هذا ابوحمدان ((الاسم من عندي ماله علاقة باي شخصية حقيقية )) موظف في دائرة حكومية((طبعا الدوائر الحكومية كثير بلدية ومحكمة ومدرسة و و و و )) يستلم راتب شهري قدره ثماني الاف ويداوم 8 ساعات يوميا خلونا نشوف كيف يومه الوظيفي وراح نبدأ من عودته للبيت


عاد ابو حمدان للمنزل والتعب اثقل كل جسده لدرجة انه نسي يقفل السيارة دخل البيت ونظر الى زوجته ولم يرد السلام ((لأنه متعب)) دخل غرفة النوم وهو لايكان يرى الا الفراش رمى بشماغه بعيدا وارتمى الى السرير اساعة الثانية والنصف


زوجته في الخارج تسمع شخيره مع ابنائها تنتظر متى يصحى لتناول الغداء

الساعة الرابع

الخامسة

السادسة

صحى عند السابعة

قام ووجهه كأنه قطعة عجين بوده لو ينام طول عمره

قام توضأ وصلى العصر و المغرب جمعا لا قصرا ((العذر انه رجل يداوم))

اتى الى الصالة وهو يسحب رجليه وارتمى على الاريكه واشار الى زوجته بالاكل

أتت زوجته بالكبسة واخينا في الله عين مفتحة وعين مغمضة

شمر و باليمين وخذ لحم ورز وسلطة ولبن

بعد ان امتلأ البطن اذن العشاء قام وصلى

جلس امام التلفاز شوي ثم أخذ السجادة وخرج على وين يابو حمدان

على القهوة ياحرمة

ركب السيارة شغل وهو لسى يتمغط

وحرك على الكازينو

الجلسة هو اول واحدة يحضرها((الدوام ؟؟؟؟؟ نشوف شوي )))

المهم طلب مخلوط او صافي عاد انا ماادري ايش شيشته بالضبط وشغل التلفاز وجلس

شوي شوي الا الشباب بدأوا يتوافدون على الجلسة وبدأت السواليف

هذا يسب مدير المدرسة حقت

وذلك متذمر من نظام العمل

وهذا مايشوف ان الرواتب مناسبة لطبيعة عمله المتعب

ابو حمدان قال ليه مايخلوا الدوام مسائي مو أفضل

المهم وصلت الساعة اثنين بدأو الشباب ينسحبون وكان آخرهم ابو حمدان طلع اثنين ونصف

رجع البيت وهو ماوده يفارق القهوة وبدأ من الحين يشيل هم الدوام اللي بكرة

وصل البيت ظلااااااااااااااااااااااااااام هدوووووووووووووووووووء كالعادة

الكل طفش من انتظاره وناموا ((طبعا لو لاحظنا ابو حمدان مايشوف عياله الانص ساعة وهي قافلة معه طبعا ))

دخل كالحرامي بشوييييش وارتمى على الفراش طبعا ماجاه النوم الا الساعة اربعة تقريبا الله لايلومه نايم العصر كله وطول الليل يشرب شاي وقهوة كيف يجي النوم

المهم بدأت حرب المرأة مع زوجها من بداية اساعة السابعه

قووم يابو حمدان العمل((طبعا معذرة انها تصحيه للفجر))

قووم الاولاد راحوا مع الجيران وانت نايم

قوم لايطردونك ونجلس بدون فلوس

المهم الرجل صحى الساعة 8 صباحاوماراح اكرر الوجه معفوس والحالة حالة

صلى بسرعة ولبس بسرعة وزوجته تدفه الين خرجته مع الباب

ركب السيارة وعلى العمل وصل هناك وكالعادة وقع تحت الخط والبقية طبعا ((مثله تحت الخط))

جلس على المكتب وملفات المعاملات حقة اليوم وامس وبعض قبل امس مركومة امامه

وبدات تعابير وجهه تتقلب و تتعكر

نادى على الفراش عم حمزة جيب شاي وجريدة

العم جمزة جاب الشاي والجريدة

وجلس ابو الشباب يقرأ ويتقهوى وينتقد سياسات الدول وتخلف العالم العربي(( وهو احد الاسباب))

دخل احد المراجعين واعطاه ملف

ناظر ابو حمدان بعينين حمراوين وكأنه قاتل ابيه : ياأخ ماتشوف المعاملات مركومة عندي هنا
انا ماعندي عشر يدين اسوي معاملات الخلق كلها

المراجع: تكفى انا جيت من بعيد اليوم موعدي ماأقدر ارجع مرة ثانية

ابو حمدان: ههههههههههههههههه ياحبيبي ! مابقي الا احل لكم مشاكلكم بعد اقول خذ ملفك وبعد شهر تجي

طبعا المراجعين اللي وراه شافوا الموقف واصيبوا بالهزيمة وعادوا ادراجهم

جاله واحد يااخوي انا ملفي عندك من قبل امس

قال: خذ ملفك اوراقك ماهي كاملة

المراجع: لا والله كلها كاملة وجاهزة

ابو حمدان قلب في الملف شوي : صورة البطاقة ماهي واضحة روح صورها

المراجع: يااخي حرام عليك والله

قاطعة ابو حمدان قال : ياابوي لاتضيع وقتي يالله

المراجع وهو خارج: حسبي الله عليك وعلى اللي وظفك

المهم ابو حمدان كتب ملفين وبعدين طفش

جلس يفكر و بعدين اهتدى لخطة

راح المدير وسلم عليه : ابو نواف والله اني مستحي منك لكن الولد تعبان وودي استأذن اروح اوديه المستشفى

ابو نواف : ابو حمدان مايصير كل الموظفين استأذنوا باقي شغل وراك

ابو حمدان: لا كل شغلي والمعاملات خلصتها((خررررراط))

ابو نواف : روح ولا تتأخر

خرج ابو حمدان مبسوط وعلى وين؟؟؟؟؟؟ على البنك راح يشوف اخبار الاسهم

لقي الاسهم طايحة ولا يقدر يبيع وقلبها على القهوة تاني

اخذ راسين هناك وكيف رجع للدوام على اساعة واحدة

شوي دخل مراجع الساعة واحدة ونصف ومعه ملف

المراجع: لو سمحت ممكن تشوف لي المعاملة

ابو حمدان وطبعا الان ابو حمدان ماصار يشوف من النوم ((سهران امس)) : انت الحين جاي على نهاية الدوام نايم طول الصباح وجاي تعال بكرة ولا اقول بعد بكرة عندي معاملات كثير

المراجع: ياأخي الدولة حددت الدوام الى الثانية
ابو حمدان: وقف ومعصب : بتعلمني انت كيف الدوام ونظامه خذ ملفك مافي اليوم

وخرج ابو حمدان ووقع قبل وقت الخروج
وعلى البيت

ووصل البيت مثل ماوصل امس و استمرت سلسلة المواطن السعودي.



الى متى واحنا نعاني من عدم الاخلاص في العمل وفي اماكن حساسة

ابو حمدان مثال وليس مثال نادر بل الاغلبية على شاكلته

ياترى متى ستحل هذه المشكلة والاهم كيف ستحل؟

نعم صدقت هذا حال كل الشعب عسي الله يعين