اولا / السلام عليكم ورحمة الله وبركاتة

وصباحكم ومسائكم عسل

ثانيا / عندي فكرة للجمهور الهلالي اللي من خارج مدينة الرياض واللي بيحضرون حفل اسطورتنا سامي ( وياكثرهم ما شاء الله )

الفكرة تقول :

بما ان المباراة في منتصف الاسبوع والناس دوامات واغلبهم بيحضرون المباراة وبيرجعون من نفس الليلة وانا واحد منهم .

@ ليش ما نتفق حنا كهلاليين ( في اي مدينة ) على ان نجتمع في مكان واحد وبوقت كافي قبل الحفل
وننطلق في موكب واحد وكل سيارة على مزاج صاحبها اللي بيكتفي بحمل الشعارات الهلالية او صور سامي داخل السيارة واللي بيحط صورة سامي على الزجاج الخلفي وهذا اللي انا افضله.

(( وأهم نقطة انا نعكس صوره حضارية عن جمهور الهلال ومحبي سامي :
بالتقيد بالأنظمة المرورية
والسير وفق خطة منظمة
والبعد كل البعد عن التهور واللا مبالاة
وأهم شي الا نزعج قائدي المركبات الاخرى ( عشان يدعون لنا ما يدعون علينا ) ))

يعني :
انا من ( الرس ) اتفق انا وجميع الهلالين سوا اللي اعرفهم او ما اعرفهم ( من خلال المنتديات )
بالاتفاق على مكان معين نجتمع فيه بوقت يعلن قبلها بوقت كافي .وبعدها يتحرك الموكب . والبنسبة لي معاي ولد عمي والغمارة اللي ورا فاضية يعني اللي بيخاوينا اذا ماشالته السيارة تشيلة عيوني .
وكل هذا لعيون سامي .

وطبعا بتكون حلوة لو جو معانا عاشقي سامي من بريدة وعنيزة والبكيرية ورياض الخبراء
والبدايع ...... وانت ماشي .نجتمع ( مثلا )عند محطة الرياض السريع . ونمشي .

( اكرر وأعيد اذا وافقتموني الراي .... نعكس صورة حضارية عن مشجعي سامي )

اعتذر عن الاطالة ............ وبانتظار ردووووووودكم

قهر انا والله عندي اختبار ...

ذاكر من الحين

فكرة جيدة جدا

معقولة مافيه احد وده يبدي وجهة نظرة

عالعموم انا بانتظار ردودكم

انا من الرياض ويكفينا انك انت تبي تحضر والنعم فيك اخوي وانا موجود من الصيح والعزبه الطبخ معي لين يفتحون البوابات ان كان ودك تقلط حياك الله والله نتشرف

تروحون وترجعون بالسلامه اخوي

وسامي يستاهل كل هالتعب والحب من الجماهير

وانت مثال للمشجع الوفي ورده

وانت لحالك تكفي يالغالي ورده

مجنون الفريدي / تسلم يابعد قلبي وشكرا عالمشاركة

هلالي الفن زعيم القرن / الف شكر لك وهذا من ذوقك يالغالي

,وييييييييييييييييييييييييييييييييين جمهور سامي اللي من خارج الرياض ؟؟؟؟؟؟؟؟؟؟؟؟؟؟؟؟؟؟

الى الان لا تفاعل ولا هم يحزنون