هلا يا أخوان وياأخوات ....
من زمان وحنا نلتقي هنا بهالمنتدى لقاء شبه يومي
ونتدابج بالردود ونتزاحم بالمواضيع وكل شوي موضوع فوق موضوع
ونعقب على بعض ونعلم بعض ونتعلم من بعض ..
تصدقون اني دايم اتخيل انه يبي يجي يوم ونلتقي ونتشواف برا النت ..
طبعا الرجاجيل مع بعض والحريم مع بعض الاختلاط ممنوع ..
تصدقون اني كل ماقريت رد حداكم اني اتخيل شكله وشلون عايش
{ لا أحد يزعل تراه مجرد خيال }
مثلا :
نبدأ بسعادة البية الاعصار :
ــ أحس انه مايلبس شماغ دايم الا في المناسبات
ــ يشرب شاهي بكاس مهوب ببياله
ــ مايحب النور القوي لذلك دايم يشغل الاباجورة .
كوكتيل باشا :
ــ يلبس نظارات أكييييييييييييد
ــ انواع السيديات عنده ..
ــ يشغل التلفزيون وهو خاش النت ويحط قناة عمان
ــ يحب الكولا الجديدة القزاز ..
سلمان ابو تسعات: الله يسعده ان شاء الله بزواجه ويجيب لنا تسعات صغار
ــ راعي بر .. وبالشتاء البشت ماينزل من سيارته .
ــ يحب المكرونه بالبشاميل ..
ــ يسمع الأخبار دايم .
ــ يكاسر واجد إذا جاء يشتري.
المشرفين المحترمين :
ابو سليمان
ــ عنده سيارتين ....كابرس 97
وهايلوكس 84 للكشتات الاصطب القدامي منكسر .
ــ يعشق مجلة اليمامة ويحتفظ بالاعداد القديمة
ــ يشرب زنجبيل بشراهة
البارق 2000
ــ طوووووووووووويل ويلبس نظارات
ــ يكره شراريب العائلة
ــ يتابع برنامج الفخ متابعة غير طبيعية ..
ــ يشرب القهوة مع هيل خفيف
حبي تيماوي :
ــ راعي الكترونيات
فيديوهات روادو مسجلات بلاي ستيشن DVD كاميرافيديو كاميرا ديجتل
ويحب يفكفكهن ويخربهن بعد
.
ــ يعشق الشاهي من الدرجة الأولى .
ــ الفصفص ضروري عنده في وقت المباريات .
هلالي الجوف :
ــ معه جيب شيروكي توه مطلعة من الورشة بسبب الاديتر يخر .
ــ بجنب فراشه ساعتين خراشيات لان نومه ثقيل
ــ يحب كيك لوزين بالفراولة
ــ جواله سيمنس ..
الغريب : انا حاط هالموضوع علشانه ==>ياحبي له بعد
ــ يلبس نعال زبيريات
ــ يحب برنامج الاتجاه المعاكس بل انه يسجل الحلقات
ــ يتابع هايدي ==>والعهده على الراوي بروقي
ــ جواله عائلي
ــ مايحب يمسك سرا بالمخبز
ــ يقرأ الجريدة وهو يتغدى
عاشق الثنيان 15:
ــ بمخباته 3 قلامه ازرق واحمر واخضر
ــ يلبس قبوع أكثر الاحيان
ــ يحب سنتوب
ــ رقمه السري حق بطاقة الصراف 1515==>اتوقع لاتصدقون
;)
سهل 888
ــ مخباته دايم مليانة مفاتيح + بوك كبير + جوال + بيجر + مفكرة
+ دليل تلفونات + قلامه + مسواك + نظارات شمسية
ــ يقرأ الجرايد بالبقالة مايشتريها
ــ يحب الحبحر ==> شيء طبيعي
عاشق النمر :
ــ يتابع المسلسلات المصرية
ــ راعي دوران بالسيارة
ــ ينبسط اذا وصلته رسالة بالجوال
وبس .........
.
أنا داري اني نسيت ناس واجد
بس تقدرون تقولون هذولا اللي امون عليهم مادري يمكن أمون؟؟؟ ==> شكلي ابنجلد وانسجن بسجن المجلس العام بالحاير
أخاف اتخيل الباقين يزعلون ...
وحتى اللي تخيلتهم ترى الزعل مرفوض
الدعوة فرفشة ..
واللي يبغاني اتخيله يسجل اسمه لدى أقرب مكتب استقدام
قولوا آمين الله يجمعنا بدار كرامته أجمعين