سواليف أبو عبدالله ( الأسبوع الأول ) مفآجأتي للمجلس العام - نادي الهلال السعودي - شبكة الزعيم

algohmani · #1 18/01/2008, 05:49 PM

تشاهدون في سواليف أبو عبدالله هذا الأسبوع :

زوجه مشفره
غسالة وشغاله
طحينية بدون خبز
هيبة ام خيبه
مقالب ابو عبدالله
خليك مكاني

زوجه مشفره

من غرائب العادات الموجوده في مملكتنا الحبيبة هي تلك العاده التي لاتسمح للزوج بمشاهده
زوجته ولايرى منها إلا عيناها بل يتعدى الامر الى ان ابوها لايراها كذلك وهنا السؤال

وش الفائده أتزوج وحده مقفلة البث

غسالة وشغاله

مره وانا طفشان عاد اقلب بهالقنوات وجدي بجنبي تعرفون القنوات كلها اغاني والعياذ
بالله علق الريموت على قناة فيها اغنية لنانسي عجرم اللي تغسل فيها الملابس في القردل.
شافها جدي قال شوف وانا جدك هذي البنيه الصالحه اللي تغسل ملابسها بيدها مو زي
بنات هاليومين اللي وحده عندها غسالة وماتسوي شي يالله تكملها غسالة وشغالة

طحينية بدون خبز

تعرفون ياجماعة الخير الواحد مع البرد معاد وده يتحرك من مكانه شبرين كيف لو كانت
المحلات مقفلة تالي الليل وفيه محطه بعيده شوي وماعنده سيارة اكيد برد على بقايا
البيت المهم ماطول عليكم كنت جيعان

وقلت بدور الثلاجه اذا فيها شي ء نسخنه وناكله
مالقيت إلا طحينية قلت يالله ماشي الحال بس يبيلها خبز ادور على الخبز مني مناك
مافي , يمكن ياولد جنب واحد من هالقدور برضوا مافية .
قلت أفا والله انها جات علي اليوم شكلي باكل طحينية بدون خبز . بس يمدحون العيدان
حقت الماكرونه تذكرني بعيدان اهل الصين

المهم مالقيت الا طحينيه

هيبة ام خيبه

ذات مره قال لي احد اصدقائي يجب ان تفرض سيطرتك على المراة من اول ليلة وتفرض شخصيتك يقول خذ عند انا ثاني يوم واحنا بنشرب شاي كبيت الشاي على الأرض متعمد
بدون ماتلاحظ اني كبيته متعمد وخليتها تمسح الشاي المسكوب

مقالب أبو عبدالله ( هذه المقالب حقيقة وواقعية )

أيام التطبيق في ثانوية الفتح بأبها سألني أحد الطلاب سؤال في النحو وأنا ادرسهم أدب السؤال كان عباراه عن اعراب آية قرآنية وتعرفون المطبقين قدراتهم على النحو فيها
وفيها المهم الحين ابي اتخلص من السؤال فقلت للطالب
هل هذا السؤال واجب ؟
اجاب الطالب بنعم .

قلت اجل مقدر اجاوبه احتمال مدرسكم عطاكم السؤال عشان يشوف من الفاهم اللي بيحل
السؤال

خليك مكاني

تخيل وانت جالس بالبيت لوحدك بغرفة النوم سمعت طربقة ناس بالبيت فتحت الباب الا وهما اربعة حراميه وكل واحد منهم بيده مسدس الحين انت ماعندك جوالك ولا تلفون
ولامعاك احد بالبيت وشفتهم وماشافوك . وش بتسوي

بتقفل الباب وتأمنه وزي مايسرقوا يسرقوا ؟
ولا عندك حل ثاني بس خلي بالك كل واحد معاه مسدس

يعني خليك مكاني وجاوب

تطالعكم سواليف أبو عبدالله كل جمعه اتمنى ان تنال على رضاكم وإستحسناكم وسامحونا
على القصور

نستقبل ملاحظاتكم عبر الخاص