مــن ذكـــــريــــا تـــــي ... ( 1 ) ... ( الله يــهــــــديــــــــــــــك يــا ... ريـــفـــــــــــــــــــــــووووو ) ... - نادي الهلال السعودي - شبكة الزعيم

J.A.J · #1 21/01/2008, 01:41 PM

صباح و مساء الخير على الجميع

أبي اسولف لكم عن قصة حصلت لي مع والدي ( رحمه الله ) و أخي الأكبر ... فا أسمحوا لي بسردها

كنت صغير في السن ادرس في الابتدائي وكذلك أخي وأول ما سمعنا عن نادي الهلال ...
دخل قلبي

وقلب أخي الأكبر

.

في يوم من الأيام سمعنا أن فيه مباراة للهلال + الشباب

وجئنا للوالد نبدي رغبتنا بحضور المباراة ... وبعد ألحاح مـنـا

قال :- ما عندي مانع أحضر معكم المباراة ... بشرط تروحون معي ... إلى سباق الخيل

قلنا بصوت واحد :- موافـقـيـن

المهم رحنا المباراة ... وفي النهاية يفوز الشباب على الهلال 1- 0

ونطلع من الملعب متنكدين

... هذي أول مباراة نحضرها للهلال ... وينهزم

بعدها توجه بنا الوالد إلى ... شارع العصارات ...

وقال :- وش رأيكم نشرب عصير ... يبرد عليكم ... بعد ... ها الهزيمة

جاءنا العصير ... وأخي ممسك بالكأس بيده وما شربة ... وشوي وألا الوالد...

يقول : - تدرون ليه طلبت لكم ها العصير

قلت :- ليه يا أبوي

قال :- عشان الشباب فايز على الهلال

وأخوي بسرعة يرمي بالكأس ... في جدار محل العصيرات ... راح ملح الكأس

ضحك الوالد وقال :- عزة الله دفعنا قيمة الكأس

..............................................

ومرت الأيام والسنين وما فيه مباراة مهمة للهلال ألا وحضرناها

وفي أحدى مباريات للهلال ... قربت المباراة على النهاية والتعادل سمة المباراة وفي لحظة خاطفة

من ابوشنب ... الشهير ( ريفا لينو ) هدف من وسط الملعب تقريبا... اضغط لمشاهدة الهدف

ويصرخ أخوي ذيك الصرخة فرحا بالهدف ... وعلى طول يمسك رأسه ويجلس ...

قلت :- وش فيك يا أخوي

قال :- رأسي بــ ينفجر ...يا الله خلنا نروح للبيت

وأنا ماسك أخوي وأطالع وألا اللي منسدحين عند الشبك ( مغمى عليهم ) من فرحة الهدف

وطبيب النادي يسعفهم

.

وآخرين بالمدرج يبكون من الفرحة ... يا زين أيــاااام ريــــــــــــــــفــــــــــــــــــو

ما خلا أحـــد ألا طاح مغشي عليه و ألا اللي يبكي ( الهلالي من الفرحة

... واللي بالي بالك من الحزن

)

من روعة وقوة أهدافه العالمية .

ومن بعدها أخوي ما عاد طـــب الملعب

... صــار يشجع من التلفزيون ...

وطبعا أخــوكــــم ... ما يقدر يروح للملعب ... لأن أخوي هو اللي يسوق السيارة

وأنا تـونـي ما بعد سـقـت ...صـغـنـن

الله يــهــــــديــــــــــــــك يــا ... ريـــفــــــــــــــــــــــــــــووووو

لكن بصراحة أيامك كذا

dal3_uae · #2 21/01/2008, 01:49 PM

صراحه لين الحين ما فهمت وايد

المهم مرة خسرتو وكسرتو الكاس ... والثاني ما ادري شو ؟؟؟

المهم

يعطيك العافيه ...

ورده

اسمحلي على هذا الرد

ڪـيــف الـζــآل ؟ · #3 21/01/2008, 01:57 PM

وعليكم السلام ورحمة الله وبركـاته ,

.
.
.

أيام مباريات العصـر !
جذب قلوب الجماهيـر فعلا ! رجل حسم في بعض المواقف !

..

يعطيك العافية

الســفيرة · #4 21/01/2008, 01:59 PM

وااااااااااااااو

انت من هذاااكـ الجيييييييييل

>> لاتلومها مالحقت الا على يوسف

الله يطول بعمركـ يارب

هايم بحب الهلال · #5 21/01/2008, 02:11 PM

هههههههههههه

حلووووة جدا

بس اخوك ماشفته مع الجماهير

قرقاص · #6 21/01/2008, 02:16 PM

هلا وغلا بجاج

الله على ذيك الأيام كذا المحترفين ولا بلاش

لحقت على ريفو كما كانت الجماهير الهلالية تسميه وانا عمري 5 سنوات

>>> الحمد لله اني هلالي ولا لوني نصراوي كان طقتني الغلقة والأكتئاب من فريقهم

ريفالينو كان وقتها مثل كاكا الحين يعني نجم برازيلي مشهور وقد قاد مفاوضاته وتكفل بجزء منها الأمير خالد بن يزيد الله يذكره بالخير

اما الهدف خطيير وفي توقيت رهيب مامثله الا هدف سامي الجابر على الشباب في نهائي 1418

[QUOTE]وآخرين بالمدرج يبكون من الفرحة ... يا زين أيــاااام ريــــــــــــــــفــــــــــــــــــو[/
QUOTE]

الحين نقول يازين ايام الكاسر ياسر بعد اعتزال سامي

من اول المباريات لها طعم غير يمكن عشان ماكان فيه ترفيه غيرها بالنسبة للشباب ماكان فيه نت ولاقنوات فضائية ولابلاي ستيشن فالواحد كان ينتظر المباراة على احر من الجمر عشان يحضرها بالملعب

ولا اذا كان مايقدر يتابعها بالتلفزيون لا يسمعها بالأذاعة ...الكورة في مربع واحد ويجري فيها النعيمة لمربع ثلاثة

بصوت المعلق الراحل زاهد قدسي رحمة الله عليه

J.A.J · #7 21/01/2008, 02:16 PM

إقتباس

الرسالة الأصلية كتبت بواسطة dal3_uae


	صراحه لين الحين ما فهمت وايد المهم مرة خسرتو وكسرتو الكاس ... والثاني ما ادري شو ؟؟؟ المهم يعطيك العافيه ... ورده اسمحلي على هذا الرد

عدلنا شوي بالموضوع وحطينا فاصل ...

ومرورك وملاحظتك ... لها كل التقدير

إقتباس

الرسالة الأصلية كتبت بواسطة ][the best][


	وعليكم السلام ورحمة الله وبركـاته , . . . أيام مباريات العصـر ! جذب قلوب الجماهيـر فعلا ! رجل حسم في بعض المواقف ! .. يعطيك العافية

الله يعافيك ... يا غالي

إقتباس

الرسالة الأصلية كتبت بواسطة أحلاهم واتحداهم


	وااااااااااااااو انت من هذاااكـ الجيييييييييل >> لاتلومها مالحقت الا على يوسف الله يطول بعمركـ يارب

ايه من ذاك الجيل وها الجيل

والحمد لله معاصر الهلال من ذو زمن ... وأجياله الذهبية

ويطول بعمرك يارب

الـمـشـاغـب · #8 21/01/2008, 03:24 PM

ريفالينو كان لاعب فاشل لما جاء للهلال ..

لكن بعد ما احترف في الهلال ونجح .. رجع وهو أشهر من نار على علم

حتى دخل المنتخب البرازيلي وصار كابتن عليه

والفضل لله ثم للهلال اللي أظهره للعالم

<<<<<< واحد خنفشاري ما لحق على ريفو وقام يتفلسف

أخوي جاج .. للأسف ما لحقت على ريفو .. لكن من يوم كنت صغير وأبوي كان يذكره لي ويمدح هاللاعب

وكنت أتمنى بس أشوف صورته .. والحمد لله بعد دخول النت استطعت أتمتع بأهدافه .. أما صورته فيا ليتني ما شفتها هو وشنبه

ريفو أتى للهلال بعد اعتزاله اللعب دولياً مع منتخب البرازيل .. وكان البعض يراهن على فشل الصفقة وعدم جدواها

خاصة وأن سن اللاعب قد تجاوز الأربعين عاماً ..!!

ولكن ريفو نجح وبامتياز مع الهلال والدليل أن ذكره ما زال حتى الآن ورده

ألف شكر لك أخوي جاج .. وكم كنت أتمنى أن تذكر موقفك عند رؤيتك ماهو أجمل وأغلى وأروع من هدف ريفو .. وهو هدف أبوعبدالله الصاروخي في نهائي 1418 أمام الشباب