هل يستمر التنظيم الجماهيري في اعتزال الأسطورة في المباريات الكبيرة القادمة ! ( دعوة للنقاش )
بسم الله الرحمن الرحيم ..
يالله حيّ الشعب الهلالي الكبير ..
- كل من حضر حفل اعتزال الأسطورة سامي الجابر شاهد التنظيم الكبير والمميّز لـ ((موبايلي)) سواءً كان ذلك من خلال الشاشات أو العروض أو من خلال المذيع اللي كان داخل الملعب ..
- لكن التنظيم الأبرز والجديد على الملاعب السعودية كان التنظيم الجماهيري بتسعير التذاكر بدرجات مختلفة حسب مواقع مدرجات الملعب وأشوف أنه نجح بـ امتياز لكن السؤال هل يستمر هذا التنظيم في المباريات القادمة والكبيرة التي ستقام على أرض الهلال وبرعاية ((موبايلي )) ؟! وأولها مباراة النصر القادمة !
& أبرز مشكلة بتواجه ((موبايلي)) إن أرادت هذا التنظيم هي أسعار الدرجات لمدرجات الملعب المختلفة :
- أسعار الدرجات المختلفة لمدرجات الملعب : وهي المشكلة الأساسية والرئيسية التي ستواجهها وكلنا يعرف أن أقل سعر للتذكرة محدد للتذكرة هو ((20 ريال)) .. الموقع الغير محبذ من كثيرين إن ماكان الجميع هو خلف المرميين .. أذكر في كأس الأمير فيصل السنة الماضية أو اللي قبلها حضرت مباريات عدة كانت تذكرة المباراة فيها ((15 ريال)) فلو تم فرض هـ القيمة لـ المدرجات الواقعة خلف المرميين أشوف أنها مناسبة وتكون درجة ثالثة .. أما الدرجة الثانية فهي للمدرجات الواقعة مقابل الواجهة الدور الثاني يكون سعرها ((20 ريال)) .. والدرجة الأولى هي للمدرجات الواقعة مقابل الواجهة ويكون سعرها ((25 ريال )) وأتوقع أنها مناسبة ..
- هذا التنظيم بيحل مشاكل كثيرة نعاني منها صراحة وهي هم الحظور .. يعني مباراة مثل مباراة النصر القادمة بتكون يوم جمعة وإجازة نصف عام للطلاب وإجازة رسمية للموظفين ومباراة خروج مغلوب يعني إذا تبي محل مضبوط لازم تروح للملعب من بعد صلاة العصر !!
- بهالتنظيم أشتري التذكرة قبل المباراة وإن بغيت أحضر قبل المباراة لو بربع ساعة كرسيي مضمون !!
- غير كذا بيكون التنظيم سهل حتى على إدارة الملعب .. يعني مثلاً البوابات بتنظيمنا الحالي تقفل إذا امتلأ المدرج ولاتقدر تطلع تصلي في بعض الأحيان ويقولك إذا طلعت ماترجع !! لكن بـ التنظيم المُقترح واللي نُفذ في حفل اعتزال سامي التذكرة معك ومكتوب عليها الدرجة وإن بغيت تطلع تصلي وترجع ماعندك مشكلة ..
- البعض عانى من عدم توفر أماكن في حفل الاعتزال وجلس على الممرات .. لكن صراحة المشكلة حسب اللي أنا شفته ماهو في التنظيم المشكلة في المشجع نفسه !
يعني مثلاً يمسكلك 10 محلات ويقول محجوزة وإذا جو ربعه تلقاهم 6 وبين كل واحد والثاني كرسي مثلاً أو بين واحد والثاني كرسي عشانه يدخن !
- لو طبقنا هـ التنظيم ممكن نفكر مستقبلاً بتنتظيم الدخول والجلوس في المدرج حسب رقم الكرسي 
لأن الواحد يبدأ يتعود تدريجيًا على النظام .. - ((موبايلي)) إن استمرت بهذا التنظيم الناجح أتوقع هذا بيكون بحد ذاته دعاية قوية لها 
.. - مُقترح وأتمنى أن يرى التجاوب سواءً من الجمهور ((الأعضاء)) وَ تطبيقه من قبل موبايلي اللي سبق وأن طبقته بنجاح ..
صحيح وقت عرض الموضوع قد يكون غير مناسب بسبب الاختبارات النهائية .. لكن فكرة وأتمنى تصل قبل المباراة الكبيرة القادمة ..
ننتظر أرائكم واقتراحاتكم 
.. والله يوفقنا وإياكم في الاختبارات .. 
الوضع العادي
