(( هيبة الزعييييم ضاعت وصار الكل ما يهاب قوته زي زماااان ويرحم أيام زماااان )) - نادي الهلال السعودي - شبكة الزعيم

هلالي طموحه عالي · #1 13/01/2008, 01:37 AM

قبل كل شئ مبرووك الفوز اليوم على الوحدة لكل الزعمااااء والحصول على الترتيب الثاني ( مؤقتاً ) وعقبال الـصدارة والمحافظة عليها بإذن الله قريباً وصراحةً أنا ما تابعت المباراة فقط شفت الأهداف والمستوى ما دري عنه بس ليللو كأنه تحسن مستواه وصار يسجل والمهم الثلاث نقاط ( والنتيجة المقرونه بالمستوى الجيد ) ، وأقـول خيرها بغيرها صفقة ( هوساوي الوحدة )

اللي من أولها ضباب وغموض ومشاكل وكره من بعض أعضاء شرف الوحدة للزعيم وسعيهم لتحويل الصفقة للإتحاد وأولهم خوقير مدير الكرة في نادي الوحدة اللي كان يبي ( حلاوة ) إنتقال الهوساوي للإتحاد ولكن حلمه طار ، والمقابلة اللي كانت معه ليلة توقف المفاوضات قبل إجازة الحج تبين قهره من توقف إنتقال الهوساوي للإتحاد ليس حباً في الوحدة فقط ولكن لأن الحلاوة طارت ، خيرها بغيرها يالخوقير وشكل الهوساوي فعلاً ما يصلح لغير الوحدة لأن ثمن إنتقاله زاااد كثيير عن المعقول وهو لاعب جيد ومدافع قوي لكن مبلغ إنتقاله للزعيم ولا غيره فعلاً مبالغ فيه وهو لم يظهر إلا من سنه ونصف تقريباً ومع المنتخب فقط وليس مع ناديه وهناك مدافعين في مستواه وربما تفوقوا عليه لم يأخذوا فرصتهم بعد ، وبالتوفيق لدفاع الزعيم بنجومه الحاليين وأتمنى من كل قلبي

المرشدي بجانب تفاريس أساسي لأن المرشدي مستواه متصاعد وكل شوي يرجع لدكة الإحتياط مادري ليه ويالييييت يرتاح المفرج شوي على هالدكة اللي ياما جلسوا عليها نجوم كثار فتاريخ الزعييم........هالأمنية أبيها تتحقق قبل تجي المباريات الهامة أرجووووكم يا إدارة الزعييم ويا مدربنا

((( المتهوووووووور ))) !!!

وللي يقول مبرووك فشل صفقة هوساوي عشان يبقى المفرج أساسي بالقوة تراه في وادي والطموح في وادي أجل تبغى تفوز بالدوري ودفاعك فييه ( المفرج المرتبك دائماً ) .... أقسم بالله العظيم اليوم مع الوحدة ربي سلمنا من نكبات المفرررررج والوحدة بعد يعاني من النقص والإصابات بعد ، أجل المحياني شات الكورة أي كلاام كأنه بيمرر وما يبي يسجل قام المفرج ( حلف عليه ولززززم إلا تسجل عشان تلحق باقي الهدافين ) !!!!

والله نحبك يا فهد بس تراك مرتبك دايماً بالمباريات العادية فما بالك بالمباريات الحساسة والنهائيات وأكبر دليل على إرتباكه وسرحانه ونهائي العام مع الإتحاد لا يتفاهم مع الدعيع ولا يراقب اللي وراه وكل شوي وواحد من الإتحاديين ناقز فوقه ومسجل قول بالراس وياليته قول ملعوب ( تقدر تسميه قول بايخ وخطأ أبيخ ) وكفاية يالمفرج أخذت كل الفرص المتاحة لك ( وإستنفدتها ) كثيير وحان الوقت تصير إحتياط حتى للشباب الجدد لأنك ما طورت من مستواك ( ذبحتك المجاملات على حساب مصلحة الفريق ككل ) ونقدر حماسك وإخلاصك وحبك للكيان الهلالي وحرصك على تمثيل الفريق خير تمثيل لكن مصلحة الـــزعــيــم فوق كل إعتبار يا ناااس ، وإلى متى نسكت على هذي المهازل والمفروض ما يدخل التشكيلة إلا اللي يستاهل ويثبت تصاعد مستواه من مباراة لأخرى ، وأنا وربي يشهد ومتأكد هذا هو شعور الملايين من جمهور الزعييم إني حزنان على الدعيع من كثرة الأهداف البااااايخة والماسخة اللي تجي بمرمانا السنتين الأخيرة من تخبيصات الدفاع والمدربين من وراهم وحتى قدام الفرق الصغيرة على المستوى المحلي أو الدولي وآخرتها هزيمة الأهلي العجيبة وهدف الوحدة الوحيد ( الهدية ) من المفرج ضدنا في مبارة اليوم ، يا جماعة يا زعمااء عندي سؤال مهم جداً جداً ألا وهو : هــل المفرج ممنوع من دكة الإحتياط بأمر الأطباء ؟!! ولا تجيه حككككة ولا عدوى لا سمح الله لو جلس عليها نبي المرشدي يسنتر جنب تفااااااريس أرحمونا الدوري قرب يخلص ودفاعنا شررربه وشواااارع والله قهر

، وما صرت توثق فيه إلين آخر دقيقة من الوقت بدل الضااايع والله يرجع الكرة البرازيلية والاستايل البرازيلي اللي كان مبين قوة الهلال مع حنكة المدربين البرازيليين اللي يأمنون الدفاع ومن ثم يشوفون الوسط والهجوووم موب ذا الروماني اللي مدربي راسه والله قلبي ناااغزني منه ، لأنه كل يوم قاعد يخترع لنا في التشكيلة أخاف لا يحط الكلثم ظهير المباريات الجايية وتارك أكبر مشاكل الزعيم في الموسمين الأخيرين اللي هي الأظهره اللي مادري متى بتحل أزمتها .... أرحموووونا يا إدارة وينك يا بندر بن محمد إلحق على الفريق قبل لا ينهار وتطيح الفاس فالراس وما ينفع الصوت لا فات الفوت (( هيبة الزعييييم ضاعت وصار الكل ما يهاب قوته زي زمااااان ويرحم أيام زماااان )) وأنا شفت لقاء أبو محمد الأخير مع أحمد الشمراني وتابعت أغلب الكلام العقلاني اللي قاله ومداخلات الصحفيين وبعض الجماهير اللي طالبته بالعودة لرئاسة النادي لأنه هو الرئيس العصري والذهبي للزعيييم وبإنتظارك يا بو محمد لا تطول علينا الزعيم بحاجتك وبحاجة فكرك وعقليتك وحنكتك القيادية لقيادة الزعيم إلى بر الأمان ونحن مع الإدارة الحالية وخلفها نساندها بكل قوة إلى أن تأتي وتسعدنا بعودتك مجدداً لكرسي رئاسة الهلال الذي طالما إشتاق إليك ... تحياتي وسامحوني عالإطالة ولكن من عشقي للزعيييم ما نبي نضحك على نفوسنا أكثر من كذا وبفوز ولا فوزين

نقول الأمـور كلها تمام والله يستر من الجاي وبالتوفيييق للزعيم ونجومه وإلى الأمااام إن شاء الله ،،،