من حقنا كهلاليين ان نطالب بمشاركة لاعبي الهلال فقط

بعدين ما يمنعك انك تقول رايك بس ما تصادر اراء الاخرين وانا اخوك

سلمان

سلمت على الموضوع الرائع

سامي الجابر والله كبير

اعتقد انه ماعمل كله هذا اللا انه بيبدى صفحه جديده معهم

كم انت كبير يابن الجابر

لاعزاء للحاقدين فأنهم يقاتلونك وانت في اعتزالك

قبله في جبينك يا سامي

نعم نعم اعتزال الامبراطور شاركو جميع نجوم اندية المملكه والحضور الجماهيري الي برا اكثر من الي جوا


وماهو لازم يكون في شبكة الزعيم في وقته الناس حضرو الملعب وبكثافه عااااااااااليه جداً جداً ماهو فتحو مواضيع من روسهم وهم خلف كمبيوترات يهايطووون مسوين اننا مهمين لاتحضر طالما هذا تفكيرك

حاظرين يابو عبدالله

* ان شاء الله اننا حاضرين وهذي مافيها كلام

** وتوقيت الاعتزال مقدور عليه وبسيط امره

*** أسعار التذاكر ماهي مشكله دبلها مية مره فدوه لابوعبدالله



ولكن خلني اركز على نقطة توجيه الدعوه للخمسة لاعبين وخذها من باب الدردشه
بدون ماتحسبها جدل او مهاترات فيما وقع وصار وانتهى .. هذا بس علشان لا تسمينا
احنا ياللي اعترضنا على توجيه الدعوه للخمسه اللاعبين بأننا مخربين ومفسدين
ونحاول نخرب الاعتزال !! ( على الرغم ان هذي المفردات ماتطلع منك يامستشار )

أولا .. احنا كمحبين ومشجعين وعشاق للزعيم فالاكيد ان اي وجهة نظر
في واحد فينا هي ناتجه عن حبه وخوفه وغيرته على الهلال بغض النظر
عن صحتها من خطأها !!

ثانياً ..احنا بعيدين عن ادارة الهلال وبعيدين عن الاطلاع على القرارات
والتصريحات بالطريق المباشر .. ومالنا الا الله ثم معرفة الاخبار
عن طريق موقع الزعيم وتحديداً عن طريق ادارة الاخبار وماتسرده
لنا ادارة الاخبار يومياً من اخبار الزعيم في الصحافه بالاضافه
لبعض الاخبار من المصادر المقربه ..

واللي وضح للبعض ان سامي صاحب القرار ( اقصد قرار الدعوه )
ووضح للبعض عن طريق ادارة الاخبار ان ادارة الهلال هي صاحبة
الدعوه وكان قرارهم هذا مبني على توصيات وتوجيهات مدرب الهلال !!
( وانا من الناس اللي اصدق ادارة الاخبار )

يعني القرار هو قرار ادارة الهلال بناء على المدرب !!
وسبب المدرب هو الارهاق للاعبين وبحجة ان عندنا مباراة يوم الجمعه غداً
وعندنا مباراة كاس فيصل بن فهد مع نادي الاتفاق !!

طيب .. هذا مهرجان والمباراة اللي بداخل المهرجان في جميع دول العالم
بتقام في مهرجانات الاعتزالات هذي المباراة كمباراة استعراضيه فقط لاغير !!
لا يوجد نقاط .. لايوجد فوز ولا خساره !!
ولكن مطلوب فيها المستوى والاخلاق والفن والذوق والمحبه والالفه ..
مايبي المدرب يرهق اللاعبين .. ماهو مشكله يبدل كل عشر دقايق لاعب
هذا الهلال مليان لعيبه شباب وغير شباب اساسي واحتياطي !!
لكن وجود لعيبه من غير ابناء الهلال وبالذات في المباراة كمشاركه
هذا صعب جداً حتى لو كان توقيت كل لاعب 5 دقائق فقط !!

حتقولي وش المانع طيب او الضرر ؟

ارد عليك واقولك .. ان مثل ما احنا يالجماهير بنعطي العذر للجميع وقت الهزيمه
وبنكون دوما قلبا وقالبا مع الهلال في كل محافله وبطولاته اذاً لازم سامي الجابر
والاداره الهلاليه والمدرب ايضاً يعرفون ان من حق الجمهور الهلالي اللي في كل مباراة
بيطلقون علينا اللاعب رقم ( 1 ) اننا نستمتع بمهرجان اعتزال نجمنا وان المباراة
تكون من احقية لاعبين الهلال فقط .. وان وجود احد اللعيبه الخمسه راح يفتح
ابواب كثير على جماهير الهلال كأقل تقدير هذا اذا ماتوصلت الابواب للزعيم !!

فرحتنا بتقتل !! قوة الهلال راح تسلب !! حضور جمهور الهلال راح يسلب !!
والفاعل بالطبع هو جمهور اندية اللعيبه الخمسه !!
مدرجات الملعب ملأت بجماهير الاتحاد والنصر وغيره !!
وجود نور ومالك وغيره بجوار فلان وفلان من الهلال زاد صمود الهلال امام المان !!
سامي الجابر يستعين بجمهور اندية المملكه !!

( آخر ثلاث سطور هذي عناوين ومنشتات لاعمده في الصحف بعد الاعتزال !! )


سبق وذكرتلك انه موضوع وانتهى وتدبست فيه الاداره
ولكن سطرتلك سطوري علشان تسحب ( مخربين ومفسدين )
حتى لو بينك وبين نفسك
فنحن عشاق لهذا الكيان الازرق ونحن من اعترضنا على دعوة الخمسه لعيبه



تحياتي

انت مصدق ان الملعب ما راح يحضر 70 ألف ؟؟؟؟؟؟؟

صدقني بيحظرون ..

وشكرا لك

يستاهل أبوعبدالله سامي الجابر الأسطوره السعوديـه والأسيويه
الحضوووووووووووووور وهذا أقل شئ نقدمه لـه

ولا ننسى ان يوسف الثنيان ارتدى شعار النصر في مباراه اعتزال ايضا ........ يعني مافي مشاكل

الحفل فيه عروض لمسيرة سامي على شاشات عملاقة

وفيه عروض سيرك واستعراض دبابات نارية وغيره الكثير

حسب تصريح مسؤول موبايلي

والأهم وداع الذئب

و الله ان الي يقول ما راح احضر انه ما عنده ولاء لنادي الهلال و لا لرمز الهلال سام6

يا حبيبي ما تبي تحضر مع السلامة وش ها الكلام الي ما له داعي
(تذاكر غالية !!! )
(برد !!! )
(اختبارات !!! )

شكرا اخوي سلمان محمد على الموضوع الجميل
و أتمنى حذف أي موضوع يزايد على حبنا الكبير لنجم الوطن سامي الجابر

ابو عبدالله يستاهل و اسعار التذاكر معقوله
لكن نور لا لا لا لا لا لا لا لا لا لا لا لا لا لا لا لا لا لا لا لا لا

قرار جميل اتخذه سامي

ولو انه اخطأ حينما استدعا عطيف ولم يستدي الحارثي

اكيد نذكرها
وما تحتاج صور

ماجد عبد الله أفضل لاعبي النصر
شاركـ بأعتزال صالح النعيمه كابتن الهلال والمنتخب

مشكور اخوي

اللة علي الصور ياجمهور الزعيم ياليت ان شوفكم
يوم الاعتزال كذا .ان شاء اللة .

اول الحضور رغم الاختبارات بس ماتاثر على سامي اول الحضور انشاء الله