السلام عليكم ورحمة الله وبركاته

أنا ساكن في حفر الباطن
والأعتزال يوم الأثنين
والختبارات يوم السبت اللي بعده
وش الحل أنا أبحضر المباراة
هذا معشوقي أنتظر اللحظة هذي وفي الأخير تطلع بالأختبارات
عطوني حل تكفون

تحاول تذاكر بدري
وإذا ما تقدر
مصلحتك اهم من الحضور

والله مصلحتكــ يا اخوي اهم

المباراة يوم او نص يوم وخلاص تنتهي

لكن تركك للاختبار يكلفك كثيــــــــــــــــــــــــــر

والله يوفقك

وصر زينا نتابع من بعيد لبعيد ما في اليد حيله

مصلحتك اهم محد راح ينفعك

يا اخوي انا عندي اختبار الثلاثاء في الكلية

وطبعا ما راح احضر المباراة لمصلحتي

مع انه كان ودي احضرها لكن الشكوى لله

وللمعلومية انا بالرياض اخوي مو بحفر الباطن....

بلا اختبارات بلا هم سامي هو لاهم

حاول تذاكر بدري

من الحين حاول تخلص بعض المواد حقتك لو تبدا من اليوم الى يوم الاحد وتعطي نفسك اجازه يوم الاثنين وتكمل من يوم الثلاثاء ان شاء الله تبي تقدر تذاكر زي


<<<<<<<<<<<<عندي اختبار السبت والارعاء وسامي يوم الاثنين يعني بالوسط مو مثلك باقي اسبوع

المبـآرآة يمديك عليها بالتلفزيون

..

ووالله إن إختباراتك أهم .. لا مباراة ولا كوره ولا غيرها بتنفعك

يارجااااااااااال فلهاااااا وربك يحلهاااااااااااااا

انا من عرعر 1200 كيلو

وعندي اختبار السبت وبروح للحفل

هههههههههههههههههههه

الله واكبر عليك ياسالم

ماهذا العشم فيك

انت توك ببداية المشاور الجامعي
واعتزال سامي ماراح يحدد مصيرك ولاراح ينفعك

اترك عنك هالخرابيط وهالله هالله بالدراسة

انت وعدتنا انك تجيب معدل عالي وتدخل الهندسة


يالله نبي الوعد يابعد حيي


والله ياليتني بالحفر بلا مباراة بلا هم

ذاكر دروسك أول بأول تنجح وتصير الأول

اضغط على نفسك وريح الاثنين هاذي مبارة بتصير من ذكرياتك كم مرة بيجي مانشستر وكم مره بتشوف سامي يلعب

لوني مكانك مافكرت حتى أطرح هالموضوع

أكيد الدراسة والإختبارات أولى من كل أنواع الرياضة

يمديك تذاكر(مصلحتك ؟أهم شي)

والله بكره سامي ماهو بعطيك الدرجات والا الوظيفه والتلفزيون أصرفلك
عــــــــــــاد حنا مالنا عذر ياأهل الرياض