#1  
قديم 12/01/2008, 05:11 PM
زعيــم متواصــل
تاريخ التسجيل: 03/01/2007
مشاركات: 141
لكل هلا لي غيوووووور وبس......

بسم الله الرحمن الرحيم
في البداية لا احد يجي ويقول مندسة ومدري ايش

اللي ما يعجبه كلامي مو مجبور يرد ويشكك فيني لانه ما يعرف نواياي(وتبقى وجهة نظري)


وثانيا اتمنى النقاش اللي نطلع منه بفايده بدون تجريح وتعصب



.....



اول شي الرئيس

مشكلة كرسي الرئاسة انه صعب ويخوف مو اي احد يقدر يجلس عليه الا اكيد بيحصل انتقادات
وووو

ونلاحظ يا يجيك رئيس معاه الماده ويدعم لكن الفكر الاداري غايب لانه مشغول

او رئيس ما معه ولكن فكره واعي

او رئيس خذ منه تصاريح بس وترزز في المباريات المهم

وهذا طبعا حال بعض ارؤساء واعضاء الشرف

ولن لظلمهم فيه بعضهم كله خير وبركة


ولكن رئيسنا المحبوب محمد بن فيصل

نحبك ولكن....
خلاص اقول بقوه ارحل
اول ما جيت للرئاسة تفائلت فيك قلت رئيس يبشر بالخير
وفعلا حققت لنا بطولات ودعمت النادي

ومشكوووووور

بس الحين خلاص لا احد يجي ينكر محمد بن فيصل رئيس نادينا الموقر المتحدث الرسمي
باسم النادي ادارة ولا عبين وجمهور
كيف يطلع له بعد بعض المباريات مقاطع وتصاريح وردة فعل الله لا يورك
كلكم تكتبون عنها هنا وتكتبون ماهقيناها منك يا ابو سلطان

وكلنال نذكر مشكلة كالون اللي خلت هيبة الزعيم تروح صرنا مضحكة للي يسوى واللي ما يسوى

الرئيس قدم الكثير ولكن الان ليس لديه ما يقدمه
هو مشغول بامور اخرى ..........




الشي الثاني
الجمهور

انتم يا جمهور ادري الحين بيطلع جمهور محمد بن فيصل وزعلانين من كلامي

لان الهلال جمهوره مقسم لجمهور نادي وجمهور رئيس وجمهور لاعب

اذا اعتزل اللاعب خلاص ما نشجع

اذا نحب الرئيس واخطا ما نقول خطا


ليش كذا خلوا اسلوب الهياط واسلوب التعصب كل شي الا مصلحة الزعيم
اسم الزعيم هذا الكيان يقف شامخ امام اي اسم مهما كان

لازم الكل يدافع عنه ونعاقب المخطئ والمسيء

سواء كان لاعب او غيره




الشي الثالث.....


الاحتراف


كان يا مكان في قديم الزمان كان فيه شي اسمه احتراف
ويوم جا للسعودية وطبقوه جمهورنا قالوا لا نبي لاعبنا لايروح

واللي ادهشني رفض بعض اعضاء الشرف ؟؟؟؟؟؟؟؟؟


وش ذا العقليات المتحجره بغض النظر عن شروط العقد وانها اجحفت حق الاعب

من حق اللاعب ان يحترف في اي فريق
الهلال كوكبة نجوووووم
الهلال زعيم
لايقف على جهد لاعب واحد واذا راح ياسر فيه غيره نجوم
ع الاقل نفتح مجال وفرصة للي جالسين فالاحتياط
والله كان ودي ان ياسر محترف بس ااااااااااه

كأن ياسر هو اللي معه البطوله حنا جلسنا ومعنا ياسر ولا جبنا شي من فتره
من قبل لا يجي وحنا زعماء

ارجو ان حبكم لياسر وفنه ما يصير ضد مصلحة نادينا


ودمتم في رعاية الله
تبقى وجهة نظري واختلاف وجهات النظر لن يفسد الود
اضافة رد مع اقتباس
  #2  
قديم 12/01/2008, 05:15 PM
زعيــم نشيــط
تاريخ التسجيل: 08/12/2007
المكان: وين مايكون الزعيم
مشاركات: 693
كلام عين العقل يعطيك العافيه
اضافة رد مع اقتباس
  #3  
قديم 12/01/2008, 05:15 PM
زعيــم متألــق
تاريخ التسجيل: 19/09/2005
مشاركات: 1,089
يعطيك العافية كلام سليم
اضافة رد مع اقتباس
  #4  
قديم 12/01/2008, 05:16 PM
زعيــم مميــز
تاريخ التسجيل: 12/09/2004
المكان: الرياض ولو جوّها قآسي ..
مشاركات: 4,448
إقتباس
ليش كذا خلوا اسلوب الهياط واسلوب التعصب كل شي الا مصلحة الزعيم
اسم الزعيم هذا الكيان يقف شامخ امام اي اسم مهما كان


لازم الكل يدافع عنه ونعاقب المخطئ والمسيء


سواء كان لاعب او غيره

يا عيني عليك .. يا عيييييييييييني علييييييك >>> تصفق

كل واحد يراعي الشخص اللي يحبه سواء كان لاعب او عضو شرف او رئيس ..

محد يدري ان اهمممممم شي واللي بيبقى على الدوام هو النادي ككيان ..

انا معك .. خلاص محمد بن فيصل قدم اللي قدمه مشكورا .. ولازم الحين يمشي ..

لازم نجدد الدماء و النشاط ..

إقتباس
ارجو ان حبكم لياسر وفنه ما يصير ضد مصلحة نادينا

صحيح الهلال اغلى من اي كائن كان .. لكن بنسبة لإحتراف ياسر .. من مصلحة الهلال انه ما يحترف ..
بتقولين كنا نفوز قبل ما يجي .. بقولك لان كان فيه راس حربه صاحي اللي هو سامي ..
لكن الان مين !!! العنبر والا الخراشي !!! اعتقد ما يعتمد عليهم اعتماد كلي .. الصويلح للاسف جته اصابة .. ومطولة ..
يعني كنا نحتاج ياسر ..
وهو ايضا كان وفي كالعادة .. ورجع ..


عوااااااااافي
اضافة رد مع اقتباس
  #5  
قديم 12/01/2008, 05:16 PM
زعيــم متألــق
تاريخ التسجيل: 26/12/2006
المكان: باريس نجد
مشاركات: 1,214
موضوعك لازم يثبت ياقلبي انتي < ماله دخل كلش
اضافة رد مع اقتباس
  #6  
قديم 12/01/2008, 05:16 PM
زعيــم نشيــط
تاريخ التسجيل: 28/08/2006
مشاركات: 872
كلامك 100%

مشكووووووووووووور
اضافة رد مع اقتباس
  #7  
قديم 12/01/2008, 05:21 PM
زعيــم مميــز
تاريخ التسجيل: 13/07/2005
المكان: الرياض
مشاركات: 3,333
أنا من رأيي بأن وقت الموضوع خاطئ جداً من حيث أكمال مسيرة الرئيس من عدمها الآن نحن في نهاية المطاف ويجب ان نقف مع الهلال قلباً وقالباً وبعد نهاية الموسم لكل حادث حديث والرئاسه مو مثل المدرب شله وجب واحد على طول ..
اضافة رد مع اقتباس
  #8  
قديم 12/01/2008, 05:29 PM
الصورة الرمزية الخاصة بـ S K Y
زعيــم مميــز
تاريخ التسجيل: 30/04/2007
المكان: الـريـاض
مشاركات: 10,808
إقتباس
الرسالة الأصلية كتبت بواسطة ღهلابوليღ
أنا من رأيي بأن وقت الموضوع خاطئ جداً من حيث أكمال مسيرة الرئيس من عدمها الآن نحن في نهاية المطاف ويجب ان نقف مع الهلال قلباً وقالباً وبعد نهاية الموسم لكل حادث حديث والرئاسه مو مثل المدرب شله وجب واحد على طول ..

اضافة رد مع اقتباس
  #9  
قديم 12/01/2008, 05:36 PM
زعيــم مميــز
تاريخ التسجيل: 26/06/2006
المكان: حدود الكويت(الرقعي)
مشاركات: 4,584
هل تعلمين أن الهلال اليوم يلعب ضد الوحده

وهل بموضوعك هذا يحمس اللعيبه ويخليهم

يحرثون الملعب بالعكس لا وألف لا مو وقته

أنا ما أقلل من موضوعك بالعكس موضوع

جميل هذا أن دل يدل على حبك للهلال

بس يعني مو وقت الموضوع حاليا

تقبلي تحياتي
اضافة رد مع اقتباس
  #10  
قديم 12/01/2008, 05:39 PM
زعيــم متألــق
تاريخ التسجيل: 17/10/2006
المكان: الحين بجي
مشاركات: 1,363
رئيسنا وهو في أسواء حالاته أفضل من رئيس نادي أخر مع احترامي للبقيه ..... الهلال حمل مو سهل الواحد يترأسه ولا ترمون الإتهامات وانتوا خلف الشاشات........ ودعم الرئيس ضروري لأنه جزئ من الكيان الهلالي ....... احتراف ياسر ماله علاقه بأعضاء شرف اللاعب رفض العرض وبس اما غيره فهو خربطه فاضيه ......... مع تمنياتي اليوم بفوز الزعيم واتمنى ان ينهي الرئيس أخر مواسمه ببطوله
اضافة رد مع اقتباس
  #11  
قديم 12/01/2008, 05:39 PM
زعيــم مميــز
تاريخ التسجيل: 22/06/2005
المكان: أم الدنيـــا
مشاركات: 2,226
؛؛


إقتباس
اول شي الرئيس





إقتباس

الرئيس قدم الكثير ولكن الان ليس لديه ما يقدمه
هو مشغول بامور اخرى ..........






؛

ما قصر .. كفى ووفى ، لكن مصلحة الزعيم أهم وأولى بالتأكيد

بس وين اللي يسمعنا !!
؛



إقتباس

الشي الثاني
الجمهور





إقتباس

لازم الكل يدافع عنه ونعاقب المخطئ والمسيء


سواء كان لاعب او غيره


؛

مشكلة عند الجمهور .. معاهم معاهم ، عليهم عليهم !!

سبيتوا لاعب نسبه معكم ، مدحتوا نمدحه يستاهل المدح !!!

هذا كلام عاااد ؟!

؛

إقتباس




الشي الثالث.....




الاحتراف




؛
وربي كنت متأكدة إن إحتراف ياسر ماراح يتم

بسبب وجود عقليات عندنا مستحيل تتطور

اللاعب كفى ووفى مع النادي ، ليش ما نعطية فرصته للإحتراف ؟
وفيه بداله واللي يرفع الرأس إن شاء الله

؛؛

النرجسية .. عوافي يا زعيمة
لكن تأكدي بإن موضوعك ماراح يعجب الكثييييير هنـ ـا

؛
وبالتوفيق للزعيم


اضافة رد مع اقتباس
  #12  
قديم 12/01/2008, 05:45 PM
موقوف
تاريخ التسجيل: 07/09/2007
المكان: الرياض
مشاركات: 551
محمد بن فيصل رئيس الهلال وسوف ندعمه الى اخر يوم في رئاستة النادي وبعدها سوف نعمل نفس الشىء مع الرئيس القادم الان لااحد يتولى رئاسته الزعيم الاوهو يحب ويعشق الكيان الازرق واستغرب قولك لااحد يقول مندس وكانك مولم الدواء قبل الفلقة ...
اضافة رد مع اقتباس
  #13  
قديم 12/01/2008, 05:50 PM
الصورة الرمزية الخاصة بـ المخلص في حبك
زعيــم نشيــط
تاريخ التسجيل: 24/03/2006
مشاركات: 720
موضوع جميل من فكر رائع وجميل واتمنى من الجميع ان يحمل نفس الفكر الي تحمله الاخت نرجسيه لان الدوام للكيان وليس للاعب ولا لريئس وشكراً لك
اضافة رد مع اقتباس
  #14  
قديم 12/01/2008, 06:04 PM
زعيــم متواصــل
تاريخ التسجيل: 03/01/2007
مشاركات: 141
S K Y
ღهلابوليღ

اشكر لكم مروركم الكريم

بس حبيت اقول صح يمكن وقت نقاش هالموضوع غلط خصوصا اليوم مباراة مع الوحده

لكن من جد ... لي كم يوم كل ما جيت انام اهوجس بوضعنا


وماقدرت اصبر الين نهاية الموسم ونطلع كذا .....بدون شي


ابوعمر الرشيدي

شكرا لك
انا قلت كذا لاني اشوف اي واحد ييقول كلمة الحق
تزعلون عليه _البعض مو الكل_ لان اللي يزعل ماهمه مصلحة النادي قد ماهمه
مصلحة الشخص اللي يشجعه

والباقي لي رجعة معاكم
اضافة رد مع اقتباس
  #15  
قديم 12/01/2008, 06:13 PM
الصورة الرمزية الخاصة بـ شمآلي هلآلي
زعيــم مميــز
تاريخ التسجيل: 30/04/2006
المكان: المستايآ
مشاركات: 4,472
أنآ مستغرب من رئيس النآدي ..

إذا مو فآضي للنادي ومباراه يحضر وعشره لا ليش مآ يستقيل ويترك النادي ..

أبو سلطان جاب لنا بطولات وألقاب ما كنا نحلم بها ..

لكن هذ1 ما يعنى أننا نسكت على أخطآءه ..

وبالنسبه لـ يآسر كنت متأكد أنه مآ رآح يحترف لاننا بكل بسآطه ( مآ حنا وجيه إحتراف)

أعضاء الشرف غريبين يرفضون إحتراف ياسر عشان مصلحة الهلال ؟؟

من هو ياسر هذ1 اللي مصلحة الهلال وإنتصاراته تتوقف عليه ؟؟؟؟

على العموم شكراً لكـ على الموضوع ..وإن كآن وقته مو مُنآسب ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:54 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube