صدفة لقيت مصطفى ادريس ،، سبب الخشونة مع سامي ،، مصطفى يطلب من محمد بن فيصل ...... ،،،(صور) بسم الله الرحمن الرحيم مصادفة وجدت اللاعب مصطفى ادريس بالقرب من نادي الخطوط مخرج 14 على طول جاء في بالي سالفة عضو الشرف اللي وعد مصطفى ادريس بـ 100 الف بس ينهي سامي من الملاعب :upset: المهم وقفت عند مصطفى ونزلت الدريشة وسلمت : السلام عليكم وعليكم السلام كبتن مصطفى امر اخوي ما يامر عليك عدو انا مشجع هلالي والنعم فيك (قالها وهو يضحك) قلت مصطفى ابغى انزل موضوع عنك في المنتدى قال اي منتدى قلت منتدى الزعيم قال خذ راحتك قلت ابسألك قال تفضل قلت انت تدري ان الاسطورة سامي اعتزل وجه له كلمه (طبعا انا ابي اوصل لشي من ورا هالسؤال:naughty:) قال ربنا يوفقه ان شاء الله لاعب كبير ما شاء الله عليه ويستاهل كل خير واتمنى له التوفيق بعد الاعتزال ادراري او مدرب او اي شي قلت طيب وش فيك على سامي زمان (هذا اللي ابي اوصل له:naughty:) غشى ضحك وتقطع من الضحك وقال والله ما في شي عادي احلا ايام زمان قلت سؤالي واضح وشفيك على ساميs75ss75s قال والله مافي شي بس المبارة تكون قوية ويصير شوي اللعب حماس قلت يتعبك سامي؟ قال والله شوف مو مجاملة لعبو قُدامي مهاجمين كتير بس اللاعب اللي يتعبني كثير هو سامي وما اقدر اوقفه الا بفاول قلت انت مهوب تسوي فاول انت تذبح سامي قال والله ايام وراحت وسامي لاعب كبير بعدين طلب مني طلب قلت تفضل قال سلم لي على الامير محمد بن فيصل وقول له ارسلت لك رسالة تكفى يا طويل العمر رد علي انا بحاجة لمساعدتك قلت ابشر بنزلها بالمنتدى مع السلامة مع السلامة و هذي الصور عذرا الصور كبيرة مره لانها من الجوال شكرا للعضو محمد بن ف@د على تصغير الصورة http://www.ksa-jedd.net/up/uploads/b1e038bfca.jpg واللي يبي الصور توقيع لا يشاور :d:d:d:d:d:d:d:d:d:d:d:d:d:d |
مشكور عبدالعزيز ورده والصوره كبيره شوي :d |
الله يسهل امره ولا هيب غريبه على ابو سلطان انه يرد عليه ومشكوووور على التغطيه الاعلاميه وشكل الموقع بيحطك مع اللحنه الاعلاميه وش رايك (========= مسوي نفسه عطر الاماكن ول واحد من الشباب اخوياه |
الصووور مره كبيره اما بالنسبه لمصطفى والله انه يحزن ان شاء الله يوقف معه الامير محمد بن فيصل حتى لو بمبلغ بسيط اذكر جابوا عنه تقرير بالاخباريه والله اني كنت شوي وابكي عليه معقوله لاعب مثل المنتخب ومثل نادي كبير مثل نادي النصر واخرتها سيكورتي لا ومعه السكر بعد والله شي يحزن وبقوه |
مشكور,, معليش أحط الصور توقيع بعد اذنك:d:d:d:d |
مشكور والله يساعده |
الصوره كبيره شويييييييييييييييييييييات ما هو شوي |
الصورة كبيره |
تسلم اخوي وقلله اميرنا الحبيب مافي راسه حيله |
والله حالته حالة وباذن الله الهلاليين يوقفون معه بغض النظر عن الخشونة داخل الملعب صراحة اللاعب كان اخلاق جدا جدا الله يوفقه ويفرج همه وهمنا اجمعين |
حبيبي هذي صوره صغرتهاا وزينتها لك .. http://www.ksa-jedd.net/up/uploads/b1e038bfca.jpg مين اللاعب مصطفى آدريس آخبر أنه لاعب مصري :d وبعدين وشـ هـ الجمس الحمر ..:d وين مصوره . :d شكراً .. |
يعطيك العافيه الصوره كبيره |
مشكور اخوي على توصيل رسالة مصطفى ادريس والله يرزقه ان شاء الله |
ممكن سؤال .. ! وشلون صورته عند الاشاره .. ! وجنبه جدار . ! مشكوور ع الموضوع .. ! والله يساعده |
إقتباس:
وش دخل الاشارة ومن جاب اصلا طاري اشارات اقرا زين الله يعظم اجرك :d (مصادفة وجدت اللاعب مصطفى ادريس بالقرب من نادي الخطوط مخرج 14 ) نادي الخطوط السعودية عساك عرفته |
الوقت المعتمد في المنتدى بتوقيت جرينتش +3.
الوقت الان » 02:56 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd