إقتباس انا اعرف فريق المانشستر جيدا ومتابعهم سواء في الدوري الانجليزي او في دوري ابطال اوروبا

كلنا نعرفهم ومتابعينهم من سنين طويله سواء هم او اي فريق انجليزي او اوروبي بشكل عام
ولكن القصد من الاحتفاليه الحاصله انك هزمت فريق كبير بغض النظر عن المناسبه
المانيو من افضل فرق اوروبا واعتقد من حقنا كهلاليين التغني بالفوز على مثل هالفريق حتى لو كانت مباراة اعتزال استعراضيه لأن مثل هالأمور التاريخ ماينساها

والدليل الأهلي المصري لما هزم الريال بكامل نجومة بقيادة الأسطوره زيدان
ليه ماقلنا مثل ماتقول انت الحين ؟

فيردنل يوم كان جاب الهلال هدفين و يوم طلع جاب الهلال هدف
يا حبيبي مافي نادي يبغى يخسر
ولو انهم يلعبون بدون نفس وماهو هاممهم النتيجة ليش كلهم و قفوا يوم ركلة الجزاء حقتهم و زعلو يوم طلعت
واكيد شفت ردت فعل تيفيز و غيرة بعد هدف الخراشي

يا حبيبي الهلال لعب احسن منهم و غصب عنهم

أكيد كلامك صحيح 100%


وبعدين المانيو يفوز على الليفر والبلوز ماتبيه يفوز على الهلال ؟؟


أكيد هم مريحين أمس !!

اكيد ان الفريق إذا لعب بكامل لاعبيــه بيفوزون ...
اهم شي امتــاع المشــاهد ... ومانشــستر فريق غني عن التعريف ..

اخوي رحال:
كلامك صحيح 100% وانا ما انكر هذا الشي
انا وجهة نظري موب بالنقطة ذي
اكيد لنا الحق نحتفل لانها بتتسجل بالتاريخ غصبن عن الكل

اخوي الهلال_الزعيم
فيرديناند من افضل المدافعين بالعالم ان لم يكن افضلهم!!
واكبر صفقة انتقال مدافع كانت صفقته يوم ينتقل للمان!!
والله فيرديناند كان محجر لياسر وسامي !!
ولو شفت الشوط الاول بتلقى انه لو ماكان موجود كان صار اكثر من اللي صار
والبلنتي حق سامي ما رح اعلق عليه

بس الحين شف تفاريس والمفرج!!!
اذا ابدع تفاريس طول المباراة ويجي المفرج ينكبنا بهدف او هدفين!!
هل بتقول انا خسرنا بهدفين وتفاريس موجود!!
مع اني ما احب انتقد المفرج لانه لاعب فدائي .. بس عليه طلعات غبية

ولو كان فيديتش جنب فيرديناند بالشوط الاول كان الهلال بيكون بوضع صعب!!

وبالنسبة للبلنتي حقهم لو قريت موضوعي جاوبت على سؤالك

إقتباس بعد الهدف شدو حيلهم في سبيل تعديل النتيجه بس اللي صار اللعبة انتهت @@ GAME OVER @@

هذا قصدي ... انهم حاولو يتداركو الهزيمة عشان سمعتهم!!
بس بعد ايش خلاص الطيور طارت بارزاقها

مشكور على مرورك ولا تزعل مني انا والله احلل المباراة بمنطقية وبس

اخوي ملك ايطالياردك ما يحتاج تعليق وتحليل واضح وصريح
مشكور على المرور

إقتباس الرسالة الأصلية كتبت بواسطة الهلالي 11 اللي ابغى اقوله باختصار ان لو تقابل المان والهلال ببطولة رسمية وطبعا هذي ما رح تصير الا ببطولة العالم للاندية اللي ان شاء الله الهلال يتاهل لها اكيد المان بيلعب بتشكيلة اساسية طوال المباراة بدون استهتار واستهبال!! قبل لا احد ينفخ ما راح اقول ان النتيجة بتكون تاريخية لان مستوى الهلال امس كان رائع بس للاسف الهلال بيخسر المباراة بغض النظر كم النتيجة

عسى ماتكلفت في ماذكرت

إقتباس الرسالة الأصلية كتبت بواسطة الهلالي 11 قفلة: امس لاعبين الهلال اللي انهو المباراة يعني لاعبين الفرق الثانية اثبات وجود ما كان لهم اي تاثير واضح بالمباراة باستثناء هوساوي وهو اصلا هلالي وما ننكر ان نور كان له بعض اللمحات بس ما كان بمستواه يعني المهم الهلال فاز على المان بلاعبيه الابطال

اتمنى لك الرقي والوعي

ودعائي لك بالشفاء من اللاوعي الى الوعي

لاتعليــــــــــــــــــــــق

اخوي بالعقل هي!!!مانشستر يهزم نفسه بالسعوديه ويفوز بالصين وكوريا واليابان وش الهدف؟؟

فريجسون مايرضى على تاريخه ان يكون فيه هزيمه من فريق سعودي

بعدين انت تقول الشوط الثاني لعب مانشستر بتشكيله اكثره احتياط!!! من قال لك ان المرشدي ولا الخراشي ولا فهد المبارك ولا فهد الشمري ولا العنقري اساسين بالهلال؟؟

انا معاك الاعبين الغير هلاليين ماكان لهم ذاك الدور البارز بس الحكم ماقصر بلنتيين من نسج الخيال ما اتوقع احد يقول أن الحكم كان صائب بقراره.............. تحياتي

اخوي المشراق:ما رح ارد عليك اختصارا لكثر الكلام والمشاكل

اخوي ss_400
انا ما قلت ان مانشستر لعب بتكيله اكثره احتياط ما ادري من وين قريتها!!!
بالعكس اصلا تشكيلة الهلال بالشوط الثاني كانت مليانه من الاحتياط اكثر من تشكيلة مانشستر
انا اللي قلته ان المان كان يلعب من غير نفس وكانه راضي بالتعادل
او يعني يحاول يجيب الثالث باقل مجهود!!
يمكن عشان شافو الهلال بدل كل لاعبيه واستهترو بالفريق الهلالي
يوم جاب الهلال الهدف الثالث تورطو وما امداهم يعدلون!!

وبالنسبة للنقطة اللي ذكرتها بخصوص كوريا والصين او الجولة الاسيوية عموما

وقتها هم اصلا جايين عشا يستعدون لبداية موسم
يعني ما عندهم اي ارتباطات جايين يرفعون لياقتهم!!
بس مباراة امس وسط الدوري عندهم وبينهم وبين ارسنال فرق نقطة!!
يعني موب لازم يخسرون اي مباراة
وهذا اللي ذكرته بموضوعي انهم يلعبون باقل مجهود
تجنبا للاصابات ... والارهاق عشان مباراة يوم السبت حقتهم
اتمنى تتقبل كلامي وان وجهة نظري وصلت لك

الهلال ايضاً لعب الشوط الاول بصف والشوط الثاني بصف مختلف

وذكرت اخي الفاضل ان المان يونايتد يلعب "بدون نفس" كلام خاطئ مهما كانت "سمعتهم" عندهم اهم شي

لكنهم استهانو بالهلال

اغلب لاعبين المان يونايتد ماتدربو يوم الاحد وهذا ليل الاستهانه والتقليل من الهلال

وهزيمة الهلال لهم كانت غير متوقعه وهذا واضح على لاعبين المان يونايتد يلعبون وهم متنرفزين

وفي الاخير استطاع الهلال "هز" سمعت مانشستر يونايتد

اوافقك على الرأي

اخوي اذا كنت تقصد ان المان لعب الشوط الثاني بالصف الثاني
حتى الهلال لعب بلاعبي الصف الثاني في الشوط الثاني

ريانة الهلال & ماجد 11
شوفو ردي على اخونا العضو ss_400
بتعرفون اني ما قلت هالكلام

اختي ريانة الهلال

الاعبين اللي ما تدربو يوم الاحد هم الاعبين الاساسين
لانهم كانو لاعبين يوم السبت مباراة بالدوري الانجليزي يعني ما يحتاج تدريب

طيب انا بقولك شي
انا من الساعة 4:30 بالملعب يوم المباراة
ليش يوم المباراة كل لاعبين مانشستر نزلو للملعب يتدربون
وفريق الهلال ما نزل ولا واحد منهم بس الحراس الدعيع والشمري!!

هل نقدر نقول ان الهلال يقلل من قيمة مانشستر ... طبعا لا

لكن زي ما قلتي هم استهانو بالهلال يوم شافو الشوط الثاني تغير الفريق كله
حاولو يفوزو باقل مجهود وتورطو وما مشت معهم وهذا اللي انا ذكرته بعد
يعني لو تفكرين فيها شوي بتلقين كلامي قريب من كلامك

اخوي المرعب :

مشكور على مرورك