مساء الزعماء ..

ألف ألف مبروك بفوز المنتخب الأولمبي ببطولة الخليج ... مع إني ما هضمت البطولة ..


اليوم أثناء توزيع الميداليات قام النجم الرائع والكبير أحمد الفريدي بمبادرة رائعة جداً عندما قلد ميداليته الأمير سلطان بن فهد ، مما جعل فيصل العبدالهادي يتطاير غضباً لإنه لايريد أن يباد بها لاعب هلالي، فأخذ يغمز بحركات مفضوحة أمام الكاميرا ويؤشر بيديه للاعب القادسية محمد السهلاوي بأن يقلد ميداليته الأمير / نواف بن فيصل .. وبالأخير فهمها السهلاوي وعاد وأهدى الأمير نواف بن فيصل ميداليته ..


فشلتنا يا فيصل العبدالهادي في كل مكان، ومجننك الهلال في كل زمان بإذن الله ...

لاتسىء الظن يااخي ,, يستاهلون التكريم بصراحه سلطان ونواف

لا نحط كل شي براس الرجال وإن لم تكن معي فأنت ضدي

الله يهدي بس
تحياتي

مسكين الهلال فاقع مرارته

خصوصاً اليوم فاز على الاتحاد على ملعبة ( شباب)

صراحه منظر يفشل !!

قال لخمسه لاعبين قبل السهلاوي وسحبوا عليه ولاعطوه وجه وفي الاخير فهما السهلاوي !!

إن بعض الظن إثم

لاتحطون بذمتكم ولاعليكم منه
عليكم من الهلال والمنتخب وندعو لهم بالتوفيق والباقي ماعلينا منه

احسنوا الظن

والف مبروك لمنتخب الوطن منتخب الاحلاااااااااااام

وخلووووونا نفرح

ياليت توفرون مقطع فديو لاني ماشفت اللقطه

حتى انا شفته

لا تسيؤون الظن امكن شاف انه لازم واحد يعطي الامير / نواف بن فيصل

خخخخخخخخ وش اللي بعض الظن !!

يا جماعة اكبروا !! الرجال مفروغ منها موب يطيق الهلال !!
لكن عاد لا ( نتذيهن ) اكثر من اللازم !! ونقول انه (مستقصد الهلال) !!
عاد موب كلش !! نجيبه هو (خشته اللي تسنه اسماعيل ياسين ايام شبابه) ..
ونقول الا عبد الهادي .. يبي يقهر الهلاليين !!
الرجال ( ينرحم ) وماسك منصب اكبر منه ومتورط به !! وهذي حقيقة !! ولا مشاه الا هالغمزات اللي انتم شفتوا وحب الخشوم !!
لكن عاد لا نصير ( دهاة العرب) ونقول الا قاصدنا !! ترا بعض الذهانة مرات تنقلب (دلاخة) !!
والهلال لا عبد الهادي ولا ابوه ولا جده ولا انولد اللي ينتقص من قدر الهلال !! صدقوني ما يزيد كلام وتفكير ضد الهلاليين عنا الا شموخ ورفعة !!
اذن خلونا بعيدين عن هالبربسة والفطانة الزايدة !!
تحياتي لك اخوي ..

بالعكس
فيصل عبدالهادي كان مبتسم عندما قلّد الفريدي ميداليته للأمير سلطان بن فهد !!
..........
ولا تسيء الظن ..ان بعض الظن اثم