نادي الهلال السعودي - شبكة الزعيم - الموقع الرسمي - في السعوديه:ما فيه احترام للمرأة وحنا مسلمين..وغير المسلمين سبقونا

إقتباس:

الرسالة الأصلية كتبت بواسطة هامور البورصه (مشاركة 7600603)

عليكم السلام ورحمة الله وبركاته

اهلاً اخوي امي ولدتني هلالي منور المنتدى بهالموضوع

لا اذا سمعت كلمة مرأة بيخطر ببالي قاروره :d الله يهديك يعني وش بيخطر في بالي

اكيد امي واختي وبنتي و..... الخ

الحين مالقيت غير هالمثال !! يااخي حتى لو ماخليتها تروح قبلي مايدل على اني ماحترم

المرأة بالعكس يااخي انت تناقض نفسك تقول بالغرب يحترمون المرأة مع انهم يخلونها

في الطابور تصف جيزها جيزهم لن مو شرط انك خليتها تخلص شغلها قبلك يدل على انك

تحترم المرأة !!

انت تقصد ان المرأة على خطأ طيب انت تقول في المثل ان الرجال هو الي خلى المرأة تروح تصرف

بدون ماتوقف طابور !! اشلون جاي الحين تقول ان الرجال ماخلاها تصرف الا عشان يتقي شرها !!

يعني انت تشوف ان المرأة شر :d يااخي انت فااهم الاحترام غلط !! يعني الاحترام انك لين شفت حرمه

دنقت رااسك وتحولت نعامه !! عشان بس ماتطالع فيها ليه هي كاسره عينك !! يااخي اي شخص قدامي

بطالع فيه بس فيه مطالع يختلف عن مطالع :d يااخي الحين اذا قمت تطالع في حرمه تكون هي كانها

مرتكبه جريمه انت الاحترام عندك وشو ان حنا نغلف المرأة عشان محد يقعد يطالع فيها ونجيب لها

صرااف عند بيتهم ولا وشو الاحترام ان كانك تقول ان السعوديه مايحترمون المرأة عشان هالشي

والغرب يحترمونها يكون بعلمك الي قااعد تقوله هذا هو العكس تماماً طبعاً انا اتكلم عن المثل الي انت

جايبه لن هم هناك بيقمون يطالعون ويمكن يجي يسولف معها وانا ماشوف انه مايحترمها لن هم عندهم

هالشي عاادي عشان كذا ليتك جبت مثال غير هذا :yes: يااخي انت دااخل جواء صدور هالعالم يوم انك

تقول انهم شاكين فيها ياخي حرمه وجايه تصرف يعني وش بشك فيه !! بقولك سالفه لي انا :d

مره كنت بسووق وكنت مستعجل وفي الدور الثالث المهم جيت بركب الفت جتني حرمه قالت لا متركبه

قلت لييه ؟ قالت انا واقفه قبلك قلت انا مستعجل قالت على ........ مانتب رااكبه قلت والله لركبه مدامك

ماتبين تركبين معي هذي مشكلتك اقعدي لين يجيك الفت طبعاً انا ما علي منها وهالشي مايدل على اني

ماحترمتها هو ماحط لها بس حط للجميع اذا هي ماتبي تركب معي تنتظر الله لا يهينها ابي اسالك يا الدكتور الي سويته انا يدل على عدم احترام المرأة :d

اخوي يعني لدرجه هذي عقولنا صغاار اي اشااعه اروح اذبح اختي او بنتي !!.. وهي مجرد اشاعه

يااخي العالم يصير فيهم اكثر من هالاشااعه ولا يذبحون بناتهم لييه لأنه يحترمها ؟ لا طبعاً لن

لو هو ذبحها رااح الكل يدري انه ذبحها وليه ذبحه !! هينا عااد بيطلع انوااع الكلام لكن اذا هي غلطت

تبينا نسكت !! مانقولها شي عشان بس تجي انت طال عمرك تقول عننا ان حنا نحترم المرأة يااخي

احترام المرأة للأسف انت فاهمه غلط :yes: اما كلامك عن الولد انا اعرف واحد شخصياً انسان مغزلجي

والله لا يبلانا علني يعني المهم كبر الولد وجاء بيتزوج قسم بالله انه خطب بنات فخذه كلهن ومحد زوجه

لييه عشانه رااعي خرااب لكن هو طلع من فخذه ورااح تزوج من نااس بعيدين المشكله هينا الناس هذول

ليه ماراحو يسألون عنه زين ولا لين تزوجها ودفع مهر وقصر وذبايح وسفرها والمصاريف كلها توصل

متين الف تجي تقول لا والله انت رااعي خرااب تغازل طلقني !! طيب لييه ماسالتو من اول انا اقولك

هو اكيد غلطان بس اهل المرأة بعد غلطانين .. لا يااخي بالعكس لو يدرون ان فلان زنا في فلانه

اكيد بيستنقوونه واول كلمه بيقولون سود الله وجهه ومن هالكلام مهوب رايحين يقولون فلانه ماتسترت

عااد هينا شي ثااني اذا هي موافقه فمالومهم لو يقولون ليه مهوب هذا الواقع !! ولا ماتبيهم يقولون

الي صااير عشان يكونون بعينك محترمين المرأة !!..

لاا القصه مهيب كذا ابد يااخي الله يهديك بس السالفه ومافيها ان زوجها اتفق مع حرمته

قال بطلقك وروحي قدمي على الشؤن مدري وش اسمها الي يعطون المرأة المطلقه 800 ريال شهرياً

وكان هذا اتفاقهم والظاهر انه توه متزوجها ودافع عليها مهر لكن هم ضعوف مره عشان كذا فكرو

بهالشي المهم طلقها وراحت وفعلاً قامت تاخذ راتب شهري المهم حاول انه يرجعها كل يوم بكره بكره

لين انتهت العده قالت له تبيني خذني بمهر والي صاار انها تزوجت رجل ثاني هذي السالفه كلها

نجي للي تقوله انت الحين لو انت عسكري وجاك واحد يقولك ان افلان يهددني وش بتسوي بتقوم

تحرسه لا طبعاً بتستدعي فلان وبتاخذ عليه تعهد ويمكن هذا الي صاار مهوب معقوله انهم يخلون

للمرأة حارس يحرسها عشانها جايها تهديد طيب الحين هالي نسمع عنه والي يصير دايم ان فلان

ذبح اخو فلان ونحااش واخوان فلان المذبوح يقولون ياما فلان الذاابح او اخوان الذاابح وش تبي

من الامن يسوي يحط على كل واحد من اخوان الذاابح عسكري يحرسه اجل على كذا الامن مايحترم

الرجل !!

بعض :d ياخوي قل كلهم خلااص طال عمرك لين عزمت لك رجال قله اصبر طال عمرك انا

انسان احترم المرأة بخلي اهلي ياكلون من الذبيحه ثمن بجيبها لك يااخي انت لما تعشي رجاجيل

مانتب ذاابح لهم ذبايح ومانتب مخليه هو اول من يسمي عاد بعدها خل الحريم يدخلن الي تقول

لا مانيب ماكله بكيفها تطبخ لها اكل تاكله والي بتااكله يبقى نعمه ولله الحمد .. بعدين تعال الحين

مهوب اغلب العزايم اهل البيت والشباب يقعدون مايقلطون الا في الدور الثاني طيب على كذا الولد

مايحترم عندنا ..

في النقطه هذي انا معك تماماً s60s فعلاً لو يكون فيه سوق ممنوع دخول الرجال وكل الي فيه

نساء انا اقول انه افضل بكثير والله جد شي يقهر ان الحريم يروحن يشترن ملابس داخليه من

يماني وهندي ولبناني :d بس حتى المثل هذا ماله دخل في احترام المرأة

اخوي انا معك تماما بان حنا شعب لا يحترم فعلاً لكن انا اعترضت على امثلتك وعلى ان المرأة هي

الي فقط لا تحترم طيب يااخي ابيك تاخذ سيارتك وتطق لك لفتين على حيكم شف كم وااحد بيدخل في

مسارك وكانه مايرااك شي شف كم وااحد بيقطع قدامك هذا هو الي يقاله عدم احترام انك تكون

قانوني ويجي وااحد يدخل عليك انا معك ان المرأة بعد لا تحترم في اشياء كثيره بس انا علقت

وانتقدت الفكره يعني انك تشوف ان المرأة هي المسكينه هي الي ماتحترم ......... الخ

اسف على الاطاله

كفيت ووفيت