|
إقتباس:
|
شوف بصراحه بالهوقت انا مع غلاء المهور كل شي انت لم تبي تاخذ بنت تبيها على الأقل الليله الأولى احلى حاجه وبكامل زينها اعتبرها زي السياره لما تبي سياره حلووه ومعرف ايه بتدفع تبي تتزوج ادفع وبصراحه كل شي غالي يعني كم بتدفع اقل شي ممكن 20 الف او 25 الف ترى وربي ماتسوي شي انا مهر اخوتي 25 الف هي دفعت لانو بصراحه ماسوى شي تحسبو المهر الوحده تحطو بجيبها لا يبابا المهر الوحده تضبط بو ليله عرسها وهي تضبط لزوجها |
لازم نعرف قبل كل شي إن المهر عشان تتجهز البنت يعني الفلوس اللي دفعها الزوج بيستفيد منها إذا كان والد البنت مقتدر ويقدر يجهز بنته ما أشوف فيها شي لو قلل المهر بشرط إنه يزوج بنته رجال يستاهلها ويضمن إنه بيسعد بنته لكن إذا ما دفع الزوج المهر والأبو ما يقدر يجهز بنته البنت من وين بتتجهز لزواجها !!! شخصيا أشوف إن المهور من 60_40 ألف معقولة وأكثر من كذا مبالغة |
جاكم الليبرالي +_+ الحين ليش كل هالدوشة عشان المهور بس !! ياخي المشكلة مو في المهور المشكلة لما تتكلف وتدفع على شيء انت ماتعرفه بس مجرد وصف من أمك وأختك لتلك البنت وبالتالي ممكن ماتطلع على اللي في بالك أو يطلع فيها عيب انت ماتقدر تكمل حياتك معها ، ثم تروح فلوسك سبهللا ! ودي اتكلم عن قضية معرفة الناس لبعضهم قبل الزواج لكن ليس هنا مجالها . والمهور معقولة ولكن الغير معقول دفع المهر بشيء ماشفته !!!!!!!!!!! وتقبلوا تحياتي ،،،، |
أخوي مهند في شي النظره الشرعيه وهذا من حقك انك تشوفها يعني ماراح تشتري شي عمياني |
سراب الهلال أتفق معك فيه نظرة شرعية لكن بمجتمعاتنا وين احصلها نادراً تحصل أحد يسمحلك بالنظرة . وياخي قبل كانوا يتواجهون ويتكلمون مع بعض من دون الخضوع بالقول أو إبداء الزينة وبكذا راح تعرف أخلاق البنت وحتى هي تعرفك ، وأيضاً راح تعرف اسلوبها مثلاً هادية أو غثيثة أو عاقلة أو حتى لو كانت خبلة مو يجيبونها بالحفلة ويرزونها قدام أمهاتنا وأخواتنا وأحنا نتوهق فيهم . ياليت أكون وصلت المعلومة اللي في بالي ..... وتقبلوا تحياتي ،،،، |
اخوي انا بنت مو ولد بعدين اللى فهمتو انو ممكن من الحياء ما تعرف الحقيقه صح ممكن تتصرف عكس شخصيتها بس الأكيد انت ماراح تتزوج الا وحده اهلك يعرفونها ما بيزوجوك وحده من الشارع الهم شي ان شكلها يعجبك والنظره الشرعيه مايصير تحط فيها ميك أب وانت راح تعرف سلوكها واسلوبها في فتره الملكه |
آسف والله من الاسم حسبتكي ولد ،،،،، عذراً عليكي نور الحين امهاتنا وأخواتنا متى يقابلوا الفتيات أكيد بالحفلات والمناسبات يعني تكون البنت مظبطة عمرها وأنواع الميك أب وبرايفت أنواع التركيبات والمشدات يعني تزييف وتدليس ولما تقابل الأم البنوته الأمورة هذي تحصليها تقول بس هذي لفلان وتخطبها حتى يمكن بدون ماتشاور . وبالنسبة كون أنني اعرف اخلاقها بعد الملكة يعني ماستفدت شيء بعد الملكة اذا مارغبت فيها راح يكون طلاق لأن الملكة تعني الزواج الشرعي . وتقبلوا تحياتي ،،،، |
عادي اخوي صح البنات الوحده قبل ماتروح مناسبه الا وحاطه كيلو من الميك أب بس امك مابتزوهم في البيت؟؟ أختك ماشفتها بالمدرسه او الكليه؟؟ أكيد في احد شافها على طبيعتها من الأهل ولو يعرفون انها مابتصلح لك اكيد راح يتكلمو ومايسكتو اكيد شوفها ولو مره وحده بدون ميك أب |
بعطيكي سيناريو دائما يحصل راحت الأم لحفلة وحده من الربعات ومن ثم شافت البنت بعدها دقت على أم البنت وزارتهم في البيت وسألتها كيفك يابنيتي ترد بصوت يالله يطلع من النعومة فل نقل أنها مصطنعة أو من الحياء : بخير الله يسلــ ماطلعت آخر الحروف من الأدب اللي يقوطر منها قررت الأم خطبتها للولد ، توهق الولد وطلعت وحدة مو على قد الوصف . ملحوظة : بكل الحالات اللي الأم تشوف البنية فيها جمال يطش الطير من الطيارة ولكن بعد الزواج حتى الأم نفسها مصدومة بالشكل قبل وبعد ! أتمنى أكون وصلت المعلومة بصراحة يبيلها موضوع لحاله وتقبلوا تحياتي ،،،، |
سؤال انت ليه معقدها كدا؟ اكيد في احد بيجيب الخبر اليقين طيب استمرت بالتمثيل على الأم مارح تقدر تمثل بالمدرسه طول سنين الدراسه بتمثل وعلى فكره التمثيل بيوضح وسوري الموضوع غلاء المهور |
إقتباس:
بعدين وش سالفة احلا حاجه يعني بالفلوس بتصير احلا حاجه أكيد اذا بالفلوس بتصير حلوه خليها تجلس بالبيت :d بالنسبة للنقطة للأساسية اما المهر ماعتقد ان الوحده بتضبط نفسها ب120 او 60 ألف لية بتركب كفرات لكزس على قولتك سيارات .:d شاكر لك على المناقشة والطرح الجيد |
إقتباس:
في نقطة يالغالي طرحتها وهي انو مقتدر ياخي في ناس مقتدرين وعند زي اللي بجيب الشاب مليون مره ومع ذلك مايرحمك ويخفف المهر عليك:d شاكر لك يالغالي ونورت الموضوع |
إقتباس:
الا اذا تبغا تشوف كل شيء :d فهذي كثر منها لانك مابتشتري سيارة وتروح تقلبها وتمشيبها اذا ماعجبتك بتردها . |
نرجوا الإلتزام بمسار الموضوع وعدم التطرق لمواضيع جانبية فرعية فالمواضيع بهذة الأمور كثيره ولانريد الخروج عن النص الأساسي وهو غلاء المهور |
| الوقت المعتمد في المنتدى بتوقيت جرينتش +3.
الوقت الان » 02:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd