لو انك متبرع بـ 500 ريال لفقير محتاج كان لقيتها عند ربك وما ندمت عليها أبد

أفضل لك من شنطة وشال وكاب

الله يعوض عليك

أتوقع ان الشنطه اللي شريتها مب نفس اللي يقصدونها ,, .. ,, يعني يمكن وحده مقلده ,.

لاحول ولا قوة إلا بالله يا اخوي وراك شبيت على الرجال تراه ما غلط وهذا رايه .. وسامي ما درى عنك عنك انت شريت والا لا ......
(( خالق الناس بخلق حسن ))

هاذي روابط للصور وما بغيت أحطها لأنه حجمها كبير بالحيل ويتاخذ وقت على ما تطلع

هاذي صورة الكاب الشتوي تقل خياطة بوهنود . قال أديداس قال

http://www.m5zn.com/showimage.php?im...bd24c59a65.jpg


والشال بعد زي الكاب الشتوي ( الظاهر نفس الهندي مزينهم )

http://www.m5zn.com/showimage.php?im...a6d105f5c2.jpg


والكاب الصيفي زي اللي يوزعونه بسباقات الجري الخيريه

http://www.m5zn.com/showimage.php?im...0a35cb4a48.jpg

أقولك شفت الشناط اللي بالمحل كلها زي بعض

ومهب معقوله مقلده لأن المحل اللي رحت له "المتجر الوطني" موزع رسمي معتمد وأنا رحتله لأن شبكة الزعيم هي اللي أعلنت الخبر ومواقع البيع

وواضح إن به أعضاء كثيرين صارت لهم نفس المشكله من خلال ردودهم بالموضوع

المفروض يغيرون الشعار لـ

( أنا أحبكم وغيري يزرفكم !! )

محشوم سامي عن هالتفاهات !!
فعلا بعض الناس يتسغل هالمواقف لتحريك بضاعته اللي لو تغسلها وتجيب (موية) الغسيل وتكبها على ( صراصير) كان ( يموتن ) !! اتصلت على اخواني بالسعودية .. وطلبتهم يعلموني (بالصدق) !! هل الاغراض اللي بشنطة سامي ( تستاهل) !! ما اتكلم عن (السعر) لأني علقت عليه .. وقلت والله ( ما تستاهل 500 لو سامي (خايطها بيده) !! لكن (لعيون ابو عبد الله كلش يهون ) !!

المهم دق علي اخوي ميت من الضحك !!
قلت : وراك صادم ؟! لانه بالعادة اذا صدم مات من الضحك !!

قال: لا والله ( انصدمت ) !! قلت وشلون.. قال لي : تعرف الفنايل اللي تبيعهن ام (السليم ) ذيك الدلالة ؟!
قلت له : أي فنايل .. عسى ذوليك اللي (نشتريهن دفعة بلاء ) !!
قال لي : عليك نووووووووووور !!
قلت : علمني وش السالفة !! قاري في المنتدى انها (اديداس) وكل اللي في المنتدى يقولون (اصلية وتستاهل) وفيه كم مهايطي !! قايلن لنا هالكلام !!
قال لي : تعرف مناديل المطبخ ذوليك اليابسات !! قلت ايه !! قال لي : تقدر تمسح وجهك بذوليك المناديل (الرول) اللف ؟!
قلت: مهبول انا !! امسح وجهي بذوليك !! تبي يمشق وجهي !!
قال لي : يا سلام عليك !! أجل (المناديل اللي انت خابر) انعم من (قماش فنايل حفل سامي) :( !!
قلت طيب والقلم !!
قال : يبي لك تمصه والا تسوي به ذيك الحركة اللي تفركه بيدينك الثنتين الين يكتب :( عرفتوها:(؟!

قلت له : تستهل انت والا جاد ؟! حفل اعتزال سامي ؟! والا (راشد ولد خالتي مزنة) !!
قال : ما جاك الا الصدق !! واقل شيء لو يبي يعتزل راشد !! ما اعتمد على ( شركات نصب) !! لأنه يبي يداري ( تاريخه بنفسه ) !!

للأسف - واستبعد يكون سامي له يد باللي صار - لكن هناك من يحاول العبث بتاريخ سامي !!
وهناك من يحاول ( استغلاله تجاريا) !! والله ثم والله ( ما تسوى على سامي هالشنطة ولا المبلغ اللي يبي يجيه من وراها !!

خلونا نقول فرضا !! باع سامي (( 5000 )) وما في أمل يوصل عدد المشترين لهالرقم !!
طيب يالله اضربوا ( 5000 * 500 )) = 2.500.000
مليونين وخمسائة الف !!
الشركات والناس المسوقين لهالشنطة قولوا لهم : 100,000 مائة الف
محلات البيع راح تاخذ : 2 % فائدة يعني خلونا نقول : 100.000 مائة الف (اسواء احتمال)
قولوا السعر الحقيقي للشنطة .. 250 ريال ..
يعني فعليا الربح من هالبيعة ( واسمحوا لي اسميها بيعة) !!
2.300.000 / 2 = 1.150.000
150.000 اجدع (نصها بالبحر) !! ورجع لابوك اللي اخذت منه !!
يبي يبقى تقريبا ( لسامي فعليا 1000.000 ) هذا اذا فعلا (بيعت 5000 شنطة ) واستبعد (هالرقم) !!
لكن بالاخير : هل سامي بحاجة (هالمليون) !! على (حساب تاريخه) !!


( يا زين المصداقية والصراحة والنفس الطيبة الراضية بكل شيء ) ويا شين (الجشع والطمع !! ) على حساب ( ناس حبت سامي من كل قلبها ) !! ( حب طاهر .. وحب يبقى متبادل بين سامي و بينهم طال العمر والا قصر !! ) حرررررررررررام (يجي من يدنس هالحب عشان حفنة ريالات ) !!


دارين ان (موبايلي والشركات المسوقة للحفل) ما راح تعطينا شيء من جيبها !! لكن اذا جت (تسرق) المفروض ( تسرق بأدب ) !! موب بالاستغلال وبالطمع اللي قاعدين نشوفه !!
ولا حسيب ولا رقيب !!
واذا درينا نط لك واحد (جالس يون عند ابوه وامه نص ساعة عشان يعطونه الـ500 عشان يشتري شنطة سامي ) !! وجاك في المنتدى !! وقام يسب عيال خلق الله !! الطفران موب لازم يشتري !! اللي ما معه لا يصجنا !! طيب سؤال !! انت من وين لك دراهمك !!
وخلنا نقول فيه غيره اللي منعم عليه !!
اقول لك : الاغلبية !! ما يملكون هالمبلغ !! وسامي يعني لهم ( شيء كبير في حياتهم ) !!
يعني نجي على اخر الطريق ونقول ( روحوا بس من قال لكم تصيرون طفارى ) !!

والله المبلغ مبالغ فيه !! وبعد ما عرفت البضاعة ونوعيتها !! طقتني غلقة !! بشكل ما تتخيلونه !! ما راح تنقص دراهمي ولا راح تزود !! لكن قهر اننا نشوف ( الغلط ونقعد نصفق ) !! و ( نسلك) لبعض !!

قضينا من (التذكرة اللي سعرها موب لم سنع ) !! وجينا (للشناط ) !!
ومن يدري اذا وصلوا الشباب للمبلغ قالوا لهم ( ترا كيكة الجبن والكولا ) بعشرين !!
والله ما استبعدها !! ( الدعوى صارت " ابزرفك واذا تكلمت تراك ما تحب سامي " ) !!

تذكرون ( اعتزال الامبراطور : صالح النعيمة !!) تذكرون وشلون كان يوزع (الفنايل) بنفسه !!
بالله من منا يقدر ينسى حفل (النعيمة) شوفوا كم راح عليه !! لكنه باقي في الاذهاااااااااااااااااااااااااااااااااااااان مستحيل ينطمس (الله يذكرك بالخير يا ابو فهد ) !!
لا (شناط ) !! ولا (زرف) !! وكل شيء سهل !! و(الاهم من هذا .. الاثر اللي تركه في قلوب العالم يوم اعتزاله ) !!

حبيبي الله يلوم اللي يلومك هذي 500 مو سهله
لكن والله عيب عيب هالحركات التجاريه الوسخه القذره من قبل المسوقين لهذه الشنطه

والله شوهتوا سمعة حبيبنا ابوعبدالله
لكن سامي هو الغلطان انه أعطى فرصة لناس حياله همها كسب المال وليس الأنفس

أتمنى من سامي بأن يسارع ويعالج هذه المشكله التي ربما تنعكس سلباً على الحفل ..!


أما الكاب والله نكته ههههههههه














أقول رح نم أنت وخشمك

لا عاد ما تاصل للتجريح بسامي وشعاره :upset:

مااحد ضاربكم على يديكم وقال إشروها

؛؛

أخوي الكبير مغاط كفيت ووفيت ولو بيدي كان أحط مشاركتك قبل موضوعي

والله العظيم إن عيوني دمعت من الضحك في بداية مشاركتك وبعدين دمعت من الحزن في نهايتها

ما شاء الله عليك والله لا يحرمنا من مشاركاتك ومواضيعك يارب

ولا يهنون كل الأعضاء اللي شاركو بآرائهم الواقعيه والصادقه مع أنفسهم ومشكوريين كلكم على مروركم

وشكر خاص من القلب للقلب لــ بنت الزعيم :smilie47: :d أمزح

والله صح لسانك قسم بالله اني معزم اروح اليوم بعد صلاة العشا اشتري هالشنطه لكن زين انكم علمتوني اللعبه

والله عيب عيب

لا تقولي سامي مايدري وسامي ماله دخل وسامي وسامي

حبيبي التذاكر وقلنا موبايلي هي الراعي للحفل طيب والشنطه؟؟؟

مايقولون ان صاحب سامي هو اللي ابتكر هذي الفكره؟؟


على الاقل سامي يستحي على وجهه ويسحب هالشنطه من الاسواق

لاحد ينقز لي زي القرد ويقولي لاتغلط على سامي وسامي اسطوره وسامي وسامي
حبيبي سامي لو يحبكم ماسوا هالحركه

وانا مستعد احلف ان سامي له دخل بالموضوع

وانا والله اني الحين متردد احضر المباراة والله ان كان بحضر ياسامي بحضر عشان مانشيستر
ولا انت ماخليت فيها شي .......

انا انشاء الله بشتريها

صادق في كلامك ,,بس المشكلة هنا أنهم ليش يقولوا أنها من اديداس وأنها نوعية جيدة ومن هالكلام
لأني انا شخصياً ذهبت لشراءها ووجدت أن نوعيتها متردية شنط عادية جداً وفعلاً نفس ماذكر باالمقال أن سحاب الشنطة تعلق ,, وهذا أكبر دليل على أنها ليست من اديداس لن صناعاتها جودتها عالية ونفس الملاحظة لا يوجد عليها شعار الشركة ؟!!!

المشكلة ليست على ارغام شراء الحقيبة ولكن العتب على عدم المصداقية في نوعية الحقيبة يعني لو على الأقل ما تكلمو على الحقيبة أو شرحوا عن نوعيتها .

^^^^^^^^^^^^^^^^

شاكر لك مرورك وتوضيحك للأخ الكريم لموقفي بهدوء وأدب

من حقك يا خوي تزعل