#1  
قديم 19/01/2008, 11:29 PM
الصورة الرمزية الخاصة بـ algohmani
زعيــم مميــز
تاريخ التسجيل: 01/05/2006
المكان: خيمه ناطحة سحاب
مشاركات: 13,320
شـــــكـــــــــــــــرا يـــــاهــــذا ورســـالة يـــاهؤلاء

بسم الله الرحمن الرحيم
السلام عليكم ورحمة الله وبركاته



تقديم :

وانا اجمع الكلمات وألملم الحروف من كل الجهات
قلت في نفسي ..
هل سأستطيع الكتابة عنذلك الرجل الأزرق
إحترت في إختيار الألفاظ وماذا سأختار وأي عبارات سأكتب
أعذروني ياجماعه ولا أحد يعتب .

الرجل الأكثر وفاءا ووقفة المحب


شكرا عبدالرحمن بن مساعد وقفات الرجال لايقدرها إلا الرجال
ونحن كذلك يا أخونا عبدالله
بل أكثر من اخ انت .
ليس غريبا ان تقدم للهلال النجوم
وليس غريبا ان تقدم للنجوم التكريم
وليس غريبا ان تقدم للجمهور الكرم والعطاء في ليلة الوفاء .
أعذروني مقدما ..
فأنا سأتحدث عن رجل لايمكن إختصاره في موضوع
او بضع كلمات ولكننا
سنكتفي بكلمة البخلاء !!
شكرا عبدالرحمن .

آه لو كنا نملك من أعضاء الشرف مثلة عشرة
لقلنا اننا نملك كل شيء
ولا كننا في فلسفتناالعربية نقول " حلاوة الشيء في ندرته "
نعم جماليات عبدالرحمن بن مساعد
تزادا في ندرته .

عبدالرحمن بن مساعد درس نموذجي
يستفاد منه كثيرا .
ولأننا نحبك يا أميرنا المحبوب
سنجمع الكلمات لتعبر عشقا لك
ومن يجمع كلمات الوفاء لاشك انه شخص جاهل .

لن أعدد مافعلة عبدالرحمن بن مساعد
ولن اروي لكم قصة عبدالرحمن بن مساعد
لأنني ..أعرف ان هذا الموضوع
سيخل كثيرا في حق ذلك الرجل .

فدعونا نختصر الحديث
لنقل نحبك ياعبدالرحمن
واطال الله في عمرك
ووفقك لما يحبه ويرضاه وأدامك الله للهلال .

سأختم كلام الحب وليس الوفاء
بهذه القصيده التي ذكر فيها عبدالرحمن بن مساعد
كابتن الهلال السابق
ونجمنا المحبوب الكابتن القدير سامي الجابر



إقتباس
مجلس رجال


إقتباس

على اليسار مقلـّط .. وعلى اليمين صالة
ضيوف جالسين
قهوجي يلم الفناجين
وينطر اخر ضيف منهم يهز فنجاله
ضيف يقبل من بعيد
يقوم صاحب المجلس طلال لستقباله
شخص جالس على اليمين يهمس لجاره :
" هذا احمد اللي جاي بس ماهو لحاله "
" من معه ؟ "
" يبدولي اطفاله "
ويدخل احمد معه ثلاث اطفال
وعند باب الصالة يستقبله طلال
" السلام عليكم "
الكل يوقف
" هلا والله مرحبا عليكم السلام .. حي الله احمد هلا وسهلا .. تفضل .. كيف الحال ؟ "
" هلا طلال .اعرّفك على عيالي .. ابني صابر عمره ثمان سنين .. لاتستحي سلّم ياصابر
بنتي هالة .. ست سنين .. سلم ياثامر على الجماعة . وش هذا اللي في يدك ؟؟
اه .. سجايري والولاعة "
عبدالمعين يطالع الساعة .. ويهمس لجاره
" كيف يجيب اطفاله ؟! .. محد منا معه اطفاله .. ليش يجيب اطفاله "
ويجلس احمد ويجلس حوله عياله
طلال يقول :
" ما شاء الله .. ياحليلهم .. الله يحفظهم ويحرسهم ويحميهم
ماشاء الله يا صابر : ايش هالثوب الجديد "
احمد يقول وملىء وجهه ابتسامة
" هذا صابر موهوب في التقليد قوم ياصابر قلّد اصالة
والا تدري وري عمك كيف يركض سامي الجابر "
ينطلق صابر لخارج المجلس . يرجع معه كورة يشوتها .. تنزل من السقف ثمان لمبات مكسورة
احمد يقول وملىء وجهه ابتسامة
" شاطر ياصابر ... شفت ياطلال شقاوة هالعيال "
طلال يتمتم :
" ياحليلهم .. الله يحفظهم ويحرسهم ويحميهم "
" تعالي ياهالة سمعيهم و وريهم اغنية و رقصة الخيالة
لا تستحي يا بنت مافيه احد غريب هذا عمك طلال وهذا عمك مثيب
وهذا عمك عبدالمعين وهذا ..... لا مؤاخذة انت مين ؟ "
- انا عبدالكريم
" عبدالكريم .. تخيّل يا اخي ماعرفتك لانك يمكن ملتحي .... لاتستحي يابنت لاتستحي ..
تدري طلال " هالة نجحت بامتياز "
صوت مدوي ينفجر
" اه ياثامر ما اشطنك .. كسّرت القزاز "
احمد يقول وملىء وجهه ابتسامة
" شفت ياطلال شقاوة هالعيال "
طلال يتمتم :
" ياحليلهم ..الله يحفظهم ويحرسهم ..... ؟؟؟؟!!!!
" وش كنت اقول ايوا طلال كنت اقول هالة نجحت بامتياز اعطيتها البارح فلوس
وقلت لها ياهالة ايش ما تبغي اشتري "
طلال يقول
" مبروك .. مبروك .. ايش تبغي تصيري لما تكبري "
هالة تتفل على طلال .. وتقول :
" ايش دخل ابوك "
احمد يقول وملىء وجهه ابتسامة
" شفت ياطلال شقاوة هالعيال "
طلال يتمتم :
"ياحليلهم .. الله يحفظهم ..................... ؟؟!!!
" تعال ياثامر .. عد لعمك من واحد الى العشرة "
ثامر يبتدي يعد
" واحد .اثنين .. ثلاثة .. سبعة "
احمد يقول وملىء وجهه ابتسامة
" دايم يعد .. ولما يوصل اربعة يلخّبط "
يالله ياثامر من جديد
يبدا ثامر من جديد
" واحد . اثنين .. ثلاثة .. سبعة "
" شاطر يا ثامر شفتوا كيف لخبط "
ينفتح باب المقلّط ويدخل النادل شايل دخون
والصالة في حالة جنون
احمد يصفق .. صابر وثامر يرقصون
طلال يقوم
" العشاء .. تفضلوا ..الله يحيكم "
احمد يقول
" يالله يا اولاد الله يحميكم .. اتعشوا اول .. بعدين سووا اللي تبون "
يركض الاولاد قبل الضيوف .. وللمقلط يدخلون
صابر ياخذ برتقالة .. يرميها على النادل .. تطيح المدخنة والدخون
ثامر هناك .. يكسر بياله .. ويرمي شظاياه على اللي ياكلون
هالة ترمي على طلال صينية ... وتاخذ علبة مياه غازية
تخضها .. تخضها .. تخضها .....
وترقص رقصة الخيالة .. وتفتح العلبة
احمد يقول وملىء وجهه ابتسامة
" ايوه ... هذي رقصة الخيالة "
والضيوف في ثياب من المياه الغازية يرفلون
مجلس رجال
على اليسار مقلط .. وعلى اليمين صالة
كل شي فيها ماهو على حاله
قزاز مكسور .. سجادة محروقة .. غترة مشقوقة
صينية هناك مرمية ...
ضيوف مبللين بمياة غازية
على وجه عبدالمعين جرح قطعي . .ومهلبيّة
نادل مصاب بحروق من الدرجة الاولى .... وجروح سطحية
كورة . لمبات مكسورة
يضهر احمد من المقلط وملىء وجهه ابتسامة
" اكرمك الله يا طلال..شايف شقاوة هالعيال
اقول طلال .. اشكر ام العيال نورة .. العشاء كان رائع .. ماقصرت مشكورة
عشاكم ياجماعة بعد اسبوع عندي . لازم تشوفو ولدي الصغير ؟!!
اخر العنقود .. منصور .. عمره ثمان شهور .. شيطاني يعقد ..اظن له معي صورة
شوف يا طلال هالصورة .. لاتغرك نظرته .. ترى والله ذكي مره
ما يضحك ولا يبكي لما يبدا اخوه ثامر يعد "
طلال صامت ما يرد
وترتسم على وجهة احمد علامة استفهام ويتساءل في داخله
" طلال كن وجهه متغير ..اكيد احد من هالضيوف زعله
مسكين طلال .. دايم في حاله مايخلوه .. زين جبت العيال سلوه "
ويخرج احمد من الصالة .. فخور بعياله
تارك وراه مجلس .... كان مجلس رجال
وعلى اليسار بقايا مقلط ... وعلى اليمين شبه صالة




رسالة لجمهور الهلال وانتم رجال الوفاء

لاتبخلو على الجابر بالحضور وصدقوني وانا أسمع سامي قبل قليل يقول لا أشك ان الجمهور لن يحضر فإياكم إن تخييبوا الظن ودعوني انقل رسالة اميرنا الغالي عبدالله بن مساعد بخصوص نجوم الأندية الاخرى.

كلهم ضيوف في البيت الأزرق من منصور البلوي لمحمد نور لأحمد الودخي لمالك معاذ وترحيبنا بهم لن يكون امرا مستغربا لأننا رجال ونعرف كيف نكرم الضيوف .

إياكم ان تجرحوا ضيوف الجابر والهلال بكلمة تذكروا ان تمثلون الشعب السعودي والجمهور السعودي كاملا وليس الهلال فقط .

لن تحتاجوا الكثيرا من الكلام فانتم رجال الأخلاق وكلنا أبناء وطن واحد فمرحبا منصور ومرحبا نور ومرحبا مالك ومرحبا دوخي واهلا بكم يارجال الوطن في دار الهلال .




تصبحون على حب الهلال وتمسون على عشق الهلال


اضافة رد مع اقتباس
  #2  
قديم 20/01/2008, 12:13 AM
زعيــم نشيــط
تاريخ التسجيل: 08/12/2007
المكان: وين مايكون الزعيم
مشاركات: 693
يعطيك العافيه


اضافة رد مع اقتباس
  #3  
قديم 22/01/2008, 12:09 AM
زعيــم مميــز
تاريخ التسجيل: 09/03/2007
المكان: البحرين
مشاركات: 2,274
يستاهلوووووووووووووووووووووووووووووووووون
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:40 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube