السلام عليكم ورحمة الله وبركاته ::


الحين انا اشوف اغلب المواضيع اللي تتثبت في الواجهة كلها تتكلم عن مباراة الاعتزال ومع العلم انه فيه قسم خاص عنه...

يعني يا ادارة الشبكة ويا اعضاء الزعيم المميزين والغير المميزين ..وضع الهلال ماهو بالحيل طيب قدامنا مباريات كثيرة خلال هذا الاسبوع تبع الدوري لا فيه تأجيل مبارايات (( ممكن تقول نمشي حالنا )) ولكن صار اهتمامنا اكثر في حفل الاعتزال ...

سامي انا معجب فيه وخدم الهلال ولا راح انساه (( بإذن الله )) ولكن فيه شي اهم من سامي وهو (( الهلال )) وضعه صعب في المباريات الجاية وراح يكون فيه ارهاق للاعبين ...ولاتنسون امامنا مباريات الشباب والاتحاد والاهلي وكلها لازم نستعد لها من الحين...
ولا تنسون بطولة ولي العهد والقرعة اللي صارت ....


خلونا نهتم شوي في الفريق ...وسامي لاحقين عليه (( صحيح الكلام جا متأخر )) ولكن وش نسوي لا وقت الحفل اختاروه صح ...ومتوهقين في الدوري ...

وهذا اللي مخوفني في وضع الزعيم ...وبيجي باكر وراح تندمون وتتذكرون كلامي....

****************


ملاحظة اذا كان كلامي غلط وفيه اخطاء بالله وجهوني ....لأني اشوف شي وانا متخوف منه ....






والله يوفق الزعيم في مشواره الرياضي ....