لحد يحارش البرد.. شوفو وش سوى فيني !!! والصيدلي شوفو وش سوى مع البنت الصغيره !!وصوره مع التحيه لوزراة الصحه وللوزير المانع بشكل خاص
 

الســــــلام عليكم ورحــــــمة الله وبـــــــركاته

صــــباح الخير والاحساس والطيبه
صــــباح ما يليق الا لأحبابــــــــــي :clap:

بعد موجه البرد الشديده آواخر الايام كان فيه تحدي شديد يبني وبين البرد لكن للأسف انتصر البرد بالأخير انتصارا قاسيا :wallbash:
سدحني في فراشي 17 ساعه ما اتحرك ولا شي ...
متغطي ببطانيتين وحاط المكيف على تدفئه عالي من شدة البرد الي احس فيه.....
ولا نفع هذا غير الادويه الي بلعتها بلع من شعبيه الي حبوب
بس الحمد لله طبت بعد عناء شديد ......

على العموم
هذي مقدمه عن الموضوع ......
والسالفه هي :::::

اذن العصر وتوني قايم من النوم
قمت وراسي يوجعني على الاخير
قمت وتحاملت على نفسي ووديت الوالده الى خوالي
وانا بالطريق وبعد ما حسيت اني راسي يبي ينفجر....
واحس اني اغلي ودرجه حرارة جسمي 200 :bigeek:
قلت ما فيه زي فيفادول " مسكن للجسم للحراره "
ووقفت عند الصيدليه وقلت لأختي الصغيره مها " 10 سنين" ::
محو انزلي الصيدليه وجيبيلي فيفادول وأسأليه بعد هو يجيب النوم والا لا ؟؟
واذا سألك وين اهلك اشري علينا علشان يدري ......
>>>>> مسكين والله ما يدري وش يبي يصير :upset:
وكنت واقف حول الصيدليه
يعني ما نشوف الي يبيع ولا يشوفنا
بعيدين شوي
ودخلت اختي وطلبت منه الفيفادول
وقام وبدون اي سؤال وبدون تفكير وعطاها الدواء
ولا شين وقوي عين
يوم سألته اختي قال لا ترى الدواء ما يجيب النوم
وين بوش عنكم ؟؟؟؟؟؟
وين وزارة الصحه الامريكيه عن هذا التصرف ؟؟؟؟

اجل يعطي دواء لصغيره ولا يسألها وين اهلها ؟؟؟

افرض كانت تبي تستعمله استعمال خاطئ .....
اين اهتمام وزاره الصحه بمثل هالامور ؟؟؟؟
اصلا هي موجوده للأسف ؟؟!!!!!!

قهرني والله مره
كنت ابي انزل وأوريه شغله زين >>>> يا قوي
بس قهر اني بالموت اقدر اسوق
كيف نبي نتطور ولا مثل هالمشاكل الى الحين موجوده بيننا ؟؟؟
في امريكا اغلب الادويه لا تعطى الا بوصفات طبيه ان لم يكن كلها
بس عندنا ......
الله يخلف
حتى حبوب منع الحمل
الشباب الصغار يشرونها
ولا ازيد الطين بله ....
الواقي الي يسمى عند البعض " الكبوت "
بالتميمي عند صحارى حاطينه حول الكاشير
يعني على بلاطه تبي حياك الله
ولا مسوين عرض اشتر واحد ونعطيك مزيل عرق مجانا >>>> ترى امزح لا احد يصدق
وين وزاره الصحه؟؟؟
وين الوزير الدكتور حمد المانع "وزير الصحه "؟؟؟
ويــــــــن الــــي يــشـــتـــغـــــلـــــون فــــيـــــها ؟؟
والا خذ الراتب وكبر الكرشه ولا ابوها صحه اهم شي عيالكم بخير

صوره مع التحيه للوزير المانع ....
وصوره مع التحيه لوزارة الصحه ......

جزاك الله خير
وانت صادق وينهم
لو جابت شئ خطا
مافيه وين اهلها علطول عطاها
جزاك الله خير

اولا

الله يشفيك

ثانيا

مهب صورة وحدة مع التحية بل الالاف الصور مع التحية للويزر الصحة

اولاً الحمد لله على سلامتك .

يابعد قـ:smilie47: لايصير فيك بحه من كثر ماتنادي عليهم

لانهم في سبات عميق!!:upset:.

:d:d:d:d:d

الله يرجك :d ,,,

و الحمد لله على سلامتك :) ,,,

و وزارة التجارة لا تعليق :upset: ,,,

مرحبا والحمد لله على السلامة :d:d:d

الفيفادول والبنادول ينباعون حتى في البقالات الصغيرة وحطات البنزين !!


الفيفادول وبعض الأدوية الأخري لاتحتاج وصفة طبية وتسمى OTC وفي امريكا توجد هذه الأدوية في السوبرماركت وتجدها على الرف مثلها مثل الشكولاته والحلويات اما الأدوية الأخرى مثل ادوية الضغط والسكر والتي تحتاج الى وصفات فتكون بالصيدلية ولاتصرف الا بوصفة طبية معتمدة !!


طيب وش فيها !! وين تبيهم يحونه ؟؟ بالصيدليات ويكون مثل الأدوية النفسية والمخدرة !!!
الواقي مثله مثل حبوب منع الحمل اذا اسيئ استخدامه من قبل البعض !! تبغاهم يمنعونه !!
نحتاج فقط الى قليل من الوعي لا غير !!

اغلب وليس كل الأدوية :d:d:d
التجاوز عندنا تجده في اعطاء المضادات الحيوية من دزن وصفة طبية وبشراء مباشر من الصيدلية !!

وشكرا لك وماتشوف شر :d:d:d

^^

ما أزيد على كلام اخوي قرقاص بشي

الفيفادول و البنادول وادويه الكحة و السعال تقدر تعطيها اي شخص بدون وصفة

بعدين ترى هذي رزقته وانا اخوك صعبه فاتح له صيدلية وما يبيع الا بوصفه .. اتكلم عن نوعيه هالأدوية :)

انا معك لو كان بمركز صحي او مستشفى حكومي .. مايجوز الصرف الا بوصفة طبيّة حتى لو كان بنادول .. اما خارج المراكز الحكوميّة تقدر تصرف بدون وصفة :)

ترى العيب مو بالوزارة بس .. حتى البشرية فيهم عيوب واجد .. انا بمرحلة التطبيق خلال هالترم للأسف تشوف اشياء محزنة .. ذاك اليوم جاني شخص يبي دواء ظغط .. قلتله الوصفة قال ما معي .. انا اعرف الصيدلي المسؤول ودايم اخذ بدون وصفة .. قلتله اسف مقدر اصرف بدون وصفة .. طلع يسب ويلعن انا تركته لأنه كبير بالسن .. واحد كبر قريح وهذا تعاملة !!

امسكوني ترى ان تفلت ما راح اسكت خخخخخخخخخخ

يعطيك العافية اخوي .. ومعافى من كل شر يارب :)

بنسى كل الكلااااام وبعلق فقط على موضوع الكوندم
بالعكس هذا وعي يا اخي , مفروض يكون حتى بمكان باااارز
لان الامراااض انتشرت بشكل كبير والعياذ بالله
تبي يعني يباع بالخفيه , !!!
ليه هو مخدر ولا شلون
بالعكس يكون في متناول اليد !
وهذا رأي مختصين ولهم خبره مو رايي
اما وزاره الصحه , بالله كفااايه شبااااب , ملينا ولا وزاره عندنا بسم الله عليها
هذا انا متخرج من كليه مجتمع تبع الملك سعود , ولي سنه من شهر 1 هجري
ديوان الخدمه مقفل يقول لازم وزاره الصحه تطلبكم
فني اشعه قد الدنيا ولا في تعيين !!
يعني بالله وقفت على بندوووول يا عمي خليني سااااااااااااااااكت

الحمد لله على السلامة و ما تشوف شر

و مع التحية لوزارة الصحة

وشكرا للجميع لكل من شارك في الرد s13s

وعليكم السلاااام

الحمدالله على السلامه وما تشوف شر:)

اما بالنسبه للموضوع:::

والله صادق وينهم اهم شي عندهم الفلوس ..

انا في وحده اعرفها كانت رايحه لدوله اوروبيه عاد تموت على شي اسمه بايسن فهي راحت تشتري

البايسن من الصيدليه<<:bigeek:لاحظوا من الصيدليه مو من البقالات..

عاد قالوا لازم اذا كنتي راح تشترينه تبصمين وودوها علشان تبصم ...

كل هذا عشان تبي تشتري بايسن الله يخلف علينا :upset: هذا بايسن اجل شنقول عن الفيفادول وطفله مو

حرمه..:upset:

عواااافي اخوووي على الموضوع

تقبل مروري بنت عبد الله &s13s

إقتباس:

حتى حبوب منع الحمل الشباب الصغار يشرونها

قوية ذي ،، وش دراك ؟؟ << واحد بيسوي زحمه :d

إقتباس:

وين الوزير الدكتور حمد المانع "وزير الصحه "؟؟؟

أصلاً أول مرة أسمع أسمه ..

هذا دليل على شغله الجبار ..

للمعلومية شد الحزام ،، ترى أنفلونزا الطيور قربت .. :wallbash:

و تشكر على الموضوع و تراك طلعت فضايحهم ،، لا ترحمهم يا قوي << نرفع معنوياتك خخخ :d

إقتباس:

عاد قالوا لازم اذا كنتي راح تشترينه تبصمين وودوها علشان تبصم ... كل هذا عشان تبي تشتري بايسن

من جد قوية .. :bigeek:

لو أروح عندهم بـ يفتحون لي ملف إجرامي من كثر بصماتي .. :d

لا تقولين الحب بعد بصمه :bigeek:

كان من جد يفتحون لي محظر خخخخ :d