مستشـفـى الخضــار للخياطـــه ...!!! بعد البدايه الفاشله بأختيار أسم الموضوع راح نآخذ لفّه على يومي الأقشر بشارع التحليه بداية السالفه وانا طالع من طريق الملك فهد متجه شمالاً (( طالع من خنشليله )) للدائري الشرقي ومن ثم على طريق الملك عبدالله للذهاب إلى شارع العليا وبالتحديد للتحليه (( أبي اكشخ بالموتر الجديد )) جمس 94 مستخدم نظيف مرررره مافيه ألا صدمه وحده بس الوجهيه معك الكبوت ومن الجنب على باب السواق :D حتى باب السواق ما يفتح .. مافيه ألا حل واحد بس .. ياتــنقـز مع باب الراكب يا تطلع مع باب الشنطه :D المهم .. وعلى بداية دخلتي على شارع التحليه وألا ألاحظ شي غريب جداً .. ألا وهو أن الكل يقزقز فيني ما ادري أنا حلوو وألا شي ثاني .. وبالنهايه أكتشفت ان هالجمهور الغفير مستغرب وجودي بالتحليه بهالموتر الفل أوبشن :D انا فهمتها وهي طايره طبعاً .. أبد ما قعدت اهوش عليهم وعلى نظراتهم اللي تشكك الواحد بنفسه :D وبعد دوران طويل دام بشارع الدشير (( عفواً خطأ أملائي )) وجاني ألهام من ربي أني أقزقز عداد البانزين للسيارات اللي بجمبي وعند أول إشاره وألا بجمبي على اليمين لكزس GS300 جديد بقراطيسه وانا اللي أقز عداد البانزين وألا هو تحت الربع :D وعلى يساري همر 2006 H3 وألا عداد بانزينه على الأحمر وأقز موتري وألا العداد مره تحت ومره فوق مخبط ... بس الحمد لله اني قبلها بأسبوع معبي بـ 10 ريال :D وعلى هالحاله ألين ما دقت علي الداخليه الساعه 12:05 وهي اللي تهوووشن علي ... ((وينك ياللي ماتستحي . يعني ما عندك بيت تعقد فيه ؟ بس هالشوارع تقول ماشاف خير .. صدق من قالك قروي ماشاف خير )) وأنا اللي تخسبقت وخريييت مع هواشها .. (( أن شاء الله .. سمي .. مايكون ألا خير .. من العين هذي قبل العين الثالثه )) وأنا اللي أجيك طاااااااااااااااااير راجع للبيت وماشي طبلووون الجمس كلّه (( 90 )) طبعاً ما ألومه شيّب وعلى طريق الملك فهد وانا راجع ويطلع لي موتر مدري من وين جايني منه وأحلى حاااااادث ... للأسف مع انه هو الغلطان على سرعته وعلى دخوله لي وألا أني صاادمه من الخلف ... واتصلت على المرور الموقر اللي مايجيك ألا بعد شق الأنفس .. واللي يقهر لو صار حادث وفيه أصابات جاك الدفاع المدني قبل الأسعاف والمرور .. وألا اللي يمر من جمبك ولا يوقف (( ينتظر طال عمره يوصله البلاغ )) ونرجع للموضوع : وعلى وقت الحادث وألا الجوال يرن .. أن شاء الله أنها مو الداخليه .. :: وينك ياللي ما تستحي .. تكسر كلمتي ؟؟ .. لا والله يالغاليه صار لي حادث والمرور ما جاء ألين الحين ... أحسن كلّه منك .. عقوبت ربي فيك , علشان إذا اتصلت مره ثانيه ترجع للبيت على طول ... وأنا اللي أقول بنفسي حشى معي طياره مو موتر المهم وننتظر وننتظر .. راحت نص ساعه وساعه وساعتين وتوّه يجي طالع عمره .. لا وبعد زعلان .. (( ماتشوف أنت وياه يوم أنك تسوي الحادث )) رديت عليه وقلت ألا ياطويل العمر نشووف بس ربي كاتب وصار اللي صار .. طيب طيب لا يكثر هرجك وهات التأمين والرخصه والأستماره قعدت اضحك وهو اللي يرتفع ضغطه : خير ياخوي قايل نكته وانا ما أدري أنا : أيه بالله قايل نكته .. أجل تبيني أأمن على هالموتر ؟؟ لا بالله انك تنكت رد علي : مو مهم هات الرخصه والأستماره والخطأ عليك 100 بالـ % شلوووووووووون يالغالي ؟؟ الخطأ عليه هو طالعن علي من الخدمه مسرع ورايح لأقصى اليسار بالعام !!! أيه بس أنت صادمه من وراء .. والقانون يقول ان أي صدمه من الخلف يكون الخطأ عليك (( للأسف مافيه شغل بذمه وضمير ... بس خلّص هالدفتر وروح )) بس الحمد لله أن الرجال الطيب تنازل وكل واحد مشى بطريقه ---------------------------- نصائح مهمه مقتبسه من الموضوع : 1- أختر عنوان للموضوع يدل على زبدة الموضوع ولا تقعد تتفلسف 2- أن رحت للتحليه بالله راقب عدادات البانزين للمواتر اللي حولك 3- أن دقت عليك الداخليه لا ترد عليها وإذا وصلت قل لها الجوال خربان :D 4- لا قدر الله أن صار لك حادث حط في عين الأعتبار أن المرور مهب جايك ألا بعد ساعتين علشان كذا تنازل وتوكل على الله تحياااااااااااااااااااتي... |
هلا اخويــ:smilie47:ـــ جمــ ناطل باللفه ــس قصه حلوه والله s60s <<< نذل ههههههههه والله اني فاطس من الضحك هههههههههههههههههههههههههههههههههههههههههههههه , حللني:d هذي عقوبة الي مايطيع الداخليه !!! اما عن النصائح 777777 إقتباس:
تقبل مرووري :nono: سلامs13s |
ابو دليل قل الصدق الساعه كم دقت الداخليه إقتباس:
اللى انا خابره 12:30 :d وبعدين ليش ماتقول ان الحادث صار لك بطريق القصيم :d |
^ ^ ^ بانتظار الإجابة على أسئلة هذا العضو :D |
من جد تنفقع مرارتك و المرور ماجاك |
ههههههههههههههههههههههههااااااااي الله يرجكـ ياا شييييييخ أجل ماا تطلع إلا من الشنطه هههههههههههههههههههههههههههههه ؛ والله اللي صاادمـ .. مااله إلا يسدح المرتبه ويصكهاا نووومه الله يكفيناا الشر ؛ والله على الجمس .. لولا وااارد الستين .. يااليت ماابدلوووا رووودهـ وسكاانه يااليت شاالواا مقصااته مع الجنبين .. خلوووهـ سسته على الدنقل كماا أخواانه غلطاان ياا من شراا من أربع وستين .. ماا يشتكي نبضة المطنااج رباانه :d |
أول شيء الحمد لله على السلامة ثاني شيء وش موديكـ للتحلية هاااااهـ :d وبعدين فيه أحد يروح التحلية على جمس 82 هـ :razz: عندي سؤال يقرقع في جعبتي ودهـ يطلع وهو : ما الفائدة من النظر في عدادات البانزين بتاع السيارات الثانية ..! بالنسبة للمرور فمتعودين منهم ذالكـ وتلقانا نستغرب اذا جو بدري .. جمس ناطل بالدوار شكراً جزيلا لكـ :d |
الله فلة :d .. راجع لك يا جمس .. بس بعد الدوام .. وصلت الين الداخلية :d .. **************************************************************************************************** *********************************** عودة ورده .. توني خلصت الدوام :d .. اكيد انكم مصدقيني ... ما يحتاج احلف :d .. اعجبني وصفك " للدقشة " البسيطة في الجمس :d .. وجاري التشييك من بكرة على عدادات البنزين في التحلية .. بس ما ظنيت اني بحصل كثير من النوعية اللي ابيها :d .. يمكن لأني في تحلية جدة :d .. المشكلة انهم يقعدن يفرون من العصر الين الفجر .. ولا ادري وين الفلة في الموضوع :d .. لاحظت من خلال الموضوع او الردود .. حجم المعاناة اللي يعانونها الاخوان المتزوجين من وزراة الداخلية :d .. وبصراحة ما بيدي الا اني اقول " القلب داعي لكم " :d .. ويا زين العزوبية s45s .. جمس مدري وش سوى على اللفة ورده :d .. يعطيك العافية على هيك موضوع لذيذ على قولة ابو مقبل .. ومقرمش على قولة ابو مساعد .. وتحيف على قولة ابو ناصر .. والله فلة على قولة ابو الوليد .. <<< مطوّل :d .. . |
إقتباس:
إقتباس:
إقتباس:
إقتباس:
|
طيب انت معك جمس وش صدمت ؟؟؟:D ومع ذلك اتوقع انها راحت فيها ومرة ثانية انصحك تشغل خدمة موجود اكتسرا ترا والله تنفع <<<<< مجرب :D |
الحاتمي ... مر من هنا .. ويقول : طيب وش المطلوب ؟! <<< ما فهم الهدف من الموضوع :wallbash: برايفت : فيه دورات في نيوهورايزون لتطوير مهارات التفكير والإبداع وإذا ما فيه ميزانية يمدحون دورات ( أبو الذهب ) :d |
مع أن مواضيعك (غـآمضة) . . والتفسير أغمض من الموضوع نفسه << يمديك على (أغمض) :razz:! لكن . . مجرد أننـآ نشوف (يوزرك) . . ويوزرـآت (الشيبان) الثانين فـ ألف خير :D لآهنت . . :smilie47::) |
يعطيك العافيه |
قصة مُمتعة .. ولاحظت انها تُحاكي حالنا وحال مجتمعنا بأمور سيــئة,,منها - الدوران والتكشخ بالسيارات عادة من عادات بعض شباب الرياض الذي ليس له فايدة سوى فراغ داخلي وحب للظهور,,وكأن شارع التحلية معبد او حائط المبكى ! -وصف حال المرور او رجال الاطفاء او رجال الامن بصفه عامة وهو عدم الاداء الجيد..وافتقاد الاسلوب الراقي..وجهلهم بغرض هذه الوظيفة..فهي ليست فترعضلات ورفع اصوات ارضاء للمكانة والسلطة بقدر ماهي حلول راقية حكيمة بالعقل واليد! (امننا مع الاسف يفتقد التجديد والتطوير ومواكبة العصر في تقنياته..كما هو الحال في براعة الدول الاوربية!) - الشرافه .. او حب مراقبة الناس وخصوصياتهم! (حتى العدادات ما سلمت !) - عدم فهم طبيعة الرجل السعودي متقلب الاحوال!!! فإن لم تتصل عليه والدته او زوجته بعدما افتقدته إلى وقت متأخر قال أني تعيس الحظ لا احد يهتم بي :( !! وإن اتصلت والدته او زوجته تطمئن عليه وتذكره بأن هناك من تـنتظرهـ بالمنزل وتقلق لاجله وتسعد بالجلوس معه شعر بالضيق والخناق! اخي ناطل جمس,,اسمح لي بمداخلتي الثقيلة .. وان لم تعجبك تجاهلها! <<-- رأت موضوعك من جهة اخرى بعد الاستمتاع .. قبل ان انسى ,,,, لديك بعضاً من الروح الخفــيفة .. اهنيك عليهاااا :) |
يا ولد حنا نبي صورة السيارهـ وغير هالكلام مافيه |
الوقت المعتمد في المنتدى بتوقيت جرينتش +3.
الوقت الان » 02:37 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd