وينك يامشقاص.. تشوف جمهور اليوم اللي مايعرف مشقاص أنا اقول له: كان ياما كان هناك رئيس لرابطة مشجعي الهلال واللي أسسها الامير عبد الله بن سعد( يرحمه الله)يسمى مشقاص وهذا الرجل كان أحد اسباب حبي وغيؤي للهلال فكان يحضر للملعب هو وفرقته قبل المباراةوكان بكل نشاط وهمه يبث الحماس للجمهور الكبير باهازيجه واناشيده الجميله وكان ماشاء الله عليه يدور على الدرجه الاولى كلهابل والله حتى الدرجه الثانيه ومايخلي الجمهور يقعد ساكت أبد حتى اللي يستحون كان يشغلهم ويخليهم يصفقون ويهتفون للهلال ... وبعد كل هاالعمل الجبار تعال شوف لاعبين الهلال يدخلهم الحماس ويلعبون بروح عجيبه ويفوزون حتى لوكانوا ناقصين والا المدرب مهوب زين حتى أجبروا النقاد أن يطلقوا عليهم (جن الملاعب). عاد الحين وينك يامشقاص تعال شوف نوعية الجمهورالبارد واللي يالله يرفع يديه ويصفق اذا جاء قول... والا وين أيام عبدالله بن سعد( الله يرحمه) اللي كان يعرف ويهتم بمثل هالامور اللي كانت من أحد أهم أسرار فوز الهلال بالبطولات. أخيرا أتمنى على ادارة الهلال الحاليه تفعيل رابطةالمشجعين الحاليه (ان وجدت)والاهتمام بهذا الجانب المعنوي المهم ولوحتى يخصص لهم مكافأة ماديه فهم يستاهـلون وفيهم ولافي لاعبين مثل ماسيدا أو الكاتوأوغيرة.. |
لا اخفيكم سرا اني من عشاق تصفح المواضيع القديمة .. وجازتلي هالنقطة .. إقتباس:
ولا انسى احد اسرار تشجيع الجمهور وهو تحية ابو سلطان ومطالبته بالحماس .. ولا انسى دور الاستاذ سعد الجريد .. و اسد الملاعب ابو خليل .. والرابطة كلهم .. بس باقي حلقة واحده وتكتمل السلسلة الهلالية .... وهي الحضور خصوصا اهل العاصمة .. |
الرابطة موجودة والله يعطيهم العافية بسبب نبي نشجعهم اكثر علشان ينتجون اكثر ويتحمسون اكثر وبصراحة يبي لرابطة شاعر مخصص يقدم لهم اهازيج جديدة مثل رابطة مشجعي الاتحاد وان شاءالله بتكون مع تشجيعهم ومؤزرتهم ودعمهم ماليا ومعنويا |
الله المستعان |
يعطيكـ العافيه أخوي المشذااب على رفع الموضوع ... |
السلام عليكم .... على فكرة (رئيس رابطة مشجعي الهلال) العم - مشقاص الهلال - رجل فاضل وأعرفه عز المعرفه وهو لايزال الى الان يحب هذا النادي الرائع . اتمنى من كل من يشاهد هذا الرد أن يدعوا لشيخ المشجعين (مشقاص الهلال) |
الوقت المعتمد في المنتدى بتوقيت جرينتش +3.
الوقت الان » 06:48 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd