|
انا مو بنت اهلي هذا الله مير يسلمكم ذاك اليوم وانا جالسه على كنب بيتنا << يعنني عندنا كنب ورافعه ارجولي ومدخلتها بطرف القميص .. تعرفون الرخام والسراميك بارد والقصيم ذا الشتاء موسكو واجلس اقلب في جريدة الجزيره حقت الشهر اللي راح إذا ماكان اللي قبله وكل شوي طايحه على الارض واقرى ذاك الخبر حق الجيزاني الي بدلووه مع تركي ولخطبه ومير جاني احساس وشعور والهام ومها ومنيره :d:d وجلست افكر وافكر وافكر وغفيت شوي همن صحيت وكملت تفكير :d وقلت لايكون انا بعد مبدله << :stoned: :stoned: :stoned: واروح لاميمتي وهي في المطبخ ولاهيتن تزين العشاء 00 انا : يمه يمه يمه يمه مامي << يقالي كشخه : وجعتين وشو انا : انا بنتك ؟ ماما : لا انتي بنت ام الدحمي جيرانا ومير ارووح اركض لغرفتي وانا ابكي ودمعي اربع اربع واستلقى على سريري وامسك دبي واجلس ابكي واصيح وابتسي اختاروا الجمله المناسبه<< :d :d ومير انقز واجيب شنطتي وحطيت فيها لاب توبي وقواطي تونه وفقس وانزل و البس عباتي واكتب رساله وداع لاهلي واعلقها على الباب (( إلى اهلي النصابين الي قالو اني بنتهم وانا منيب بنتهم تراني برووح الى الابد الى القاء ابنتكم المخلصه )) المهم واروح لبيت ام الدحمي وادقدق الجرس عليهم واسمع ذاك الصووت الي يوم سمعته يفز قلبي وحسيت فيه حنان امومه << امحق :surprised: خيرررررر وجع بلا وجع وشذا الازعاج ويوم انفتح الباب ومير ارجفه واجلس اصيح واضم الحرمه الي فتحت لي الباب يمه يمه اشتقت لتك وراك تركتيني وش انا مزينه لكم ام الدحمي : قصم موب بيدي بس رجلي غصبني << تعيش الجو بسرعه واجلس ابكي صدق يعني انا بنتك صدق؟ ام الدحمي : هااو وشو بنته الله يصلح حالتس اقول مليحه<<وش رايكم بالأسم خطير صح طسي بيت اهلتس بس انا : بس انتي امي ام الدحمي : من زينتس عشان اصير امتس انا بحلتن بذا الي عندي تجين تنشبين لي انا : الله وعندي اخوان بعد <<< يعنني موب مسنتره عن جيرانهم 24 ساعه ام الدحمي : مليحه قسم مالي خلقتس وخري من خشتي خليني اروح اكمل غسيل الحووش انا : طيب اذا انتي موب امي من امي (( مسويه عشان تتاثر )) ام الدحمي : انتي اصلا امتس خطفتس من ايطاليين ولا انتي منتب سعوديه زاد والله اني قايله ذا الشقار مهوب لسعوديين :razz: :razz: انا : وانا اقووول وراني احس اني اهبل وفيني زين مهوب في احد << مشكله الثقه :surprised: :stoned: ام الدحمي : تلايطي بس << اخلاق سياحيه ومير ترقع في خشتي واتحطم واجلس اركض في الشارع ابكي ويدي تطاير <<< ودي دايم اسويها واركض باشارع بدون عبايه :nono: المهم وقلت يابنت مالك الا اهلك وارجع لبيتنا وانقز بدوون ماحد يشووفني واشقق الرساله << يعنني ما انحشت :d وانقز لغرفتي واحط قواطي التونه تحت السرير واخمد :d :) طبعا وبعد اسبوووع من المووضوع إلى كل الحاره دارين عن سالفتي وام دحيم ماخلت احد ماقالت له وكل ما شفت احد قام يضحك علي http://www.ahmad18.com/vb/images/smilies/frown.gif :upset: لا واثر اميمتي مصوره نسخ من الرساله وكل من قالت له ام الدحمي السالفه اميمتي ارسلت له نسخه من الرساله وصارت سالفتي على كل لسان (( اهـ بس )) ما يستفاااد : 1- ترى اهلك هم اهلك لاتفكرين تتركينهم 2- كل السالفه نصب << قولي قسم اللحين احنى اللي صدقناك :d 3- لا فكرت ان اهلك مهوب اهلك لاتروح لام الدحمي وتقول لها انتي امي :nono: يااااناااس ادعولي بالتوفيق الاختبارات على الابواب ووع:stoned: يالله مع السلامه |
إقتباس:
---> ماراح يفهمها الا الي معي بالمسن :d هلا ببنت ابو خوزيه :d حتى انا قايل والله لهجتها ماش فيها شي غريب:d طلعتي ايطاليه :d إقتباس:
ياشييين الواحد لا وقف على رخام وحافي ههههههههههههههههههههههههههههههههههههههه :d موضوع خفيف زريف :d وبس خلصت :d مروري ما تعبت فيه ياليت ما تتقبلينه :d |
ههههههههههههههههه امحق سالفه وع طاري البرد قصمن يكسر العظام خاصه بالقصيم مهوب صاحي لوصيكم بالزنجبيل |
بـنـ**الزعيم**ــت . . . . ورده موضوع تحيف ورايع يالقصمنجية - - - - > > ما يذب :d الموهم ضحكتينن بهالفجر , , اضحك الله ضروسك :d وبالتوفيق في الإختبارات . . . :clap: |
:smilie47: يــــاهلا والله ببنت الزعيــــم..:smilie47: الأسبانيه..:bigeek:<<فاهمه غلط.. أقوول أنا ألا حظ أن هم الأختبارات لاعبك بقووووه ومأثرعلى جهازك العصبي والعقلي والتنفسي:d ..يعني بالله أذا ماصرت بنت أهلي من أصير بنته..بنت أم الدحمي أمك مثلااا :d.. الله يوفق ياارب بختباراتك .. وينجحك ..ورده الصراااحه موضوووعك تحفه ..ورهييييييييب..:clap: تسلم هالديااااااات.. ورده.. |
إقتباس:
شرفني ردك اللي ماتعبت عليه :d |
إقتباس:
ماعليك لاتوصي حريص :d شرفني مرورك |
إقتباس:
|
إقتباس:
|
الله يوفقتس يالايطاليه لقد انه موضوع فله بس سؤال وراتس ماخذتن الفكس |
^^^^^^^^ هلا بك انا اخذ احتياطات عشااان يمكن وانا بالطريق لامي الجديده خخخخـ يمكن اطيح وبعدين وش لون اعالج نفسي وانا مامعي شيئ ولا أقدر ارجع للبيت لاني زعلانه على أهلي خخخـ شفت التفكير وش لوون مشكور على الرد |
خطيييييييييييييييرة هههههههههههههههههههههههه على فكره كنت اذا زعلت من اهلي وهاوشوني اقولهم اعرف اني مو بنتكم يعني مو انتي بس؟؟ حتى العائله يقولون اني من البلد الفلاني !!!!!!!!! (مالكم دخل من وين) اخاف انا مثلك والله انك ونستيني قاعده اذاكر بكره اختباري صعب دعواتك يابنت الزعيم تقبلي تحياتي |
بنت الزعيم قصة جميلة جداً وتوضيفك للحدث أكثر من رائع , مما يدل على أنك تملكين حس قصصي جميل أتمنى إنك تداومين عليه وتحاولين تطويره , بارك الله فيك كما أنه واضح من لهجتك أن فيك عِرق كان مهب عروق إيطالية لذا عليك التأكد من أصولك > كل شيئ إلا الهجة مافيه أمل :d بنت الزعيم لك الشكر والتقدير مُحملاً بزخات المطر الذي يهطل علينا في القصيم حالياً على ماأدخلتي علينا من ابتسامة في هذا الصباح يعطيك العافية والله يوفقك بالإمتحان وتحققين النجاح والدرجات العليا 00000000000000 |
ههههههههههههههههه قسم بالله انى اضحك وانا مالى خلق اضحك من هم الاختبارات .. يمكن عشانى الووحيد اللى فهم لغتك يالايطالية وش رايك تنصحينن اسويه باابو جيراننا بس اخااف يرقين للسطح وصاروخ على حوش بيتنا مشكوورة اختاة خليتنا نضحك .. والله يوفق الجميع |
سالفتس يالفه اما انا مستحييل اصير جايه لاهلي بالغلط لاني اشبه امي وخالاتي وعماتي بس ما اشبه لابوي:d تصدقيين خالتي قعدت اهبلبها توها والده واقولها ولدتس شكله ولد عائله ثانيه مو يشبهلكم وتقولي لا تقعدين توسوسيين:d على العموم مشكووره على الموضوع |
| الوقت المعتمد في المنتدى بتوقيت جرينتش +3.
الوقت الان » 04:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd