المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 18/01/2008, 04:43 AM
زعيــم متواصــل
تاريخ التسجيل: 07/02/2007
مشاركات: 64
Icon17 رحم الله إمرئ عرف نفسه يا إدارة ويا كابتن فهد المفرج والزعيم أهم من المهم ومصحلته فوق كل إعتبار...

* *

أتمـنـى من أعمـاق قلبي كما يتمنى كل زعيم هلالي يغار على فريقه ويخاف على مصلحته ويغلبها على أي شئ آخر أن يتم عمل غربلة وتصفية شامله هذه الأيام خاصة وأننا نمر في مرحلة انتقالية هامة وحرجة وفقدنا خلال 6 شهور 3 أو 4 بطولات هامة وأرجو أن تتم عاجلاً في أقرب فرصه وليس بعد نهاية الموسم وخراب مالط ا وأن تشمل اتصفية معظم اللاعبين أصحاب المستويات السيئه واللي نازله تحت وأن يقوم بها المدرب وحده وهو من أعطيت له الثقه في تحديد تشكيلة الفريق كل قبل كل مباراة... وأول هالتصفية أتمنى أن تبدأ بالأخ العزيز القدير الكابتن المدافع الصلب/ فهد المفرج اللي نص هالعالم في الشبكة مصدقين إن الحماس الي هو فيه عشان الهلال وصدقوني يا زعمااااء راح زمان الحماس ( هذاك أول أيام كوكبة النجوم المخلصة أيام الكابتن القائد الفذ صالح النعيمة والفيلسوف أبو يعقوب يوسف الثنيان والخلوق مهندس الوسط فهد المصيبيح ومنصور الأحمد والعشيوي وهذال الدوسري وسعد مبارك ويوسف جازع ووصفوق ومحمد التمياط والبيشي والحبشي والتخيفي وعبادي الهذلول والتيماوي وعبدالله الدعيع والسلومي وتركي العواد والنمشان وشويش الثنيان طارق العوضي والغشيان والشريدة وأحمد خليل وسامي الجابر الأسطوره والجمعان والدوخي ونواف التمياط وخميس العويران وفيصل أبو ثنين وغيرهم وغيرهم الكثيير اللي أخلصوا للزعييم الهلالي عشان الفنيلة موب عشان الراتب والإحتراف والمصلحة الشخصية لكن اللحين كلن يدور مصلحـة جيبه ويسكن جيبه بكم قرش وكلما كان الراتب الإحترافي أعلى كل ما كان المستقبل مؤمن أكثر وأكثر والمفرج أتعبنا وربي خلااااااااص أرحمونا منه يا إدارة الهلال ترى والله يا خوفي إنه يسوي فنفسه شئ لو قلبنا عليه كلنا قلبه وحده واللبيب بالإشارة يفهم الحملة الي كانت عليه من 6 شهور لأنه زودها بمستواه الطايح من مباراة لأخرى وحتى قدام الفرق التعبانه تلاقيه مرتبك وتقول البرد ذابحه ويزحلق يمين وشمال تقول الملعب غرقان بالمطر ، وعالعموم الأمير محمد بن فيصل موب فاضي اللحين يرمم النادي ولا يعمل تصفيه يعني لازم نطيح في مطبات وحفر ونخش بحواري وناكل هزايم وتخش فينا أقوال أتفه من التافهه وتضيع هيبة الزعيم لعيون المفرج وواسطته الي مخليته علللللللله على كبودنا وعالعموم البقاء للأفضل دايماً في الفرق العريقه والكبيره و المجاملات مالها مكان أبداً لأن مصلحة الفريق فوق كل إعتبار دايماً وأبداً وعصر الإحتراف ما يعترف إلا باللعيبة الي مستواها في تصاعد مو في تنازل واللي شايفينه للحين بعيوننا إن مستوى الأخ فهد المفرج بارك الله فيه زي مستوى طلاب الصف الأخير في المدرسة يعني رايح فيها ومدحدر وأقووووول كلمة وحده للإدارة واللي يجاملون المفرج عشانه من شباب الهلال وياما راح من شباب الهلال للأندية الأخرى وأخرهم الدوخي اللي دخنا بعده ندور ظهير أيمين محنا لاقين بالبلد تقول خلصو الأظهره أقووول للإدارة واللي مصدقين إن المفرج مدافع صلب واللي مكانه الطبيعي حالياً هو دكة الإحتياط اللي المفروض هو يطلب الجلوس عليها شوي ويرتاح من بعد الحملة الي فاتت لكنه طلع علينا بالتلفزيون وكثروا مجاملينه وواسطته بانت بالتلفزيون وانعرفت للكل ولا موب أي واسطه واسطه قويه ، وأرجو من كل قلبي أن ترحمنا الإدارة من القهر على حال فريقنا وحال دفاع فريقنا الغالي وان يتم إعطاء المفرج آخر مهله قبل نهاية الموسم أقووول أرحمووونا ترى ما ضيع جارنا النادي الكبير العريق إلا المجاملات وحدها والسبب معروف لأن إدارتهم إثنين لا ثالث لهم واحد واخوه مدردبين روسهم في ذا النادي من يوم عرفناه ومن توفا أبوهم الله يرحمه اللي كان عنوان للمجاملات و متفرد في كل قراراته وكانوا أبناءه مثله بالتمام واللي كان أكبر همهم ومازال إنهم ما يغادرون كرسي إدارة ذا النادي للأبد وتلاقيهم يفتحون شارع سنة ويقفلون شارع السنة اللي بعدها ويطورون مباني النادي ويزينونه من برا الله الله ومن جوة يعلم الله ومغلبين مصالحهم الشخصية ومصلحة شركتهم ( ماسة ) على مصلحة النادي ككل واللي ما يمشي معهم في نفس الطريق يطيرونه من النـادي بأي شكل وذابحين ناديهم بكثرة المشاكل الداخلية ويبينون لجماهيرهم المسكينة المقهوره إن كل شي تمام وعلى مايرام وإحنا مازلنا في مرحلة البناء وعشر سنين على هالحال يبون طوبه طوبه والله لو إنها ناطحة سحاب ميتين دور كان خلصت من زمان وهات من ذا الحكي الفاضي والوعود الوهمية وتصبير الجمهور على الوهم ويدعون ربهم في كل سنه أن يجيبون لو نص بطوله وكلها طبعاً بسبب مجاملتهم لمن يحبونه وإبعاد من لا يحبونه واللي يقولهم شغلكم صح مية على مية ، ويتدخلون حتى بتشكيلة الفريق وتلاقي إداريي النادي وقت المبارة أكثر من اللعيبة ( والدليل آخر مباراه لهم مع الإتحاد في جدة وربي أنهبلت من كثرة اللي كانوا قبل بداية المباراة ورا رئيس النصر إداريين ومدري وش وضعهم وعددهم أكثر من لعيبة الفريق وماشين مع المضمار ما لحقت أعدهم من كثرتهم وكلهم رايحين للإحتياط ) وكله حبه لكرسي الرئاسة والتفشخر والتباهي فيه ليس لخدمة النادي والسعي لمصلحته بل للمصالح الشخصية التي أدت إلى الفشل وكثرة المشاكل داخل الإدارة وكثرة الإنقسامات والتفرد في القرار نتج عنها سوء للتخطيط وحسن الإدارة وبالتالي عدم ثقة الجماهير في إدارة فريقهم وإحباطهم وضياع العدييد والعديد من البطولات وقهر الجماهير من تردي الحال لدرجة أنهم لم يكرموا بعض نجوم الفريق المعتزلين ( والمشهورين ) إلى الآن ووكله بسبب شئ وااااااااحد بس إسمه ( مـــــرض المجااااااااملات ) وهذا هو المرض اللي ينخر في عظم أي نادي ويخليه يطيح بمشاكل لها أول مالها آخر وأقووووول للأمير بندر بن محمد نبيك تمسك إدارة الزعييييييييم وتريح أعصابنا وربي ما صرنا نتحمل كل شهر يطلع لنا مقلب ولا مقالب والبركة في الإدارة الحالية ( قليلة الخبرة ) كثيرة الحماس عالفاضي ، ورحم الله إمرئ عرف قدر نفسه يا إدارة ويا كابتن فهد المفرج والزعيييييييم أهم من المهم ومصحلته فوق كل إعتبااااااااار ... تحياتي لجميع الزعماااااء في كل أنحااااااء العاااالم ،،،
اضافة رد مع اقتباس
  #2  
قديم 18/01/2008, 04:49 AM
زعيــم مميــز
تاريخ التسجيل: 06/04/2004
المكان: الرياض
مشاركات: 2,383
والله المفرج انسى انه يطلع ولا يجلس احتياط
البطولات بضيع والاخطاء تتكررمنه بدون اي محاسبه
والله تعبنا من الكلاااااااااااام عنه والله ملينا ..
والله يعينك اخوي على مدافعين ومطبلين المفرج ..
اضافة رد مع اقتباس
  #3  
قديم 18/01/2008, 04:56 AM
زعيــم فعــال
تاريخ التسجيل: 24/04/2007
المكان: جلاجل \ الرياض
مشاركات: 318
بالتوفيق للزعيم .. هذا اللي اقوله واطلب منكم تكراره
اضافة رد مع اقتباس
  #4  
قديم 18/01/2008, 05:11 AM
زعيــم مميــز
تاريخ التسجيل: 28/09/2004
المكان: الرياض
مشاركات: 5,620
بطل يا مفرج .. والله بطل ...


و الى الأمام ..


.
.
.
.
اضافة رد مع اقتباس
  #5  
قديم 18/01/2008, 05:16 AM
زعيــم مميــز
تاريخ التسجيل: 03/09/2000
المكان: Riyadh
مشاركات: 5,572
واللع عجزنا وحنا نتكلم ولانسى

العنقري - الخراشي- الياس- العنبر- الهليل- البرقان -الذياب

الجميع اخذ فرصته والموهبه من اول مباراه شوف الشلهوب على بدايته والمؤشر في الوقت الحالي

ولو فيه شمس طلعت من امس كفانا مجاملات اعطوا صغار السن فرصه
اضافة رد مع اقتباس
  #6  
قديم 18/01/2008, 05:24 AM
زعيــم مميــز
تاريخ التسجيل: 21/04/2007
المكان: تعرفون ذاك المكان؟ انا هناك..!!
مشاركات: 4,749
زبدة كلامك المفرج ماتبيه
مو بس انت اللي ماتبيه والله اغلب جماهير الهلا تبي الفكه منه
الله يعيييييييييييين ومداام محمد بن فيصل الرئيس لا تفكر انه بيجلس احتياط...
والله ان يلعب غصب اسااسي
والمرشدي ما اقووووووووووووول الا الله يعينه على النكبات اللي بتدمر مستقبله ..!
اضافة رد مع اقتباس
  #7  
قديم 18/01/2008, 05:25 AM
زعيــم نشيــط
تاريخ التسجيل: 19/04/2007
مشاركات: 949
والله ان المفرج احسن بكثير من اسامه هوساوي

اجل هوساوي يسحبه موشر الاعب الهلال الي ميعرف يثبت كوره
اضافة رد مع اقتباس
  #8  
قديم 18/01/2008, 05:57 AM
زعيــم فعــال
تاريخ التسجيل: 19/03/2006
المكان: Australia
مشاركات: 477
ياناس حبوا الهلال وخلو عنكم الخزعبلات هذي
اضافة رد مع اقتباس
  #9  
قديم 18/01/2008, 06:23 AM
موقوف
تاريخ التسجيل: 22/08/2005
مشاركات: 104
المفرج افضل سنتر فالعالم انا اشوفه افضل من كنفارو .. مبسوطيين كذا؟؟

ياخووي المفرج هذا اوقح مما تتخيل ولا والله لو انه يحترم نفسه كان اعتزل من زمان لكن وش نقوول

الا حسبناا الله ونعم الوكيل


على فكره المفرج يقول 60% من الجمهور الهلالي مايفهم كوره..!!
اضافة رد مع اقتباس
  #10  
قديم 18/01/2008, 07:12 AM
في انتظار تفعيل البريد من قبل العضو
تاريخ التسجيل: 11/09/2007
مشاركات: 205
والله المفررررج بطل انتم وش تبون بالظبط؟! خلوووووو المفرج بحاله بعدين يافاهم الكووره قولي أشلون يلعب بالوواسطه ؟!
اضافة رد مع اقتباس
  #11  
قديم 18/01/2008, 07:48 AM
زعيــم متألــق
تاريخ التسجيل: 01/06/2005
المكان: بيت ابوي
مشاركات: 1,126
انا الصراحه ابقتنع بفهد ماقدرت خاصة عقب هدف الوحده والله ما ينهضم...
اضافة رد مع اقتباس
  #12  
قديم 18/01/2008, 08:54 AM
زعيــم نشيــط
تاريخ التسجيل: 25/07/2007
المكان: يونايتد استيس اوف جده
مشاركات: 712

لاتعليق على موضوعك .. لكن ..!!

كلمة حق ’ فهد المفرج .. قدم مستويات ممتازة في اخر ست مباريات ..
لولا الخطا الذي تسبب به امام الوحده واتى منه الهدف لـ قلت انه افضل لاعب
هلالي خلال اخر ست مباريات للهلال ..

تحياتي "
اضافة رد مع اقتباس
  #13  
قديم 18/01/2008, 10:51 AM
زعيــم متألــق
تاريخ التسجيل: 29/10/2005
المكان: بالحوش
مشاركات: 1,068
طيب أخطى وكل الناس تخطي

لكن بتقول ياكثر ماأخطى

طيب ليش إذا نكب لقيت عشرين موضوع عنه

لكن إذا أبدع ماأحد إنتبهله

فعلا جمهور يرى بعين واحدة
اضافة رد مع اقتباس
  #14  
قديم 18/01/2008, 01:08 PM
زعيــم فعــال
تاريخ التسجيل: 29/02/2004
المكان: RIYADH
مشاركات: 239
أحبتي فهد المفرج لاعب قتالي ويلعب بحماس ومن قلب يعشق نادي الهلال ومستواه جداً رائع ومن لا يعجبه يشرب من ماء البحر والظاهر بعض المنتقدين لا يفقهون في الكوره أبداً

احبتي لا يوجد لاعب بدون أخطاء أبداً وفهد من أقلهم

ياسر , الشلهوب , تفاريس , الدعيع جميعهم لديهم اخطاء

فلماذا فقط فهد المفرج على الأقل أخر6 مباريات كان النجم الأول في الهلال عدا هدف الوحدة في المباراة الأخيرة وقام بالتعويض عندما مرر هدف هلالي من خط الستة الا يكفي هذا

الرجاء عدم محاربة نجوم الزعيم خاصة في تلك الفترة المهمة من الدوري والواجب تقديم النصح وليس محاربة نجوم الزعيم

إذا كان الهدف من محاربة النجم فهد حباً في الزعيم فوالله اننا لسنا بحاجة لمثلكم ولحبكم والزعيم منكم براء وإذا كان الهدف زعزة الفريق فالرجاء مغادرة موقع الزعيم والتوجه للمواقع التي تليق بكم

والله من وراء القصد

ابو محمد
اضافة رد مع اقتباس
  #15  
قديم 18/01/2008, 01:37 PM
زعيــم متألــق
تاريخ التسجيل: 04/01/2004
المكان: الربع الخالي
مشاركات: 1,095
إقتباس
الرسالة الأصلية كتبت بواسطة amh2004
أحبتي فهد المفرج لاعب قتالي ويلعب بحماس ومن قلب يعشق نادي الهلال ومستواه جداً رائع ومن لا يعجبه يشرب من ماء البحر والظاهر بعض المنتقدين لا يفقهون في الكوره أبداً

احبتي لا يوجد لاعب بدون أخطاء أبداً وفهد من أقلهم

ياسر , الشلهوب , تفاريس , الدعيع جميعهم لديهم اخطاء

فلماذا فقط فهد المفرج على الأقل أخر6 مباريات كان النجم الأول في الهلال عدا هدف الوحدة في المباراة الأخيرة وقام بالتعويض عندما مرر هدف هلالي من خط الستة الا يكفي هذا

الرجاء عدم محاربة نجوم الزعيم خاصة في تلك الفترة المهمة من الدوري والواجب تقديم النصح وليس محاربة نجوم الزعيم

إذا كان الهدف من محاربة النجم فهد حباً في الزعيم فوالله اننا لسنا بحاجة لمثلكم ولحبكم والزعيم منكم براء وإذا كان الهدف زعزة الفريق فالرجاء مغادرة موقع الزعيم والتوجه للمواقع التي تليق بكم

والله من وراء القصد

ابو محمد

والله انت ماتفقه في الكوره شي .............. مستوى المفرج شي (للخلف در) واخلاقه شي ثاني (حبيبنا وماعليه كلام)
ليت اشكالك هي الي تروح للمواقع تليق بها
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:51 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube