|
الــــطــــف يــــا لــــــطــــــيـــــف -8 بـــحـــــايـــــل مــــواصــــيــــر بيــــتنا تكـــــسرت . قصتي بعد الدوام سلام البرد والمواصير :d برد بحياتي انا الرحال لم ارى بحياتي قط مثله ..... بلا فصيح بلا هم متـــنا من البــرد s46s ماابي اطول عليكم البارح الساعه 2 دخلت لدورة المياه لقيت الماء متجمد ما أبي افصل بالمسأله لكن لقيت المواصير متجمده والماء ما ينزل بعد ساعه من التنقل بين دورات المياه انتهينا بتسخين الماء بالمفواحs27s المهم نمت بالدفايه الزيتيه والمكيف وبردانـــــ s54s صحينا لصلاة الفجر ونفس المعاناة , تيممنا و صلينا عجزت لا أغفي بعد الصلاة من البرد ودرجة الحراره بالسياره وانا رايح للدوام -8 جاني اكتئاب وانا اسوق السياره وقشعريره بالاثنى عشر :razz: المهم الطلاب وضعهم خلها على ربك كل الحصص خليناها بالشمس بيني و بينكم خفت على الوالدين من البرد واتصلت على الوالده الساعه 9.30 تقريبا قالت الى الآن الماء متجمد بعدها بساعه الا ربع اتصلت علي الوالده قالت ماع الثلج وكل مانا بالشارع لأن المواصير تكسرت بسرعة البرق اتصلت على السباك قلت المواصير تكسرت قال أنا مشغول أكثر من بيت فيه كسر ماصوره s81s خير ان شاء الله وانا اطلع للسوق وادور على سباك ما لقيت قالوا اليوم سوقهم كل المواصير متكسره استعنت بالوالد اتصل على سباك يعرفه جانا حصل الدينمو منكسر من تجمد الماء وماصوره بالسطح صلح لنا المواصير وراح بعد هذا كله أما آن للدوام أن يؤخر :no: وكل ماصوره وانتم بصحه وعافيه تحياتي الرّحال الأزرق |
ياساتر الله يعينكم اخوي الرحال الازرق |
ياستار ياعليم :bigeek: والله الـبرد الي جانا أول مره يجي:bigeek: ينهش العظام نهشا ولا تهون المواصيـر:smilie47: أعانكم الله والله إني افكر بالفقراء الي ماعندهم لا دفايات ولا فروات وبيوتهم ماتدفيهم الله يعينهم يارب., ثانكص اخوي على قصتكم المثيرة ورده |
من مصـآدر موثوقة << الشياب : البرد الي حل على المملكة بـ شكل عـآم غير طبيعي أبداً ومـآ قد جـآ مثله . . الله يكفينـآ شر هـ البرد ! إقتباس:
لآهنت يـ الرحّال . . والله يعينكم ويـآجركم ورده فمـآن الله . . |
من جد برد هذي السنة غير والله يكون في العون |
- اليوم سمعت اغلب جيراننا صار لهم مثل هالسالفه .. تجمد الماء داخل الماء صار عندنا شي طبيعي .. طبعاً حنا بالحدود الشماليه ."رفحـاء " . لكن الغريب تكسر المواسير خاصةً " مواسير الحديد " ..! حنا الحمد لله مواسيرنا ماهي حديد عشان كذا جتها سلامه .. يعني سالفة تجمد الماء شي طبيعي .. تقوم الصباح مافي ماء وسيارتك كلهاً ثلـج " صقيـع " ..! . الله يكون بالعـون إن شاء الله ... وكأني قبل شوي سمعت بالاخبار نزول ثلـج على منطقة الرياض ياليت أحد الاخوان يفيدناً .. |
الله يعينكم والله.. اجل يا حلو بردنا إنا اهل الرياض .. صحيح انه برد بس ما تكسرت المواصير :D إقتباس:
والله حراام عليهم انهم شالوا الدواام الشتوى .. ولا الولد إلي مات في الطابور الصباحي من البرد .. {{ بـ النسبه لي ساحبه على المدرسه اليوم الثلاثاء وبكره الاربعاء }}:D وانصحكم بالسحبه معي تراها حلوه وترى البيت دافي :D |
حنااا 6 وميتينـــ برد.!!!!!!:smilie47: :d |
الله يعين اهل حائل واهل الشمال كلهم على هالبرد حنا في الرياض ونبي نموت وياحليلك يا بنت الزعيم مسويه حبه ونص انا لو دوامي بالجامعه الصبح كان ما فكرت اصلا اروح ابد اغيب لأسباب اتفه من كذا الحمد لله ان دوامي مسائي والله يعين هالبزارين الي عندهم طابور صباحي الى الحين ما تطورنا |
وعليكم السلام ورحمة الله وبركاته الله يعين على هالبرد آآآآه بس يازين الصيف إقتباس:
الى العصر والثلج ما ذاب بس المفروض يعطلون للطلاب خلاص المناهج وختمت وحضورهم موضروري وخاصة الابتدائي مايتحملون البرد اخي الرّحال الأزرق يعطيكـ العافية وكل دينمو احترق وانت بخير:d <<<<<< تبي تعلمكـ ان دينموهم احترق |
يازين البرد ازين مابالشتاء اني البس ثوووووووووب صوووووف<<<<من السنه الماضيه فصله ولا لبسه تقبل مروري يالغالي |
20الامبراطور20 حياك وأعاننا الله واياكم هلالية من زمن آخر اي والله الله يعين الفقراء لكن لهم الله نور الموضوع s27s كان هنا كنت ولازلت هنا فمان الكريم أحدالزعماء حيـــــــــاك Bnt alzaeem لا وأمس بالعربيه موجة برد بالرياض وحالتهم حاله والدرجه 2 هذا اللي قهرني أمس وحنا تجمد المويه ولا أحد لمنا لكن لنا الله :d دمتي بود وترى الغياب يعودك على الكسل >>>>> ياحظك:upset: |
هلالي في مانع ايه كلن يغني على ليلاه امي ولدتني هلالي الله يعين الجميع جنـــ الزعيم ـــى يعني الحين نقدر نقول اصير دينمو يا شيــخ :d بعدين احمدي ربك تخيلي انك دينمو بحايل :laugh: ازرق+ابيض=عشق الهلال حياك تقطعه بالعافيه |
يوه كتبت رد طويل وراح الزبدة احنا نروح لمدن الثلج بالصيف ودرجة الحرارة فيها اربعة تحت الصفر وماعندنا مشكلة نلعب ومبسوطين ليش اذا جت صفر نتجمد !! احنا مقنعين انفسنا انه برد ولا والله الجو أحلى مايكون محتاج شوية لبس كأنك بتدخل وتلعب بالثلج وتقبلوا تحياتي ،،،، |
جميد يا رجل مشكور اخوي والله يكون بالعون تحيتي |
االله يعينكم بس |
اوكيه عندهم برد لكن رطب أنا شخصيا رحت للشام والاردن ثلوج وبرد لكن مو زي بردنا ناشف بالعظم يعني بجامه بنيه وتدفا :d لكن هنا فروه و بجامه وكوت وشماغ وطربوش وبردان اي يا قلبي :smilie47: تحياتي |
لا حول ولا قوة إلا بالله ، الله يكون بعونكم.. حنا بالرياض ذبحنا البرد ودرجة الحرارة عندنا يقولون 1 تحت الصفر ، وشلون عاد إذا وصلت 8 ! بالنسبة للمواصير ياغالي، إذا كان عندكم خزان وتسحبون منه بالدينمو فاقترح عليك تسكره بالليل ، الشكوى لله ! ، أو قفل الحنفيه اللي توصل الماء لدورة المياه-أعزكم الله- أما سالفة الطلاب الصغار بالذات فالمفروض يخلون دوامهم عقب الظهر ، وما راح يضر دراستهم خصوصاً وإنهم بآخر الترم.. متى نوصل لمرحلة يكون فيها تدفئة مركزية داخل المدارس؟؟ >> عطون جوي وخلون أتمنى على كيفي:d |
ياساتر -8 :bigeek: ولا يهون برد الرياض وربي تجمد :stoned: بس وربي ان البرد فله :smilie47: صحيح انك تتعب من كثر ماتلبس بهالبجايم :wallbash: والنهايه يطلع شكلك يفطس ظحك:wallbash: بس في النهايه والله فلللله :d >>وش تبين انتي :d الرحال الله يعينكم على بردكم وعلى مواصيركم اللي عندي احساس انها بتتغير للمره الثانيه :d |
الله يعدي الاسبوعين عندنا اختبارات والبرد متلاعب فينا |
إقتباس:
مع العلم اننا فاصلين الكهرب عن الدينمو من الساعه 9 البارح مجرد ما جاء الصبح الا وهو منكسر والله معاناة هنا 50% من اللي اعرفهم تكسرت المواصير بالاستراحه نفس الحكايه منكسره بعد :upset: يعني حتى الدينمو ما سلم وانا داخل للبيت المويه متجمد بالشارع , المغاسل متجمده الحاله كئيبه .......... النوافير بالشوارع متجمده والله معاناة الله يعديها على خير الله يلطف بنا وبالمساكين خصوصا مالهم ولنا الا الدعوات:upset: بعد هالبرد يجيك مدير و وكيل متخلفين يقولون للطلاب اللي يغيب خصم درجتين وطلاب ثانوي :nono: قاتل الله الجهل المسأله أكبر من تعليم المسأله صحة وحياة بشر تحياتي لكل من مر وعلق |
لليوم الثالث على التوالي "اليوم الخميس" تتكسر المواصير في بيتنا وتجمد الماء المحفوظ في سطول للاحتياط !!! الشجر مات واقفا في بيتنا !!! الحمدلله على كل حال توقعت الرئاسة العامة للأرصاد وحماية البيئة أن يكون طقس اليوم شديد البرودة وقارساً خلال الليل على مناطق الشمال وأجزاء من مناطق غربي المملكة ووسطها، إذ من المتوقع تكون الصقيع على تلك الأجزاء في ساعات الليل والصباح الباكر وسماء غائمة جزئياً على مناطق جنوبي المملكة وتقل تدريجياً فرصة هطول الامطار على مناطق جنوبي المملكة غربيها، بما فيها المرتفعات، حيث يقتصر ظهور السحب الركامية عليها في فترة المساء، كما يتكون الضباب على المرتفعات الجنوبية الغربية خلال ساعات الليل والصباح الباكر. وتنشط الرياح السطحية على أجزاء من مناطق شرقي المملكة وغربيها قد تحد من مدى الرؤية الأفقية، خاصة على الجزء الأوسط من الساحل الغربي فترة الصباح الباكر. وبينت الرئاسة ان درجات الحرارة العظمى والصغرى المتوقعة لهذا اليوم على النحو التالي: مكة المكرمة 29- 17، المدينة المنورة 13- 4، الرياض 9- 3، الدمام 12- 7، جدة 27- 16، أبها 17- 8، حائل 8- "-2"، بريدة 10- 3، تبوك 9- "-4"، الباحة 17- 10، عرعر 8- "-4"، سكاكا 8- "-3"، جازان 31- 22، نجران 28- 11، رفحا 9- "-2"، القريات 6- "-5"، العلا 9- "-2"الرس 11- 2. |
| الوقت المعتمد في المنتدى بتوقيت جرينتش +3.
الوقت الان » 05:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd