلاص طيب .,المهم جيت عند البوابه لقيتلي سكرتي موهوب عسكري وقلتله ترني بروح بصلي وأرجع ,قالي معك تذكرتك قلتله أيـه معي قالي خلاص ماعندك مشكله ., المهم صليت وأنـا جــاي ألا البوابه مقفلــه والعالم متجمعـه وكلن معه تذكرته!! ونقعد نترجى العســاكر يالطيب ويالحبيب تذاكرنـا معنـا.!! ماش مافيه فـايده وأقول العسكري أنــا قايل للسكرتي بروح بصلي وبرجع قالي ماعلي منك قلتله طيب شف تذكرتي مره الرجال رافض موهو بس الحاله حتى العساكر الي معه كل واحد لا لاتفتح لهم >> والله العضيم قعدت تقريبــا من نص العصر لين أذان المغرب وبـــأخر شــي يالله دخلنـي أنــا والي معي ..!! فمن خلال هالسالفــه تتغير أشيــاء كثيره أعتقد أنك كنت تتوقعهــا..,, للأسف لازلنـــا نعــاني ..!! أسف عالأطـاله بس حبيت أوضح لكم الصوره ..,, والله العضيم مـاودي أحطمكم باهالكلام وودي أكون متفــائل بس هذي الحقيقه والله العضيـمـ ..,, ولامــانع من تطبيق الأفكار الباقيه الي أعتبرهـا رائـعـه وبـأذن الله تصحح هالأخطاء الي ذكرتهــا ..,, ألف شكر لــك ..,, |
يعطيك العافية أخوي برهوم مثل ماسمعنا في الموسم القادم بتصير التذكرة مسجل عليها رقم الكرسي وتقدر تشتري التذكرة قبل المباراة بأسبوع وتضمن أنك تلاقي مكان تجلس فيه يعني بيصير مثل الدوري الأوروبي قبل بداية المباراة بساعة الملعب مافيه أحد بعد نصف ساعة تشوف مافيه كرسي فاضي متى أمداهم يجلسون ماتدري هذا الترتيب ولا أحلى منه مايحتاج تطلع من الظهر ولا تسرع متى ماوصلت كرسيك موجود ... |
والله يا ليــت الحفل كان تنظيم رائــع جداً جداً جداً .. |
نتمنى استمرار هذا التنظيم المميز .. |
ياليت يطبقونه موبايلي والله الفكره ممتازه ونجحت في حفل الذيب |
إقتباس:
لم ارى الجماهير تتفاعل بالحركات مع الرابطة كتكريم سامي رأينا الزلزال والامواج والمرواح والاهازيج ووو الخ |
مــــــــــــــــــــــــــــــوبايلي كـــــــــــــــلـــــــــــــها خــــــــــــــيــــــــــــــــــر وبركه اضم صوتي لتنظيم موبايلي للمباريات |
نتمنى ذلك التنظيم |
تنظيم الصرااحه ولا اروع بس فيه مشكلــــــــــــــــــــــــــــــــــــــــــــــــــه واحده آه لو حلتها موباااااااااااااااااااااااااايلي وهي التدخين في المدرجـــــــــــــــــــــــــــــــــــــــــــات يا ليت تحلها يا ليت الصراااحه كم نتضااايق اذا لقينا احد يدخن وخاصه اذا صار المدخ قدااامك او خلفك الله يعينك اللهم عاافهم ولا تبلانا وشكرا اخي |
فكره حلوه وتنقيذ موفق تنظيم الصرااحه ولا اروع بس فيه مشكلــــــــــــــــــــــــــــــــــــــــــــــــــه واحده آه لو حلتها موباااااااااااااااااااااااااايلي وهي التدخين في المدرجـــــــــــــــــــــــــــــــــــــــــــات يا ليت تحلها يا ليت الصراااحه كم نتضااايق اذا لقينا احد يدخن وخاصه اذا صار المدخ قدااامك او خلفك الله يعينك اللهم عاافهم ولا تبلانا وشكرا اخي .... |
انشاء الله |
يعطيك العافية على هذا الموضوع بصراحة كان لازم يكون هذا التنظيم في جميع المباريات من زمان أعتقد ان تسعير تذاكر وشكل مختلف من درجة لأخرى سيساعد كثيرا على مسالة تنظيم دخول وخروج الجماهير من مقاعدهم المخصصة انا اوافقك كثيرا في هذه الفكره ومثل هذه الأمور لن تنجح إلا إذا تعاون الجمهور مع المنظمين وفي إعتقادي ان الجماهير هم السبب في الإزدحامات التي تحدث في الملاعب فعليهم الوعي والحرص على الدخول والخروج بشكل منتظم وحسب إرشادات المنظمين تقبل تحياتي وخالص اشواقي دمت بود |
| الوقت المعتمد في المنتدى بتوقيت جرينتش +3.
الوقت الان » 11:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd