|
غلاء المهور للنقاش مع قصة حقيقية حدثت في مدينة ابها نرجوا التفاعل من الجميع السلام عليكم ورحمة الله وبركاته كيف حالكم أعضاء المجلس العام خلاص الحين صرت منكم وفيكم وقريبا بنهي عقدي مع مجلس الجمهور واتكي هنا ليل ونهار واقرا مواضيعكم واتفاعل معاكم :d مع وعدي لكم بمفآجأة تستحقونها قريبا نبي نناقش غلاء المهور وأحب أبداكم مع خبر أفرحني قرأت ذات مره وحدث كثيرا " رجل سعودي يوافق على تزويج إبنته بريال واحد " هذا الخبر يذكرني بشائب قبل عامين تقريبا طلعت معاه وانا نازل من مدينة أبها ايام دراستي الجامعية حكالي ذالك الشايب قصة لإبنته ويقول زوجها من ولد صديق عزيز علية بالرياض مقابل ريال . يقول الشائب سنتين كاملة بنتي ماشكتلي من ذلك الشايب يقول كنت اظنها سعيده معاه يقول في يوم دقت علي الساعه وحده الفجر وقالتلي يبه تعال شيلني يقول سألتها وش فية قالت تعال وبس !! المهم والكلام للشايب راح وجلس مع بنته وقالتله يبه طلقني من هالرجال يابنت الحلال اتق الله وش صار قالت كل يوم يقولولي انت باعك ابوكي بريال وانا شريتك بريال ودائم يستفزني قدام اهلة وكلام طويل عريض لامجال للحديث هنا عنه المهم الرجال شال بنته معاه لأبها وزوجها بالدوام واتصل على أبوه وقالها تعال ابيك تجي أبها ذحين جا ابو الزوج ولما جا نادى الشايب بنته وقلها احكي لعمك وش قاعد يسوي ولده بعد ماعطاه السالفه قال اسمع ياولدك يدفع 60 الف قيمة المهر زي بنات الجيران يارجال يطلق ( المهر عندنا ب40 الف بس عند ديرة الشايب ب60الف وكل ديره لها مهر ) يقول طلع من عندي ومارجع الا معاه ولده وفي يدة 60 الف ريال ويقول هذي الحادثة لها ثلاث شهور كل اسأل بنتي كيف رجالك تقول تمام والحين يحترمني :d إنتهت سالفة البنت والشاهد انني ضد تزويج البنت بريال وفي نفس الوقت ضد غلاء المهور الزائد للنقاش معكم وهذا تشريف لي ان تردوا على مواضيعي مارأيك في غلاء المهور وهل تؤيد تحديدها بشكل ميسر للشباب ؟ هل تقبل تزويج الشاب العاطل اذا كان ملتزم دينيا وعلى اخلاق عالية ؟ هل ترى أن في إنخفاض المهر انتقاص للمرأة اذا كان كل صديقتها مثلا مهورهن ب40 وهي ب20 الف ؟ هل تؤيد تحديد المهر على حسب وظيفة الشاب فالدكتور مثلا تحدد له مهر والمعلم مهر يختلف عن الاخر ؟ مساحة حرة أترك التعليق فيها لك او اذا اردت اضافة نقطة تضيف للموضوع فالخيار امامك دمتم بود اخوكم ابو عبدالله |
إقتباس:
|
باك من البر :d موضوع رائع جداً اخوي والله صار المهر حديث البنات هالأيام وصار شغلهم الأول وبعض الناس او البنات والله لو انها في راسها ذهب :d مهرها مبالغ فيه وبقووووة والله يعين كل متزوج :d ولاهنت يالغالي ع الموضوع ورده |
وعليكم السلام ورحمة الله وبركـاته , . . . البنـات عرضة للزواج في كل وقت ! لكن التقدير يتضح بـ المهر ! وهذا ماخالفه ذاكـ ! لكـن بعد هروب من الظل ! وتاليف الشائعات ! . . لكن يبقى للمهر تقديره في رجاء ونطاق الزواج ! . . يعطيك العافية |
ماقدر اقول ولا ارد اكثر من قول الحبيب صلى الله عليه وسلم (( اكثر النساء بركه ايسرهن مؤونه)) |
مارأيك في غلاء المهور وهل تؤيد تحديدها بشكل ميسر للشباب ؟ المهور مب غاليه 50 ولا 60 وعساها تكفي ونادراً ماتصير المهور غاليه وبعدين كل شي غالي هل تقبل تزويج الشاب العاطل اذا كان ملتزم دينيا وعلى اخلاق عالية ؟ لا ما أقبل وإذا تزوجته من وين نعيش هل ترى أن في إنخفاض المهر انتقاص للمرأة اذا كان كل صديقتها مثلا مهورهن ب40 وهي ب20 الف ؟ الناس يختلفوون فيه ناس مهورهم 20 وناس 70 وكل وحده ونصيبهاا هل تؤيد تحديد المهر على حسب وظيفة الشاب فالدكتور مثلا تحدد له مهر والمعلم مهر يختلف عن الاخر ؟ لااا ، وش قالوا لكم الحريم بضااعه كل واحد على حسب وظيفته |
هلا بـ algohmani . وعليكم السلام ورحمة الله وبركاته دامك صرت منا وفينا ! خل اقولك مايجول فـ خاطري :bigeek: ترى وقااا مانيب رادتن ومناقشتن موضوعك هذا :mad: يـ اخي حرام عليك ورأ ماترد ع ردودي :upset:، ترى بـ ضرب عن العمل اقصد عن الردود :d. يـ الله رد ع ردي فـ موضوع شعرك :d بعدين لـ شفت ردك ع رديت عليك هنا وتناقشت ، لازم اضمن حقوقي :bigeek::d. بعد ارد وش يضمن لي اني لارديت هنا ماأنت راد ع نقاشي ! تضيع تفكيري ووقتي :bigeek::d. هـ الايام الوقت محسوب :bigeek:لأزم استغله واستغل العصف الذهني -----> ياشين اللي تسوي نفسها دافوره وهي من جنبها ! :dead: سي يا الفيروسه الزرقاء |
مارأيك في غلاء المهور وهل تؤيد تحديدها بشكل ميسر للشباب ؟ بالفعل اصبحت مبهاة وتفاخر واذا جلسنا مع بعضنا يالبنات قالت كل وحدة انا دفع فيني 100 والثانية تقول 150 واللي تقول 80 يعني الموضوع صار شكليات اكثر مما هو مهم بالتأكيد لابد ان يتم تحديدها بشكل ميسر لجميع الشباب هل تقبل تزويج الشاب العاطل اذا كان ملتزم دينيا وعلى اخلاق عالية ؟ والله عن عائلتي ينظرون للشاب نفسة وشخصيته ومبادئة لكن الباقين لا مااعتقد يوافقون وهذي الحقيقة للاسف هل ترى أن في إنخفاض المهر انتقاص للمرأة اذا كان كل صديقتها مثلا مهورهن ب40 وهي ب20 الف ؟ نعم فيه انتقاص وانتقاااص كبير جدااا لاني مثل ماذكرت سابقا فيه مقارنات تعقد في اغلب مجالس النساء وينكسر خاطر البنت اللي تتزوج ب،20 الف+حتى الخطوبة لها تكاليف باهضة وكذلك بعض مش الكل البعض من الرجال يعاير الزوجة ويقول اصلن انتي مثلك مثل اي شي اقدر اجيب غيرك؟ب 15 او عشرين الف هل تؤيد تحديد المهر على حسب وظيفة الشاب فالدكتور مثلا تحدد له مهر والمعلم مهر يختلف عن الاخر ؟ لالالا لااؤيد اطلاقا المنصب ماله اي علاقة بالمهر مساحة حرة أترك التعليق فيها لك او اذا اردت اضافة نقطة تضيف للموضوع فالخيار امامك في هذي المساحة الحرة اتمنى ان الشباب يخففون من مطالبهم في شريكة الحياة ويتفهمون هذا الكائن الضعيف الذي خلق لراحتك وسعادتك بس بشرط اعرف تتعامل معها زين والبنات يخففون من مطالبهم اللي مالها داعي ابتدأمن الخطوبة وانتهاء بالاثاث والتفاخر والتقليد ياشين التقليد لازم كل وحدة تستقل عن غيرها والله ماينفع ويجب على كل ام /تهيء بنتها زين للزواج قبل ماتطلع من بيت ابوها تكون تعرف اول شي تحترم الزوج وام الزوج وعائلتهم تحبهم وتعاملهم بالضبط مثل اهلها ولازم تعرف تطبخ وتدبر شؤون البيت اجل وش الفايدة منها كزوجة؟؟ اتمنى انعقاد دووووووورات قبل الزواج لتاهيل وتثقيف الشباب من الجنسين عن جميع تفاصيل الحياة الزوجية(اجل واحد يطلق زوجته علشانها في مرحلة الوحم تعصبت عليه واحتد النقاش وطلقها!!!!!!ورفضت ترجع بعد الطلاق نهائياُ.. واشكر طرحــــــــــك اللي اتمنى ان يفيد الجميع ويطبق اذا هذا الجيل ماتغيير وتحرك وش ننتظر؟؟ |
الله مير يحي ابو عبدالله اجل تبي تترك منتدى الجمهور الهلاللي لا وانا اخوك كل شيء الاذا ما صبرني على طفاقة بعض الاعضاء هناك الا انت وامثاللك من الاعضاء المميزين بعدين موضوع صباح الخير بتخليه لمين وانت صاحب فكرته ولك جهود تشكر عليها فيه نرجع لمحور الحديث غلاء المهور مارأيك في غلاء المهور وهل تؤيد تحديدها بشكل ميسر للشباب ؟ الصراحة المهور جزء من اجزاء تكاليف الزواج يعين لو الزواج يكلف تقريبا عندنا بنجد حوالي 100 الف ايجاد السكن المناسب وتأثيثه تأثيث جديد والملابس الخاصة بالرجل وتكاليف سفر بعد الزواج هذا للأنسان العادي اما من لايملك سيارة مناسبة تكون قديمة مثلا فالله يعينه وتحديد المهر انا أأيده بشده لكي لا يكون هناك تفاخر بين البنات هل تقبل تزويج الشاب العاطل اذا كان ملتزم دينيا وعلى اخلاق عالية ؟ نعم ازوجه ماذا ينفع المال مع الاخلاق السيئة وعدم الالتزام الديني قال الرسول الكريم صلى الله عليه وسلم فيما معناه زوجوهم فقراء يغنهم الله هل ترى أن في إنخفاض المهر انتقاص للمرأة اذا كان كل صديقتها مثلا مهورهن ب40 وهي ب20 الف ؟ لا ارى في ذللك انتقاص فهي امور شكليه والاهم التوفيق هل تؤيد تحديد المهر على حسب وظيفة الشاب فالدكتور مثلا تحدد له مهر والمعلم مهر يختلف عن الاخر ؟ من يحدد هنا العائلات مثلا او المحكمة انا اايد هذا التحديد فما ذنب من راتبه لا يتجاوز الثلاثة الاف ان يكون بنفس التقييم مع من راتبه عشرة الالف مساحة حرة أترك التعليق فيها لك او اذا اردت اضافة نقطة تضيف للموضوع فالخيار امامك هنا اطالب كل شاب ان لايبالغ بطلباته مثلا اريدها فائقة الجمال<<طيب انت شفت وجهك بالمراية:d والجمال جمال الروح والطبع والاخلاق الجمال الخارجي سيذهب مع الزمن ولكن سيستمر الطبع والاخلاق معك طول العمر واظفر بذات الدين تربت يداك كما قال رسولنا الكريم صلى الله عليه ولم كذالك البنات لاتبحثون عن رجل غني او موظف راتبه عالي بغض النظر عن اخلاقه وطبعه فلن تنعموا معه براحةوممكن يخسر تجارته او وظيفته ويبقى لكم الطبع السيء والاخلاق الرديئة فالاعتدال مطلوب والبحث عن الاخلاق والالتزام الديني الصحيح مطلب مهم فدينه يردعه عن الافعال السيئة ويجبره على احترام الحياة الزوجية والاهم هو الاخلاق الحسنة فانك ستجد من يلتزم بالدين ظاهريا ولكن اخلاقه سيئة او طبعه سيء وتجد من لايلتزم بالدين ظاهريا وتجده يقيم الاركان والواجبات ولكن لا تجده ملتحي او مقصر لثوبه ولكن اخلاقه عاليه اسف على الاطاله |
إقتباس:
بالنسبة للفحص والكلام الفاضي ذا يارجال ماعقبوا شيء الا ومنعوه وبالنسبة للسعوديات وطلباتهن خلني ساكت لاتطب علينا بنت من بنات المنتدى تبهذلنا :d الا والله شغلاتهن شغلات مايقدر عليها آدمي شوي للسوق وشوي لأهلها تقل سواق :d من غير الطلبات التعجيزيه اللي لو تنفذها تفتح محل اكسسورات وأزياء بالبيت :d بسبب الزواج يالغالي صدقني هناك اشخاص اعرفهم مدينون بأموال قد تنتهي بهم للسجن ووقتها مرتك بتربي الولد وبيكبر وبيسألها ماما وين بابا وش بتجاوبه في السجن ماسدد أقساط مهري لجدك والله ونعم بجدي سجن ابوي عشان الفلوس :d |
إقتباس:
نورت يالغالي والله يعين ومشكور على هالتواجد عسى البرد كان هين عليك |
إقتباس:
|
إقتباس:
هلابك يالغالي ونورت الموضوع |
إقتباس:
تدرين وشهي " حق السمية " يعني مع المهر 10 الالاف حق سمية البنت طيب وش دخلني في سميتها انا بتزوج سميتها ولا بتزوجها هي بقية العناصر وجهات نظر احترمها واقدرها وشكرا على المرور |
تم تعديل الرد :D |
| الوقت المعتمد في المنتدى بتوقيت جرينتش +3.
الوقت الان » 08:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd