ملاحظة ..(( فهد المفرج)) مساء الخير جميعا بعد متابعه دقيقة للمواضيع اللي كتبت عن اللاعب المبدع والمهضوم حقه فهد المفرج سواء من مؤيدين للبقائه او معااارضين.. تبين ان الموؤيدين يملكون اسلوب الحوار والنقاش المنطقي والنظرة الصحيحة وادب وذوق واغلب المعارضين للأسف الشديد العكس!! همجية وسطحية ونظرة ضعيفة وسب وشتم وشعارهم دائما الأصطياد في المياه العكره .. ولي يبي يتأكد يرجع للمواضيع والردود وراح يشوف الفرق بين الأثنين.. وهذا دليل ان مؤيدين اللاعب من العقلاء الناضجين .. والمعارضين من غير تعميم من صغار السن وهذا واضح من شخاميطهم وخنبقتهم يعني بلعربي من طقة ((مع الخيل يا شقراء)) ؟! انا ما جبت شي من عندي راجعو الردود والمواضيع وراح توضحلكم الصوره تحيااتي للعقلاء فقط |
بالعكس ياخوي انا ارى ان المدافعين عنه هم السطحيين اما المهاجمين فتنقصهم الاسلوب فقط وتبي الصراحة ما الومهم ولا الوم المفرج الوم من يفرض المفرج على التشكيلة الاساسية انظر ماذا عمل الاتحاد ودفع دم قلبه لكي يبقى المفرج اساسي في الهلال خربو صفقة هوساوي فقط حتى يستمتعو بمنظر المفرج في الهلال والله اني احب المفرج واتمناه اساسي ولكن ليس في الهلال ولكن في الاتحاد او الاهلي او النصر حتى يبدع مهاجمينا ونستمتع بلقطات فنية نادرة النصر الذي كان مضرب المثل في تجميع الكديش تخلص من ممن يفوقون المفرج في المستوى انظر الى دفاعهم ودفاعنا , كنا في السابق نستحمل المفرج رغم انه ساهم كثيرا باحزاننا ولكن الان مع عدم وجود اظهرة يعتمد عليها فالوضع لا يحتمل , وانتم بمجاملتم وعواطفكم ستساهمون في ان يصبح الهلال مليء (بالمفرجين) كما كان النصر على مدى 10 سنوات مضت.... |
نظر ماذا عمل الاتحاد ودفع دم قلبه لكي يبقى المفرج اساسي في الهلال خربو صفقة هوساوي فقط حتى يستمتعو بمنظر المفرج في الهلال خيالك واسع جدا |
اخوي كلامك صحيح ميه بالميه اليوم المفرج غلط وتفاريس غلط والذياب انامي غلطوا بس ماحد شب عليهم زي المفرج لازم اي مباراة حتى وحنا فايزين السب بالفرج اليوم شفت المباراة بكفي شوب فيه الكبير والصغير اي شي يصير الصغار تلعين وسب بالمفرج واحد كبير جايب ولده معه وعصب على واحد شباب صغير بس يلعن ويسب حتى وصلت تلعين الام قام الرجل قال الهلال فايز وانت ماتستحي تلعن لو مهزوم وش بتقول لاعاد اسمعك تلعن خلك رجال وخف ربك واللي مسوي الشتالي يقول المفرج والخثران والدعيع المفروض يمسكونهم الباب |
إقتباس:
|
أنا من المؤيدين لجميع نجوم الهلال والله لو أن هناك لأعب لا يصلح للهلال سيتم أبعاده من قبل المدرب والأدارة ولكن على الجميع عدم التجريح في اللاعبين ....... |
إقتباس:
|
يعطيك العافيه اخوي سامي 9 كلام بالصميم . المشكله من الجماهير الي على قولتك غير مؤيده للمفرج واتوقع والعلم عند الله انهم حاطين الموضوع الي عن المفرج قبل المباراة !! يعني جاهزين لاي زله على المفرج وبعد المباراة يسوي بعض التعديلات على موضوعه وينزله لك هنا !! صدق ناس همها الوحيد ليه المفرج سوا كذا وليه المفرج حك راسه !! ... لكن لو ابدع المفرج اتحداهم يكتبون موضوع او على الاقل رد يثنون عليه !! والله ماضيع لاعبين الهلال وخلاهم يفقدون الثقه بأنفسهم الا جماهير الحش وتتبع الزلات . بالتوفيق لابو عبدالله (( المفرج )) |
إقتباس:
|
والله مايقصر ولاتنسو هو الي صنع الهدف الثالث |
(( لكل جواد كبوة )) .. ولكن البعض غير القاعدة .. وبدلها لـ (( كبوة المفرج بـ 1000 كبوة )) وأضافوا على ذلك .. (( ياسر أنت تخطي ماتخطي .. ماراح تلقى الا الكلمة الحلوة )) أتمنى الإنصاف بين اللاعبين ,, |
ملاحظة : شاهدوا مباراة الهلال والوحدة ... وأسألوا أنفسكم .. من صنع هدف المؤشر .. ؟؟ |
إقتباس:
|
إقتباس:
سؤال واحد ومالقيت له اجابه؟ مباريات الهلال ماتشوفنها وتشوفون المفرج وش يسوي انا معكم كل لاعب لازم يغلط تفاريس امس غلط ونامي غلط بس مو زي المفرج المفرج اغلاطه بالهبل ولا ماهي اي اغلاط اغلاط قاتله |
اغلاط المتفرج اهداف يعني نضيع بطولات لعيون لاعب كديش |
أخوي أنطونيو : لا تنسى أن تفاريس أمس مرتين تلمس الكورة بيده من مكان قريب . والحمد لله أن الحكم ماشاهد الكره وهي تلمس يده .. أختلاف الآراء لا يفسد للود قضية |
يااااااااااااااااااااااااااااااااحبيبي وسع صدرك واحنا مب همجيين ولا نسب احد واتحداك اي عضو شارك في المنتدي سب المفرج او جرح في شخصيته لان المشرفين ماراح يخلوه هذا شي اما اشي الثاني المفرج خلاص لازم يترك النادي ما قصر ولاكن ما نلوم المفرج نلوم الواسطااااااااااااااااااااااااااااااااااااااااااااااااااااااااااااااااااااااااات بكل اسف ارجوك ان تتقبل مرررررررررررررررررررررروري وردي وسلامتك من عيون الحسااااااااااااااااد |
أنا أنسحب عن النقاش بعد كلمة (( واسطات )) .. المدرب كوزمين ماجابوه من دوري أبطال أوروبا علشان يفرضون آرائهم عليه .. ترى مستقبله أهم عليه من مستقبل الهلال .. |
اخوي mr.1 هذي الحقيقه تذكر المدرببسيروا كان حاط المفرج احتياط وكان وقتها لعبنا 12 فزنا في 9 وتعادلنا 3 (هذا اللي اذكره) ومع ذلك اقالوه ورجع الاحمد وبذلك رجع المفرج |
دليل انك عاقل تدافع عن لاعب لان يقبله حتى دوري حواري .. اين مستواهـ الفني لاعب لايمتلك مايقدمه ..!1 |
تبون الصراحة أنا أرى فيما يراه النائم :d لو كل واحد مننا يدرب الهلال يوم كان أصرف واللي ما أقتنع باالمفرج ينسقه ... واليوم الثاني لو درب الهلال شخص مقتنع بأداء المفرج يرجع يسجله وهكذا ... دواليك :razz: يا ناس خافوا ربكم والله ثم والله إن المفرج أحسن من المرداسي محترف النصر وياليت تراجعون أخطاء المرداسي ((( اللاعب الدولي ))) مع النصر وكم هدف دخل مرمى النصر بسبب سوء تغطية المرداسي للمهاجمين وسوء تمركزه وهمسة : سواء كنت تحب المفرج أو تكرهه دورك ينحصر في التشجيع والدعم .. والنقد ( الهادف ) بعيدا عن التجريح صوره مع التحية لكل من هاجم المفرج أو أي لاعب في الهلال |
أنا أشكركم أولاً وأخيراً على الأسلوب الحواري اللي صراحة تتمتعون فيه .. وتخلون الواحد يستمتع بالحوار معكم نعود للحوار .. كوزمين .. اتي من نادي بوخاريست من دوري أبطال أوربا .. ولا يعرف مسمى واسطة ولا يعرف مسمى مسؤول .. يعرف أنه هو المسؤول الأول والاخير عن الفريق داخل الملعب ومثل كوزمين .. ترى مو صعبة عليه انه يقول أنا أبي أرجع لدوري ابطال أوروبا .. هو يعرف ان دوري أبطال أوربا أقوى من الدوري السعودي .. ويعرف أن من حقة فرض قراره على الجميع .. وهذا ما فعلة .. فلن يخاطر بمستقبله من اجل (( واسطة )) .. وأرجع وأقول .. أحييكم على الروح الحوارية اللي تمتلكونها .. |
إقتباس:
:clapping::clapping::clapping: أحيييك |
إقتباس:
فعلا كلامك صحيح لا وجود للواسطه بالفريق ومثل هالكلام عفى عليه الزمن وشرب ! وكثير من الجمهور مشت عليه هالأسطوانة واصبح يردد كلمة (( واسطه)) من غير دليل ولا برهان مجرد بعثرة كلام لا اقل ولا اكثر |
للعقلاء فقط |
إقتباس:
وهنا نقول وداعا للأنصاف واهلا وسهلا بظلم والأجحاف؟؟؟ |
الوقت المعتمد في المنتدى بتوقيت جرينتش +3.
الوقت الان » 01:16 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd