|
((((( وش علام الطير ))))) (((((( وش علام الطير )))))) السلام عليكم ......... هذي قصيده أقروها وعطوني رايكم : وش علام الطـير هالليلة تمـرّد *** من على غصن الشجر زاد تغريده والغصن لا سمع صوت الطير ورّد *** والقمح لا صار أخضر في حصيده والــفراش يحـــوم والوانـه تعــدّد***واقـبـل يغيي مـن اقفـار بعيـده والفرح والشـوق في الديره تردّد *** يوم فرحه للبشر و اليـوم عــيـده زارني حسـون في بيتي وغـرّد *** قال وش لك باللي جاب الخير بيده قلت ياحسـون من عندي تزوّد *** واطلب اللي نفسك و عينك تريده قـال باكر بالمسى يخطب محمّـد *** قلت بالله يا طوير انـــّك تعيـده ويـوم قالوا موعـد الخطبه تحدّد *** انتشى قلبي ونادتني القصيـده والشعر من بعد طول غياب عوّد *** و القوافي اللي خـابرها عنيـده يابن ابويه اهدي لك قلب توجّد *** المقـابيل السـعد و الله يزيـده وسلامتكم ..... هذي القصيده للشاعر : ( عمر المطر ) |
تسلم حبيبي العابر قصيدة رائعة بس ياليت تقولنا من هو { عمر المطر} شكرا |
قصيده جيده نوعا ما بس حاول مره ثانيه ومن هو حــــــــسـون ولك مني اجمل التحايا اخوك /مومو |
رد... جمجمة الهلال,,, شكراً على هذه المبالغة.. (عمر المطر) شاعر سعودي مسلم مشهووووور بالقصيد... مع السلامه حبيبي... ============================================ مومو515 شف يا مومو,, إذا كانت مااعجبتك مهوب لازم بس تنازلا مني ابرد على سؤالك... (حـــسـون) هذا اسم عادي جابه الشاعر علشان وزن البــيـت..... باااااااااااااي.. |
قصيدة جميلة بحق . |
الاخ .. العابر السلام عليكم تسلم على القصيده .. ويسلم قائلها.. اما من ناحية ( حسون ).. فهو طائر صغير مثل العصفور لونه اسود ... ( حسب اجتهادي ) والاكيد انه طائر ,, وذلك لكلام الشاعر .. زارني حسـون في بيتي وغـرّد *** قال وش لك باللي جاب الخير بيده قلت ياحسـون من عندي تزوّد *** واطلب اللي نفسك و عينك تريده قـال باكر بالمسى يخطب محمّـد *** قلت بالله يا طوير انـــّك تعيـده _______________________ وهنا قال الشاعر .. ( زارني حسـون في بيتي وغـرّد ) والثانيه .. ( قلت بالله يا طوير انـــّك تعيـده ) هذا للافاده .. والله اعلم .. _______________________ اخوك .. ...... ( رااي ) |
أخوي رااي... شكراً للإفادة... |
| الوقت المعتمد في المنتدى بتوقيت جرينتش +3.
الوقت الان » 07:30 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd