|
ذابت قلوب الملاعب حزن يا سامي_قصيدة مهما قلنا و مهما كتبنا يبقى هذا اللاعب اكبر مما نكتب و مانقول كتبت هذه الابيات تعبيرا عن شعوري تجاه ايام لن تتكرر و ذكرى لن تعود و حب ابدي لهذا اللاعب المبدع.. اذا اعجبتكم القصيدة كملتها.. اذا ما اعجبتكم قولوا سامي أقوى من كذا و راح اوقف.. و احتمال تشوفون اول بيتين باستاد الملك فهد اذا صادتنا الكمرا... اللي باللون الاخضر تم اضافته بعد ما شفت تفاعل الاعضاء مع القصيدة . . . . . ذابت قلوب الملاعب حزن يا سامي دخيل مجد (ن) بنيته لا تودعها خذ ما بقى من سنين العمر قدامي و سولف لنا عن بداياتك و رجعها لا مرت البال ذكرى ذيك الايامي ضاقت محاجر عيوني من مدامعها و ان شفت شي (ن) من ابداعك بالافلامي قلت اه ليت الصور ترجع لواقعها عشرين عام ن مضت عام ن بعد عامي و مناهل الفن ما جفت منابعها ايام مرت و راحت مثل الاحلامي تطري على النفس و تجدد مواجعها يبكيك مرمى (ن) على شوف الهدف ضامي بآهات حزن (ن) تقطع قلب سامعها يا شبه حر (ن) على الصيدات لا حامي الفرصة اللي تجي لك ما تضيعها يا امحقق آمال جمهورك و الأحلامي يا امخيب أهداف حسادك و رادعها يا جاعل احلام خصمك زيف و أوهامي يا مسكت الاندية و اللي يشجعها كم لعبة (ن) سطرتها ذيك الاقدامي ما صدها قبل حارسها امدافعها و كم رفرفت من افنونك زرق الاعلامي وكم راية (ن) للوطن بايديك ترفعها الرقم تسعة برز من بين الارقامي بقلوب كل الهلاليين طابعها جمهورك اللي يحبك كيف ينلامي لعب.. و ثقافة ..و حسن اخلاق ..جامعها عهدن علي لحرم أوراقي من اقلامي دام البكا و الحزن ماهو بنافعها شعيب محمد الحربي الرياض |
القصيدة روعة مشكور |
صح لسانك كبير ياسامي كبير تسلم على القصيدة |
اخوي هلا 10 لي الأروع هو مرورك الف شكر |
صح لسانك و كبير على القصيده يا الغالي و يستاهل أبو عبدالله |
الجيكر تسلم اخوي على المرور و التعليق |
|
إقتباس:
يا ولد يا ولد يا ولد ‘‘‘ عفارم عليك يا شعيب الحربي ‘‘‘ ما اقول إلا فالك الدرجه الممتازه اليوم بجانب الساده كبار الشخصيات لا فض فوك ‘‘ ابي اتفلسف ولا يمديني ‘‘ انا قلت ‘‘‘ من بعد سامي كرهت الفن والكوره ‘‘ وكرهت لعب الهلال وشوف عشاقه ‘‘‘ صح لسانك يا شعيب ‘‘‘ صح لسانك |
صــــــــــح لســــانـــــك ,, ولا هـــــــــنــت قــصــيدة قــويــه والله وكلمـــاتها روعـــــــــــــــــه يعطيك ألــف عــــــافـــية أخــوي |
وربي رووووووووووووووووووعه صح لسانك تكفى طلبتك كملها |
صــــــــــح لسانكـ ولسان كاتبــــــــــــــــــــــــها واللهـ يعافيكـ خــيــي |
صح لسانك وفالك البيرق |
|
|
اخوي الجميل الاروع مرورك و ان شاء الله التكلمة على القصيدة الاصلية و تراني اضفت بيت.. كم رفرفت من افنونك زرق الاعلامي=و كم راية ن للوطن بايديك ترفعها |
| الوقت المعتمد في المنتدى بتوقيت جرينتش +3.
الوقت الان » 04:35 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd