#31  
قديم 24/01/2008, 11:20 PM
زعيــم فعــال
تاريخ التسجيل: 17/04/2006
مشاركات: 211
الشرهه على الأي ار تي

فشلونا بنقلهم اللي زي وجيهم ..

سامي كبير .. ومثالي .. ومشكله انه حتى الآن يحارب من بعض الهلاليين ..
  #32  
قديم 24/01/2008, 11:58 PM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
إقتباس
الرسالة الأصلية كتبت بواسطة مولع بالهلال
هلا أبو طلال .

أشوفكم قالبين الموضوع شتشته أنت واللي لا زال يعدل شماغه .

أبو طلال أنا أعرف أن سامي قام بدعوة العديد من اللاعبين وذكر بعضهم بالاسم :
مثل صفوق والنعيمه والثنيان والتخيفي .
وهذه دعوة خاصة غير الدعوة العامة اللي وجهها لجميع اللاعبين والرياضيين .
طبعاً هو وجه دعوة للأميرين سلطان وفيصل لرعاية الحفل .

أبو طلال ما أبغى أقولك الأمير فلان ما أحد دعاه وجاء بل كلهم مدعويين .

وأنا كأنني شاهدت الوليد بن بدر .
فهل يعقل أن سامي سيوجه دعوة للوليد بن بدر .

أقول نعم فسامي نبذ كل التعصب ودعا الجميع دون تحديد أسماء .

أبو طلال أنا أدري ليش أنت فاتح الموضوع الله يهديك
لكن قالوا واحد أسطورة والثاني ظاهرة

هلابك متعب ... انت تعرف انه قدم دعوة .. انا مااعرف ؟؟ غيري كثير مايعرفون هالشي ؟

بالنسبة للأسطورة والظاهره .. كلهم عينان في رأس واحد .. بس هذاك قدم دعوه لمن له هو الفضل في بروزه ...
أما سامي هل نسي دعوة من كانوا هم سبب بروزه ونجوميتة .. وهالزله كبيره اذا كانت من شخص بحجم سامي .. لانه كبير ...

أما القصور كان من art فلابد وضع حد لهذا التهميش الدائم لكل ماهو هلالي .. مايكفينا بعد تعليق النصراوي ( الحربي ) واللى كأنه يستهتر في ضربات الجزاء .. وكان تعليقه على ضربة الجزاء الثانيه وسامي كان يحلف ان مايشوتها الا الشلهوب .. راح المعلق وبحكم حقده فسرها بأن سامي يقول : ( والله مااحد يشوت إلا انا ) يقصد سامي ؟؟ بالله هذا معلق يستحق شرف تعليق اعتزال الكابتن سامي ؟؟

وبالنسبة للتعصب .. اي تعصب وانت تدعوا ومن باب الوفاء رفاق المسيرة الرياضيه واللي عاصروا جميع مراحل نجوميتك وكانوا هم خير شاهد .. هل تدعوهم كما تدعوا للحفل ( البحري .. او مالك معاذ )؟ أو حتى البلوي ؟
شكرا لك .. والله يوفق سامي .. وفعلا كان احتفال جميل .. ويستاهله ابو عبد الله

بخصوص هوبا .. انا ماودي اناقشه لين مايصير معي كيس مليان شمغ مكويه .. لزوم المناقشه
  #33  
قديم 25/01/2008, 12:02 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
إقتباس
الرسالة الأصلية كتبت بواسطة هلالي في جده
يقولون "أن يوسف يوم شاف الزحمه بالطريق طلع مع اقرب مخرج " !

لا مـن جـد غريبـه ان ابو يعقـوب ما حضـر .. !

ويمكن حضر لكن ما جـابوه الـ art !

الله اعلـم !

انا مثلك .. بصفي النيه .. وبأحسن الظن في سامي وفي الإدارة .. وفي كل شخص وأقول يمكن حضر وماجابوه ال a r t >>> يعني بحط حرتي في هالقناة .. واتمنى فعلا تكون المشكله من القناة بس

شكرا لك
  #34  
قديم 25/01/2008, 12:10 AM
زعيــم فعــال
تاريخ التسجيل: 17/03/2007
المكان: بين احرف سامي
مشاركات: 263

بسم الله الرحمن الرحيم

لاحول ولاقوة الا بالله اخوي ابو طلال
بردي الاول نزلت لك رابط يثبت لك ان سامي طـــــــــــــــــــــــبــــــــــــــــــــــــــــع
وقلت لك انه هالموضوع مثبت بشبكة الزعيم بهذا القسم وبتحصله كمان بالصفحات من 8 وطالع
وثبتوه شبكة الهلال وكمان المنتدى الرسمي لسامي
لكن ماعرف ايش قصدك؟؟؟ الدليل عندك ومع ذلك مازلت تحاول تشكك
بليز ارجع لردي وبتحصل الرابط
وعلى فكره شفت لك بشبكة الهلال نفس الموضوع بس صراحه متعجبه معقوله
ماانتبهت لموضوع الدعوات وهو مثبت بكل المنتديين
  #35  
قديم 25/01/2008, 12:18 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
إقتباس
الرسالة الأصلية كتبت بواسطة ((خالد بن عبدالله))
حسبي الله على قناة الهيس الأربد أبو بكس

جايبين سباك ويقولون أطلق مخرج !!!!!!!!

لاخلانا نشووف الجمهور ولا اللي في المنصه وإعادات زي وجهه

حسبي الله عليه من سباك زي قلته


وازيدك من الشعر بيت ... معلق حاقد ومتعصب جدا لناي النصر .. ( الحربي )

استهتار عيني عينك .. استخفاف بالفوز والمستوى !! استغفال المشاهد ,, وتمرير بعض الأمور الغير لائقه .. ومنها ( أنانية سامي في البلنتي ) وهو عكس الحقيقه وأن سامي حلف على الشلهوب مايشوتها إلا هو .. وكان تعليقه ( كل واحد يحلف انه يشوت؟)) وين بزران !؟؟ استح يالحربي

شكرا لك



إقتباس
أحمد الجبيل أوافقك الرآي أخوي أبو طلال المفروض أن سامي يدعو النعيمه والتيماوي والثنيان وأبو أثنين عشان تكتمل فرحته وفرحتنا بشوفة نجوم الهلال وأتوقع إذا حضر النمر بياكل الجو على الذيب . . ؟ ؟

القصد هو شوفة االنجوم المعتزلين ويكون تكريم لهم ووفاء .. مو القصد منه اخذ الجو من سامي .. سامي له جمهوره ومحبيه .. وكل لاعب معتزل وغير معتزل له جمهوره ومحبيه ..وماحد بياخذ جو احد
كلهم نجوم نادي الهلال
شكرا لك


إقتباس
الهنوووف


اسطورة الكورة وليس محبيه بالتاكيد قدم دعووه لاعبين الهلال القدماء

التيماوي والثنيان عندي احساس انهم ماجو لانهم ماطبووا النادي الظاهر من اعتزلووا
واحس عندهم حساسيه من الهلال الله العالم

نعم اسطورة محبيه .. ومحبيه يعتبرونه اسطورة العالم وكرة القدم واليد وكره السلة .. وهو يستاهل
وبعدين وش دخل دخول نادي الهلال بمهرجان الاعتزال اللى بملعب الملك فهد ؟
وبعدين سالم مروان جته دعوه من يوسف الثنيان وهو ماطلع من بيتهم ( الله يشفيه ) وهو اللى صعبه على الطلعه والحركه وهو على كرسي متحرك .. لكن وصل !! وازيدك بعد كان نصراوي .. يعني مو حساسيه وبس .. إلا حساسيه وربو .. وروماتيزم وكل شي

شكرا لك

إقتباس
ريـــ الهلال ـــاض الشرهه على الأي ار تي

فشلونا بنقلهم اللي زي وجيهم ..

سامي كبير .. ومثالي .. ومشكله انه حتى الآن يحارب من بعض الهلاليين ..

اخوي رياض الحرب ضد سامي في خيالك فقط .. حارب انت الوسواس لكي ترى الحقيقه .. مو كل كلمة تنقال عن سامي تصير حرب .؟؟
ولو سامي مو كبير ومثالي .. ماكتبت هالموضوع ..
واتفق معك بسوء تغطية ال a r t في الحفل

شكرا لك
  #36  
قديم 25/01/2008, 12:39 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
إقتباس
الرسالة الأصلية كتبت بواسطة 9 حروف تخضع لسامي 9
بسم الله الرحمن الرحيم

لاحول ولاقوة الا بالله اخوي ابو طلال
بردي الاول نزلت لك رابط يثبت لك ان سامي طـــــــــــــــــــــــبــــــــــــــــــــــــــــع
وقلت لك انه هالموضوع مثبت بشبكة الزعيم بهذا القسم وبتحصله كمان بالصفحات من 8 وطالع
وثبتوه شبكة الهلال وكمان المنتدى الرسمي لسامي
لكن ماعرف ايش قصدك؟؟؟ الدليل عندك ومع ذلك مازلت تحاول تشكك
بليز ارجع لردي وبتحصل الرابط
وعلى فكره شفت لك بشبكة الهلال نفس الموضوع بس صراحه متعجبه معقوله
ماانتبهت لموضوع الدعوات وهو مثبت بكل المنتديين

والله اشوف ..
وشفت ... واللون الأحمر شافه اللى بمنتدى الثنيان من كبرة

واشكر فيك هالحماس ...

نبي ذكر اسماء من كان لهم الفضل بعد الله في نجوميته وماوصل إليه في نفس حفل الأعتزال وتسليط الأضواء عليهم

شكر من يستحق الشكر ولكل شخص ساهم في بزوغ نجم الكبير سامي .. بالأسماء .. وهم معروفون .. يوسف الثنيان .. اولاد التمياط .. التخيفي .. التيماوي .. الغشيان

ألم يشكر سامي وعلانيه وأكثر من مره سمو الامير عبدالرحمن وعبد الله ابناء الامير مساعد ؟

لماذا ؟؟ لأن لهم الفضل في اخراج هذا الحفل كما يجب .. وبسبب الدعم المادي والمعنوي ..

انتظر تكريم من نوع اخر ومميز لرفقاء المشوار الحافل .. على الأقل صورة تلتقط فيها تعليق بسيط

من شاف يوسف الثنيان وهو يلتقط صورة مع سالم مروان ( الله يشفيه ) ؟؟

القصد ان كل شي يجبر الخاطر .. ورد الجميل من الوفاء ..

وبالنسبة لشبكة الهلال نعم .. واكتب بنفس اليوزر .. يعني واضح وصريح .. بس صراحتي مرات في هالمنتدى تزعل .. ومرات اصير مندس .. ومرات يتم نقل او حذف الموضوع .. والله يستر بعد هالموضوع وش يصير لي

شكرا لك
  #37  
قديم 26/01/2008, 02:36 AM
زعيــم فعــال
تاريخ التسجيل: 17/03/2007
المكان: بين احرف سامي
مشاركات: 263

بسم الله الرحمن الرحيم

ابغى بالظبط لايش راح توصل؟؟؟
اول مره تكلمت وكان محور موضوعك تسأل فقط عن الدعوات؟
جبنا لك الرد والرابط
رجعت الحين وقلت ليش ماذكره بالشكر مثل عبدالله وعبدالرحمن بن مساعد
يكفيني كلامك هذا بس علشان افكر انك تحاول تختلق مشكله من لاشي
ومع ذلك خلينا نتناقش بالعقل

لو سامي بيشكر كل واحد وقف معاه معناتها بتنتهي المباراة وهو لسا ماخلص
فيه حاجه ثانيه انت شوف كيف كانت حالة سامي وهو يشكر كويس طلعت منه هالكلمتين
لو فكر سامي ووجه شكره للاعبين واعضاء الشرف يمكن ينسى احد ووقتها الكل بيلومه
وبيفتح مواضيع عدم وفاء وغيرها
ارجع لمقابلات سامي المرئيه والمقروئه كان بكل لقاء يشكر كل من وقف معاه ويذكر بعض الاسماء
يرجع وينسى احد وبعدها يعتذر انو سقط سهوا
اعطيك مثال لما قابله البكر بعد تكريمه يوم السبت ذكر كذا شخص ساهموا في بروزه
واستفاد منهم بعدها تطرق لعدة محاور رجع وتذكر الامير نواف بن محمد؟؟؟
وشكره وقال اعذروني ويعذرني كل شخص سقط اسمه سهوا
وغيرها يكفي سامي انو مانام ليلتين وكان متوتر وتجي تقول ليه ماذكرهم ؟؟؟
اكيد بتطلع لي وتقول اجل ليش يتذكر عبدالرحمن وعبدالله بن مساعد
الجواب بقول لك مين تكفل بالحفل مين تدخل وحل المشاكل اللي كانت بتشوه الحفل
ومين ومين
فرجاء منك اخوي سامي عمره ماكان ناكر للجميل ويوسف عمره مااحتاج شكر من احد
وكلهم عينان في راس ...
  #38  
قديم 26/01/2008, 03:20 AM
زعيــم متألــق
تاريخ التسجيل: 08/12/2006
مشاركات: 1,486
شخص بحجم ابو يعقوب يكون موجود ومااحد يدري ؟!!

قصدك البلى والمسؤوليه على الــ art ?? غيبووه مثل ماغيبوا جمالية الحضور الجماهيري وكثافته في تلك الليله ؟

والله كل السبب من قناة طرش البحر البنقالي : كمال الدين صنوان والمسماه art
  #39  
قديم 26/01/2008, 09:39 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
إقتباس
الرسالة الأصلية كتبت بواسطة 9 حروف تخضع لسامي 9
بسم الله الرحمن الرحيم

ابغى بالظبط لايش راح توصل؟؟؟
اول مره تكلمت وكان محور موضوعك تسأل فقط عن الدعوات؟
جبنا لك الرد والرابط
رجعت الحين وقلت ليش ماذكره بالشكر مثل عبدالله وعبدالرحمن بن مساعد
يكفيني كلامك هذا بس علشان افكر انك تحاول تختلق مشكله من لاشي
ومع ذلك خلينا نتناقش بالعقل

لو سامي بيشكر كل واحد وقف معاه معناتها بتنتهي المباراة وهو لسا ماخلص
فيه حاجه ثانيه انت شوف كيف كانت حالة سامي وهو يشكر كويس طلعت منه هالكلمتين
لو فكر سامي ووجه شكره للاعبين واعضاء الشرف يمكن ينسى احد ووقتها الكل بيلومه
وبيفتح مواضيع عدم وفاء وغيرها
ارجع لمقابلات سامي المرئيه والمقروئه كان بكل لقاء يشكر كل من وقف معاه ويذكر بعض الاسماء
يرجع وينسى احد وبعدها يعتذر انو سقط سهوا
اعطيك مثال لما قابله البكر بعد تكريمه يوم السبت ذكر كذا شخص ساهموا في بروزه
واستفاد منهم بعدها تطرق لعدة محاور رجع وتذكر الامير نواف بن محمد؟؟؟
وشكره وقال اعذروني ويعذرني كل شخص سقط اسمه سهوا
وغيرها يكفي سامي انو مانام ليلتين وكان متوتر وتجي تقول ليه ماذكرهم ؟؟؟
اكيد بتطلع لي وتقول اجل ليش يتذكر عبدالرحمن وعبدالله بن مساعد
الجواب بقول لك مين تكفل بالحفل مين تدخل وحل المشاكل اللي كانت بتشوه الحفل
ومين ومين
فرجاء منك اخوي سامي عمره ماكان ناكر للجميل ويوسف عمره مااحتاج شكر من احد
وكلهم عينان في راس ...


شف الله يجزك خير ..

انا لو ابي اقنعك راح اقنعك لكن اكيد راح تزعل .. خصوصا لما يكون الشخصيه المقصره سامي ..

طيب على كلامك وفي لقاء ال art ذكر سامي وشكر الأمراء عبد الله وعبد الرحمن بن مساعد .. وتذكر بعدين الأمير نواف بن محمد .. مثل ماتفضلت .. ( يعني قصدك انه مايتذكر الا اصحاب الماده ... واللى وقفوا معه مادياً ؟)
المفروض ومن باب الوفاء أن اشكر من كان سبب حصولي على الشهره والمال والمنصب ( مستقبلاً)
نعم هم عينان في رأس واحد .. وانا هنا لااطالب بشكر يوسف الثنيان فقط ..

