[[ لابوها كورة من بعد روحة الذيب ]] - نادي الهلال السعودي - شبكة الزعيم

juv26 · #1 26/01/2008, 03:18 PM

قصيده روعه في الجابر
منقوله

إقتباس

الرسالة الأصلية كتبت بواسطة صلوحكا


	بسم الله الرحمن الرحيم أسعد الله أوقاتكم بكل خير الموقف يجبرك ان تختصر كل الكلمات ،، و تبتر كل المقدمات ..!! الموقف .... هو اعتزال سامي !! كان لابد للشعِر ان يتواجد في هكذا موقف ....!! [[ لابوها كورة من بعد روحة الذيب ]] لا لا أبد لا تنبهر وش علامي ............ ......... .الراس من هول الخبر صابه الشيب ..! وقْع الخبر كنه رؤوس السهامي ............ ......... ..... والا كما روس السيوف المحاديب دفْع القصيدة يارفيقي أمامي ............ ....... وانت ادرى مني يالغلا بقافية ( إيب ) العين جافت مرقدي والمنامي ............ ......... ... والصوت بحّ وبيّح اغلى المكاتيب والعِرق ينبض بس دون انتظامي ............ ......... .... والرمش مايرمش يبي زود تدريب مخ العظم صابه كساح العظامي ............ ......... والجرح غائر ، الحقوا رشوا الطيب انا اشهد اني بإعتزالك ياسامي ............ ......... .. مثل الضرير اللي سكن بالكراديب ياجابر العثرات اسمع كلامي ............ ......... ... هاك الحروف اللي بلا شك أو ريب كل الملاعب تنتفض يالعصامي ............ ......... ..... لامن حضرت وجاك مليون ترحيب ياليتني يالذيب عنك محامي ............ ......... .. لأقطع لسان اللي نسب يمّك العيب عشرين عام وعدهّا بالتمامي ............ ......... . تهديف وانجازات وابداع وتسحيب ! عشرين عام تشيل حد الحسامي ............ ......... .... والذيب مايهرول عبث لازم يصيب متخيل ان البعد وشلون دامي ............ ......... ..... تيبس حناجرنا اذا شمسك تغيب اقولها بالصوت والصوت حامي ............ ......... .... مشكور ياللي ماتشيل العذاريب قل للرياضه مع شديد احترامي ............ ......... ... لابوها كورة من بعد روحة الذيب :: وداعا ً سامي :: صلوحكا

صالـــح · #2 26/01/2008, 03:54 PM

بسم الله ..

حياك الله اخوي ,,

بالنسبة للقصيدة .. فهي لي .. وسبق طرحها في المنتدى بيوزر " صالـــح "

وسبق ان تم طرحها في منتديات مدمي الشباك بنفس اليوزر ,, وكذلك شبكة الهلال ..

وبيوزر " صلوحكا " في شبكة أبو نواف

واقدر لك ... احترامك لكاتب القصيدة .. وذكر اسمي ,, كل الشكر والتقدير لك اخي العزيز

وهذا رابط الموضوع في شبكة الزعيم :

[[ لابوها كورة من بعد روحة الذيب ]] (( قصيدة الوداع ))

اشكر لك اعجابك بالقصيدة ونقلها ..

هذا الرد للتوضيح ليس إلا : )

.
.
.

صلوحكا

STOP HELALY TOP · #3 26/01/2008, 06:54 PM

صح لسانك والله قصيدة جت عالجرح