مشروع مركز الملك عبد الله المالي..شاركوني بآراءكم.. - نادي الهلال السعودي - شبكة الزعيم

بسكوتة السعادة · #1 10/05/2008, 01:33 AM

السلام عليكم و رحمة الله وبركاته

هذا الموضوع شاغلني من زمان..
و ما أدري إذا كان لفت نظركم من قبل..
المهم..انا ساكنة شمال الرياض وتحديدا حي الصحافة..كل مشاويري أروح لها من طريق الملك فهد
و في الطريق أمر بسور مركز الملك عبد الله المالي..
إللي لفت نظري الصورة الكبيرة حقت المشروع..
صور الأشخاص اللي فيها لابسين زي إماراتي!!!!!!!!
و الله ما أخفي عليكم انقهرت...لييييييييه؟؟؟
المشروع في السعودية و في العاصمة الرياض...
الإماراتيين على عيني و راسي أخواننا ما قلت شي..
بس أرجع و أقول المشروع سعودي بحت..
أرجو منكم إبداء آراءكم إن كان الموضوع يهمكم..
شكرا شكرا شكرا
و السلام ختام

" MOHAMMED " · #2 10/05/2008, 01:50 AM

-
بغض النظر عن هذا المشروُع ،،
لكن الاماراتيين ماشاء الله مسيطرين على اغلب
الاقتصاد هنا في منطقة الخليج ،،

وأكبر شاهد على تطورهم مدينة دبـي التي
اصبحت اقوى المدن " سياحياً " ،

وبلا شك من الطبيعي الاستثمار هنا في السعوديه ..
على رأس الهرم شركة موبايلي التي تفأجا الجميع
بزيادة ارباح الشركة العجيبه فقط لرعايتها نادي الهلال .

موضوع جميل .. تشكرين عليه .

Al Suwalih 9 · #3 10/05/2008, 02:04 AM

الحين المشروع كله ما ملى عينك وركزتي على الي لابسينه؟

والله ما شاء الله لو عيونك درابيل

وبعدين هاللي بالصورة هم اللي بيفتتحونه والا كيف؟

راس مالها صورة لا يحز نفسك

أبو فيصل الرحيمي · #4 10/05/2008, 04:51 AM

Look at the bright side

الشمآل يبي يطير فوق من هالمشروع

إماراتي وإلا قطري جينا للأمريكان أعتقد إنها هي هي

مع إني أقول لا والله حولنا وهم الأفضل

لكن في الأول والأخير كلنا في الخليج

يعني حنا هم واحد

من جدكم هم اللي يسوون كل شي لا خيي وإلا اللي يقول مدينة دبي قامت علي يدهم روح وتلقى من اللي قومها غير الخواجات

يعني ما يهم

ثآنكص

دوووبآ

انسان عادي · #5 10/05/2008, 05:48 PM

والله يانتم بعد تركزون في حاجات ماشاء الله عليكم انا دايم امر من هناك ماقد انبهت للي تقولينه

Hilali88 · #6 10/05/2008, 05:59 PM

حتى في الدعايات يجيبون لبنانيين ومصريين لابسين ثياب يعني سعوديين

المهم المشروع نفسه مهوب لبسهم

الزئـ22ـبق · #7 13/05/2008, 03:57 AM

ولا يداومون في الليل بعد شفتوا اللمبات شغالة
الا دور واحد لمباتة قليلة اللي شغالة شــكلهم في إجازة ولا قاعدين يحصلون
مثل ماقال hilali88 أهـــم شئ المـــشروع

راكان _20_ · #8 13/05/2008, 08:03 AM

صباح الخير

هي ما وقفت بس على هذا المشروع

حتى موبايلي اللي كثير من الشعب يستخدمها إماراتيه و الرئيس التنفيذي حقها الكاف و جنسيته إماراتي .

الله يعين بس .....

تحياتي لك .

الزعيم الهلال وبس · #9 14/05/2008, 06:56 PM

^^
اخوي راكان لا حبيبي الشركة سعوديـة ونسبة 35 % فقط إماراتيـة

ثانيا هالشركة شريك الهلال الرسمي واذا زادت ارباح موبايلي بالتأكيد موبايلي بتزيد من مفاجاءاتها واذا قلت بتقلل ...

نرجع للموضوع

اختي لسبب بسيط وانا ماادري وش الي قاهرك مع انه هالشي عادي

اغلب شركات الإعلانات العالمية تتخذ من دبي مقر للشرق الاوسط

ولذلك كل التصوير يكون بدبي ...

مثلا إعلانات الإتصالات السعوديـة وموبايلي كلها بدبي

وإعلانات نقدر نقول 90% من المنتجات بدبي ...

الإعـــلام بدبي