لابد ان يذكر يوسف الثنيان .. وخالد التيماوي .. والتخيفي .. والتمياط ( محمد .. وصفوق ) اتمنى ترجع للتاريخ الهلالي والوقت اللى كان يلعب فيه سامي مع هؤلاء اللاعبين وتشوف كيف تعاونوا معه وماكانو انانيين ..
والأنانيه هي المشكله اللى تدمر الفريق .. وتدمر حتى الصداقه ..
كلمة شكرا لهؤلاء اللاعبين .. لايمكن ان تنسى .. ويذكر بدلا عنها الأمراء فقط .. واللذين دفعوا بالمال وهم بستحقون الشكر طبعا
لكن بعض الوقفات تكون اقوى من الوقفات الماليه .. وهنالك وقفات تكون هي من تضعك امام المال والوجاهه والشهره والنجوميه
شكرا لك .. يعني الدعوه اللى قدمت تقدم لكل الشخصيات الرياضيه .. لابد من تقديم دعوه ( خاصة ) لمن يستحق الشكر الخاص

وأشكر الجميع على حضورهم وتعليقاتهم ....

وعلى قولة المصريين ( القبير قبير ) = الكبير كبير
  #40  
قديم 26/01/2008, 04:43 PM
موقوف
تاريخ التسجيل: 11/08/2007
المكان: الرياض
مشاركات: 2,247
اقوول سامي دع يوسف ةبتصريح بعد وبعدين لو يدعي الي يبيه كيفه وبعدين انت وش دخلك يدعوا من يدعوا لازم نحاول نطلع مشكلة ؟ واسمحلي على المرور
  #41  
قديم 26/01/2008, 04:46 PM
موقوف
تاريخ التسجيل: 11/08/2007
المكان: الرياض
مشاركات: 2,247
اقوووول واضح انت ماتعرف منهو سامي شكلك مادريت ان في المنتدى والهلال كل شي ولا سامي والردود الي تعكس كلامك واضحه
  #42  
قديم 26/01/2008, 05:13 PM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
^^^^^

رح الله يصلحك ... وراك امتحانات لاتعصب

وش دخلني يدعوا والا مايدعوا .. اشكرك على هالأسلوب ...ويجي منك اكثر

عموما لو كنت تعرف معنى الوفاء كان عرفت ليه اطالب بدعوة كل شخص كان له الفضل بعد الله في بروزك

والمنتدى حر بسياسته .. وإذا كل شي ولا سامي ؟؟؟؟ قد سمعتها قبل بس ماصدقت ؟؟ وعموما فرصه نشوف بعيوونا إذا فعلا المنتدى سياسته كذا أو لا ... الموضوع موجود من مده والحمد الله ماتقفل ولا تم حذفه طالما المناقشه راقيه .. ومحترمه .. لذالك انصحك بالإبتعاد وترك غيرك يتحدث بروح رياضيه

حتى التنسيق وتلوين الرد حسافه فيك
  #43  
قديم 26/01/2008, 07:36 PM
زعيــم مميــز
تاريخ التسجيل: 19/10/2006
المكان: شبكة الزعيم
مشاركات: 2,167
أبو طلال أبعد ترى الحين يقولون أنكـ مندس
  #44  
قديم 26/01/2008, 08:46 PM
زعيــم فعــال
تاريخ التسجيل: 30/04/2007
المكان: الرياض
مشاركات: 230
يعطيك العافيه !!!!!!!!!!!!!!!!!!!!
  #45  
قديم 26/01/2008, 11:31 PM
موقوف
تاريخ التسجيل: 11/08/2007
المكان: الرياض
مشاركات: 2,247
وانت وش فيك معلق على بروزه ياشيخ كل لاعب وله اسلوبه وطريقة لعبه وماانكر ان يوسف له دور والتماوي ولاعبين كثرين لهم الدور وحتى سامي له الدور على الاعبين هاذولا في بروزهم وانا الااحظ انك ودك تسوي مشكلة غصب والى الحين انت مصر على ان سامي مادعاهم في تصريح في الي ار تي وقامو بدعوتهم وبعدين البحري ومالك يبي يستفيد منهم في المبارة وعلى طاري المذاكره تراي خلصت الحمدلله مذاكر وسامي دعا يوسف ودعا لاعبين كثرين واتمنى انك تشوف التصريح ولازلت اقول كل شي ولا سامي
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:12 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube