انتم ياالي كنتم ومازلتم تشككون بجماهيرية الزعيم بالرياض ودي اقولكم او اشرح لكم بعض النقاط المهمه
النقطه الأولى ان جماهير الهلال في كل مكان اجتمعوا على تشجيع الزعيم ومن غير المعقول التفرقه الي صايره بعبارة جماهير الشرقيه احسن وجماهير جده اكثر وغيره من الكلام الغير منطقي !
الشي الثاني والمهم الي يجهله (( او يتجاهله )) الكثير للأسف هو الفرق بين هذا وذاك
ستاد الملك فهد يتسع لأكثر من 70 الف وجماهير الهلال كانوا في الموعد عشرات المرّات سواء في نهائي او غيره ... بينما الملاعب الي خارج الرياض مايكون فيها لجماهير الهلال الا سبعة آلاف إلى عشرة آلاف مقعد بالكثير (( اقصد ملعب جده مثلاً )) ... حتى ملعب الراكه القديم كان مايتسع بشكل عام الا لـ 11 الف متفرج وبالتالي الناس يتوقعون ان الجماهير في هذي الملاعب شيء يفوق الوصف بينما العكس هو الصحيح
القصد من كلامي ان جماهير الهلال وحده في كل مكان
الشي الثاني جماهير فريقنا في الرياض ومن اول ما تأسس الهلال وهي تبيض الوجه
انا عن نفسي بديت الحضور من عام 1407 تقريباً
ماانسى بطولة الخليج
وماانسى الآفروآسيويه ضد الأفريقي
وماانسى نصف النهائي العربي ضد النصر
وماانسى ضد الكويت الكويت او الوحده الاماراتي
وماانسى مباريات كثيره
مع ملاحظة اني ماذكرت النهائيات علشان الاخ راكان مايزعل
ياالغالي احنا ملينا حتى صالات الطائره والسله .. والكباتن احمد البخيّت والبحريني رضا علي ومن جهة السله النجم السابق السماري يشهدون بهالشي
اختصاراً لكلامي راية جماهير الهلال في الرياض بيضا ومحد يقدر يبخس حقنا بخربشة قلم
انتهى كلامي