ياسر القحطاني يخرج من المان سيتي باكيا ً .. ضحكتينا يا الرياضي - نادي الهلال السعودي - شبكة الزعيم

أسيــ الزعيم ــر · #1 09/01/2008, 04:43 PM

السلام عليكم

مسائكم ورد / صباحكم سكر

فاضين يا شباب صح

وأكيد ودكم تضحكون وتفرفشون

طيب في مجال الاعلام الرياضي اذا بغينا نضحك وش الخيارات المتاحة لنا

وفيه غيره

الرياضي

جريدة كل الوطن

لا احد يقول وصخنا المنتدى بـ إسمها .. لا يا شباب حنا مقبلين على فترة اختبارات .. ولازم تكون موجودة للفرفشة

مالكم في الطويلة .. الرياضي ما شاءالله عليها تتابع الاحداث اول باول

الله لا يضرها مجتهدة وتصيب دايم

طلعت لنا خبر والله مدري هو اليوم او مبطي المهم توني اشوفه وعلى النت لأني مافكرت اشوفها بمجرد النظر في السوبرماركت

الخبر يقول ان حارس مانشستر سيتي جون بوريدج تكلم عن ياسر وإليكم الكلام بالمختصر :

لقد أتى إلينا لاعب عربي وبدا كأنه أمير ومعه حاشيته وكان كل ما لمس الكرة صفقت هذه الحاشية .. ثم إمتعض

لاعبي الفريق ثم أتى ريتشاردز وانبرش

عليه انبراشة ً لا مثيل لها

ثم خرج من الملعب وهو يبكي .. واللاعبين يقولون يا عوينه عويناه

<< هذي من عندي

ثم ما قصرت الجريدة في تقصيها للحقيقة

وراحت وسألت ياسر القحطاني عن التصريح .. وقال لهم ياسر

انا ما أبي أعلق على مثل هالكلام والتصاريح .. لكن ريتشاردز كان في فريقي فـ كيف يكسرني .. وبعدين أنا رحت للملعب مع تركي المقيرن بس

أمور تجعل الخبر غبي + غير صحيح

والله اسف يا الرياضي لكن ما اقدر لازم نضحك

أولا ً الحارس جون حارس معتزل وهو ما ذكره الخبر .. طبعا ً هذا وش يخلينا نقول .. نقول يمكن الحارس مع الفريق يعمل كـ مدرب حراس مثلا ً

المصيبة أن الحارس لا معهم لا كـ حارس ولا مشجع ولا مدرب حراس ولا هوب من أساطير النادي ولا أي شيء أبدا ً .. فـ كيف جا وشاف التدريبات .. زين ما قال انه صد بلنتي لـ ياسر

المصيبة يا جماعة الخير تدرون وشهي .. ان اللاعب ما كان موجود في إنجلترا بـ حكم عمله مدربا ً للحراس في نادي العين الإماراتي وكان في السابق مدرب حراس في عمان وهو اللي اكتشف علي الحبسي

وحسب ما سمعت أيضا ً انه يعمل مع قناة رياضية ...!!

وعلى فكرة جون لعب مع مع المان سيتي موسم 94- 1995 م وما لعب الا 4 مباريات .. واعتزل في عام 1997 م

الله يخلي طرائف الصحف لنا

المصيبة الكبرى ان موقع goal هو من نشر الخبر .. الموقع هذا جيد ويجيب أخبار عالمية جيدة

لكن قريبا ً بشوف وش علة هالموقع لأني من يوم ما عرفتها وانا اقرا تقديم للمباريات الإنجليزية وألقى في النهاية ان اللي كاتب التقرير محمود حسين او شي زي كذا .. قريبا ً انتظروا فضيحته هو بعد

نشوفكم على خير ورده

وسامحونا على الكتابة بالعامية لكن الموقف يتطلب ذلك

S K Y · #2 09/01/2008, 04:45 PM

جريده متسخه واتمنى مانجيب طاريها في هذا المكان على شان مايتلوث الجو
وجون شخص معتوه اوجعته ضربه ياسر للماان ستي

fINAL · #3 09/01/2008, 04:46 PM

^^^^^^^^^^^^
كفوووو والله انك صادق جريده ما تعرف للكره معنى

مدريدي جداً · #4 09/01/2008, 04:50 PM

هلا بمشرفنا...

مدري وش جابنا على منتدى الجمهور...

المهم في حكمة في الحياة تقول : طنش تعش تنتعش...

القافلة تسير و الإتحاد ينبح...

تحياتـــ ي ـــــ

Best Goal · #5 09/01/2008, 04:55 PM

كفوو .. صراحه بحكم انك متابع جيد للدوري الانجليزي طلعت فضايحهم !

اسلم على الاخ محمود حسين و اقول له هاردلك .

انترميلاني · #6 09/01/2008, 04:55 PM

لاحول ولا قوه الا بالله

الرياضي وصلت لمرحله ................ الله المستعان بس

والله ذيب يا سامي · #7 09/01/2008, 04:56 PM

أسير

وش تسوي بمنتدى الجمهور

؟

أجل تقول مجتهدة هالجريدة ها

كل أبوها 16 صفحة

5 للاتحاد , و 3 للدوري السعودي ككل , و 2 للدوريات العالمية , و 6 معلومات تقنية وفنية من عام 2002

وعادي يعني يطلع منهم هالكلام , لا تنسى الصن والتريبل في انجلترا

ولكي تعرف مدى نجاح شخص , انظر إلى عدد أعدائه

جريدة الرياضي

أكرمكم الله

Miho · #8 09/01/2008, 04:57 PM

ولا تنسى انهم كاتبين قبل لقاء الكلاسيكو الاسباني انه تقدم يومين بسبب المشاركات الخارجية وضغط المباريات

والقادم أحلى مع الرياضي

المجنون!!! · #9 09/01/2008, 04:57 PM

ههههههههههههههههههههههههههههههههههه
تبي تضحك اقرا شمس والرياضي

كاريرا · #10 09/01/2008, 05:08 PM

هههههههههههههههههههههههههههههه

بالعكس والله جريده رائده >>>> كثرلي مها هذي

والله جريده تظحك خلوها مونستنا

ابو هلالي · #11 09/01/2008, 05:10 PM

إقتباس


	أسير وش تسوي بمنتدى الجمهور ؟ أجل تقول مجتهدة هالجريدة ها كل أبوها 16 صفحة 5 للاتحاد , و 3 للدوري السعودي ككل , و 2 للدوريات العالمية , و 6 معلومات تقنية وفنية من عام 2002 وعادي يعني يطلع منهم هالكلام , لا تنسى الصن والتريبل في انجلترا ولكي تعرف مدى نجاح شخص , انظر إلى عدد أعدائه جريدة الرياضي أكرمكم الله

كلامك صحيح

هلالي جامعه البترول · #12 09/01/2008, 05:11 PM

لا لا لا لا لا لا

مو معقول

أبو عابد هنا وش هالنور ياعيال ..!!

أبو عابد رجاء الا الرياضي أنا أتابعها يومياً ومشترك فيها لمعلوماتك لمده عشر سنوات قدام .. جريده ماتعرف تكذب ولاتعرف تسرق ولافيها صحفيين على شاكله جستينيه ولافيها كتاب مريضين نفسياً .. وجريده عدد قرائها يومياً كثير مررره حدود الخمطعش وركز على الخمطعش ..!!

أبوعابد والله صدمتني في هالجريده وماراح أصدقك لأني ماتعودت من هذه الجريد الراقيه الكذب والاحتيال على قرائها ..!!

جريده الرياضي هل هناك جريده بمعنى جريده بهذا الاسم .. لاعزاء ياأبوعابد على مثل هؤلاء المرتزقه وأبواق البلوي فياسر الان هو مصدر رزقهم بعد اعتزال سامي ..!!

ياسر هنيئاً لك فالكل اصبح يسترزق من الكتابه عنك .. يكفيك ايها الكاسر انك تسير على خطى الجابر وأنك شغلهم الشاغل ..!!

أبوعابد << لاتختفي كرر الزياره

مهنا الهلالي · #13 09/01/2008, 05:13 PM

ارجووووووو مقاطعة الرياضي..... لانها التخدم الوطن والذي ياسر جزء منه

Mr.GoaL · #14 10/01/2008, 02:11 AM

الله يعطيك العافيه يابوعابد

كل يوم تثبت هالصحيفه انها مريضه اكثر واكثر

وردة شقى · #15 10/01/2008, 02:21 AM

تخلف بعينه واعلمه

الله يعطيك العافيه على توضيح هذا الخبرالكاذب ...