عجبي!! من صنع لنا الفرح بعد الله نبخل عليه بالحضور والله غريبة بسم الله الرحمن الرحيم لفت انتباهي الكثير من المواضيع اللي تشكك في الحضور لمهرجان أو لكرنفال اعتزال الأسطورة التي لن تتكرر في ملاعبنا (سامي الجابر) ومازاد استغرابي أن الكثير يعترض على قيمة التذاكر ويقولون غالية ومدري أيش وأنا هنا بس أطرح تساؤل بسيط وبسيط جداً لكل من يغلي قيمة التذكرة ويربط حضوره بتخفيض قيمتها * هل بخل علينا سامي في يوم من الأيام بجهده في الملعب * هل ساوم سامي الزعيم وحاول أن يملي شروطه وهو في قمة عطاءه مثل بعض اللاعبين * هل تقاعس سامي يوم من الأيام في أداء واجباته تجاهنا وتجاه الزعيم *من أفرحنا وضحى لعيوننا بعد توفيق الله * من بيض وجيهنا في المحافل الدولية بانتمائه لنادي الهلال هالشخص اللي ماقصر نجي نقصر معه في يوم تكريمه!! نقصر معه علشان قيمة التذكرة يشوفها البعض غالية!! ياناس قيمة التذكرة والله أننا نصرفها في أشياء لاتذكر ويمكن مالها لازم ويمكن في ثواني وانت عند البقالة يعني قيمة عادية جداً وبعدين تعالوا ياحبايب قلبي !!!!!!!!!!!!!!!!!!!!!! ياناس الفريق اللي جاي مانشستر يونايتد ياعالم هذا مانشستر مهوب أي فريق فريق نجوم وفريق بطولات وفريق من أفضل فرق العالم يعني والله يستحق هالفريق واللي جابه أننا ندفع عشان نستمتع باللي بيقدمونه لنا مع زعيم أسيا ياشباب ياللي تطالبون بتخفيض قيمة التذاكر أنا متأكد لو أن الأمر يرجع لسامي كان ماقصر لعيونك مثل ماكان يسوي قبل من تعب وجهد عشان يفرحنا بس الدعوى عند موبايلي وموبايلي شركة هدفها الربح مالها خص يحضر أحد أو لا أهم شي قيمة التذكرة عشان كذا تكفون يالربع مانبي سامي يودعنا متضايق نبي نكرمه مثل ماكرمنا وتكريمه بالحضوووووووووووووووووووووووووووووووووووووووووور وأنا متأكد ومتعشم بالله خير ويكفي أن اللي بيعتزل وبيكرم هو سامي الجابر. أتمنى أشوف الاستاد غاااااااااااااااااص بالجمهور لأن المحتفى به يستاهل وسلامتكم. |
أتشرف بأني أول من يرد على موضوعك الأكثر من رائع .. وفعلاً سامي يستاهل .. وأصلاً الملعب بيمتلي سواء جماهير هلاليه أو غيرها .:clap: |
اااااااااه يا حر قلبي على فرقاك .. الله يوفقك سامي .. |
الشرف لي ياحبيب قلبي وتسلم على المرور |
كلنا أختي الجوهرة محترقة قلوبنا على فراقه الله يحفظه ويخليه ويوفقه تسلمين على المرور |
الله يوفق سامي وان شاء الله حاظر يستاهل سامي |
الف شكر على مرورك وتسلم على حضورك تحياتي لك أخوي أزرق وابيض |
انا متفائل خير وانا ابي احضر انشاء الله وعاد الله يهدي سامي من 60 الى 2000 ريال تبي الصدق غالية |
والله أنا أخالف الرأي أخوي الشهري ياخي فريق عالمي ونجم لامع مثل سامي نستكثر عليه 60 ريال والله أنا أشوف السعر عادي جداً |
سنحضر مهما كانت الاسعار |
إقتباس:
|
آآآآآآآآآخ من بعض الجماهير التي تقول انها تنتمي للزعيم وتستكثر 60 ريال على سامي.,,,.. يعطيك العافيه..,, |
انشالله انا اول الحاضرين ... الي يقول التذكره ب 60 ترا 60 ورا المرمي والواجهه ب120 صراحتن انا ابيالواجهه ورا المرمى موقع ماله داعي عشان كذا لو خلاها كلها بستين كان افضل |
أنا في راي أن التذكره غاليه لإن الراعي والي راح يستلم قيمة التذاكر هي موبايلي المفروض يكون لهم جزء في تكريم سامي وذلك بتخفيض قيمة التذاكر |
سامي يستاهل والكل بيحظر ان شا ءالله |
الوقت المعتمد في المنتدى بتوقيت جرينتش +3.
الوقت الان » 08:34 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd