بــــــسم الله الرحمن الرحيم
السلام عليــكم ورحــ م ــة الله وبــركاتة

أحييكم أخــواني وأخواتي الاعضـاء في شــبكة الــزعامة ومنــتدى الفـخامة<<دلـع للمجلس
بــتحية عطره ممزوجــة بنـوع من الصقيـع علــى كل من تفــضل في ثــالث مــوضوع لـي عــلى مـنتدى الفخــامة...<<أدخـل على الموضوع بسـرعه

الكـتاب واضـح من عنــوانه
ومـوضوعي واضح مضمونه من عنـوانه00

"وش أصعب موقف مريـت فيه وتحس انك تفــشلت ؟ "

وسبـب كــتابتي لـهذا الموضوع كــثرة المــواقف المحرجة اللي يــمر فيها شعبــنا السعـودي

وأنــا راح أبـدأ بموقفين صــاروا لي بيوم واحد وبصراحه هذاك اليوم كــان يوم [ بــايخ ] بكل مــاتعنية كلمــة[ بــايخ ]


الموقف الأول:
طبـعا كنت فالمــدرسة<<مسكــين طالب
وكــانت حصة ادب<<<<وداخل شرعي بعد
المــهم
دخل المـدرس <<ماوده ينتف المدرسه عشـان ماياخـذ حــسناتة
وكــان واقف وقــال واحد من الطــلاب الممــلوحين<<دققوا فالكلمة لانها بتفيدكم بعدين
بصوت عــالي ل{ياأستاذ غير حصة الادب وخلها يوم الاربعــاء}
وانــا دخلت فوجه الــطالب هذا وقلت بكل بـرائه بنفس نبرة صوت الطـالب لامــانبي
وعــاد ذا الأســتاذ المــالغ قـال وش دخـلك أنت يكلمني ولا يكــلمك
وكــان الفصل هــادي

ورحت ملح وأنـواع ألوان الطـيف فوجهي<<لاحد يجي يقول ليش مارديت عليه لانه لخمني وأنـا كنت متحمس يعني انلطمت على خشتي
وبكل خــبث الأسـتاذ يقول للطـالب ليش طــيب
ومـن بعدهــا حقدت على الأستـاذ حقد مايعلمه الا ربك وصارت كل حصه يجي فــيها انوم بدون نــقاش





المــوقف الثاني:

فنــفس اليوم الحصة الأخــيرة المـدرس غــايب وأنـواع الأغــاني فالفصل والطهبلة
وكل واحد ماخذ جوال الثــاني
المهم
كل واحد معه جـواله وفـرحانين وضحك عـاد جاء واحد من الطلاب قــال ترى الحين فيه تفتيش
وكلهم انلخموا ومــايدرون وين يودون جـوالاتهم فيه وخصـوصـا أنهم عـارفين أن الوكـيل هو اللي بيفتش
عــاد زبنوا جــوالاتهم فوق المكـيف من بــرى يعنـي أبن امه يلقــاه
وألى الان مـاجاء الموقف الـبايخ
المهم
وطول الوكيل مــاجاء لحكمه مــنه الذيب
والعــيال طلعوا جوالاتهم وصـارا يشغلون أغــاني بحذر
ومــادروا الا الوكيل مــداهمهم
عــاد دخل الوكــيل وهم مطفين كل شي مـافي شي يشتغل بس يتفرجون

وصــار يمشي على واحد واحد درج المــاصة وجيوب ثــوبه

وقبل مــايدخل انـا كنت مـاخذ جــوال واحد وبعدين واحد ثــاني اخذ الجـوال مو صـاحب الجوال واحد غيره يعني أنا صرت[ كوبري ]
ويوم دخل الوكيل خويي اللي مــاخذ مني الجــوال رجعه فدرجي وأنـا مــاأدري
والوكيل يفتش لسى مــاوصل
وواحد قدامـي يقول ترى الجـوال فالدرج
وعلى طـول أدخـل يـدي فالدرج وأطلع الجـوال من اللخمه مـدري وش اسوي حطيــته فالشنطة
والوكيـل يمشط الطـلاب وطــبعا طلعوا ضحـايا قبل مــايجيني حــوالي ثلاث جوالات أخذ
وهو يفتش
مسوي بتلكع عــليه وأحط يـدي على الشـنطه على أني بتكي
عــاد حطيت يدي على الشنطه وصــارت الحــادثة
الــجوال اشتغل وولعت اغـنيه
عــاد الوكـيل نـصاني على طول والفصل هــاجد والجـوال يرن فالشـنطة
مــدري وش اسوي أنـا على طول طلعته وعطيته صــاحبه وصـاحبه بـكل براءه سلم نفسه للوكيل وعـطاه الجـوال
وأنـواع الضحك عـلي
بس طـلعت نفسي منـها بطريقة أحــترافية عشـان ماأخسر صـداقة خويي وش قلت
ذبيتها فاللي حط الجــوال فالمــاصه ووجهت علـيه ســهام الأتهــام

بـس وش تفيد الأتهــامـات وأنـا تفشلت والـجوال يـرن فشـنطتي

بس الحمـد لله جـوالاتهم راح ترجع لهم يـوم الثلاثـاء القـادم

هذي هي مــواقفي البــايخة اللي صــارت لــي بهذا الـيوم يوم الأربـعاء
بأنتظــار مــواقفكم المــحرجة

وأعذرونـا اذا كــنا أطـلنا علــيكم
وأستروا مــاواجهتوا

دمتم بــود
أخوكم:"مجنوون بس هلالي"

هلا واالله اخوي ..!!

اصعب موقف مرة كان ابوي عازم ناس وقالي رح جب الغدء من المطعم
رحت انا واحد وحنا راجعين مسرعين شوي والاشارة خضراء وولعت صفراء
وقدامنا واحد كع فرامل اول ماصارت صفراء وانا احضر فيه وانزل
والاقي اللحم والرز في الصندوق انكب من الصحون عاد مادرينا وش نسوي
عاد قمنا نلم لم الرز واللحم ونرجعه للصحن وجبناه وهم يتغدون احس كل واحد بغا يكسر
ضرسه حجر من صغير بوسط الرز

عاد منيب قايل لكم وش صار بعد ماراحو الضيوف وجولات المصارعه اللي صارت خخخخخخخ

بس هذا اللي يحضرني وهو من اصعب المواقف ..!!

اوووووووووووووووووووووووووووووووه
والله يـاهي شينة

على العموم شـرفني مـرورك

إما انا المواقف كثييييييييييييييييييره بس بذكر منها أثنين

الموقف الأول

كان أبوي (الله يرحمه) معزوم على عشاء عند واحد من الجماعه وكنت انا وقتها توني متوظف وكان طايح مدح فيني
المهم كانواالرجال جالسين فالحوش وقتها كان صيف وجيت أنا امشي ومحد قدي<< مصدق نفسه يعني بمشيتي مطبق الحكمه اللي تقول واثق الخطوه يمشي ملكا يوم شافةني الرجال كلهم قاموا وقبل لا اوصل لأول واحد كانت فيه حديده طايحه رفعت رجلي عنها بس الشكله أني رفعتها معي يعني نشبت فرجلي وأنا اطيح تمنيت إن الأرض انشقت وأبلعتني
المشكله الشماغ فجهه والعقال فجهه والنعال (عزكم الله) ما ادري وين راحت صراحه موقف صعب

الموقف الثاني
فالعيد هذا اللي راح كنت أنا براسي معزوم عند واحد من اخوياي على عشاء<<<< ماتفوته العشيات المهم جيت كاشخ وحالتي حاله وريحت العطر يشمها اللي في آخر الديوانيه المشكله وين جلست في صدر المجلس <<<< أول مره يجلس فصدر المجلس يوم تقهويت كان نفسي بالشاهي جاء القهوجي وصبلي شاهي أخذت الكاسه حدث مالم يكن في الحسبا انكسرت الكاسه في حضني دورني وقتها ماتلقاني تعرفون اللي أكله الحار ومسوي نفسه قوي ولا همه شي هذا أنا وأروح للمغسله ولعنت اليوم اللي جيت فيه لخويي

تقبلوا تحيات أخوكم
فيني منك وفيك مني

لي عودة....

بنسبة لي
عندي موقفين واحد لي والثاني لصديقي
الاول
كنت في النادي ابوي يعطي كل واحد من اخواني شنطة(حتى انا)
المهم اخوي الصغير ضاعت شنطته جا ابوي ياخذنا من النادي
درا ان اخوي ضاعت شنطته
قام ضربه من الملعب حق النادي لييييييييييييين الاستقبال
و24ساعة اصدقائي في النادي يعايروني
المهم انا اشترك في النادي كل اجازة صيفية(الله يعيدها علينا)
جت السنة الي بعدها
رحنا النادي توقعت اصدقائي نسو
اللا يقولون تذكر ابوك يوم يطق اخوك
عاد انا اسلكها واقول متى ما اتذكر
وعاد نسو مع مرور السنين
الموقف الثاني لصديقي(مثير جدا)
المهم صديقي تطاق مع واحد في صف ثاني واخو الولد في صفنا
وخلصت المطاقة
وكان عندنا حصة فراغ ورحنا المكتبة نقرا قصص المهم ابو الولد المطقوق كلم الوكيل وهدد المدرسة انه يجي
يطق صديقي جا الوكيل عندنا وقفل باب المكتبة وحنا ما ندري عن شي جا ابو الولد وكسر باب المكتبة
وقال :مين طق صديقي
صديقي:انا
ابو الولد:ليش
صديقي:هولي بدا
وقام ابو الولد وعطا صديقي كف لا يصد ولا يرد
وكسر يده ومافي احد من المدرسين لعب في الولد لعب
يوم فات الفوت جو وخذو ابو الولد عند مكتب المدير وكل طلاب المدرسة طلعو برا صفوفهم
وجابو الشرطة وابو صديقي ووقفو ابو الولد يومين
وانتهت القصة

أهلن

أنا أصعب موقف كان أمس

كنت في المدرسه وكانت وحده من المرقبات اذا البنات طلعو من الفصل قعدت تصارخ وتقول

فااااااااااااااااااصصصصصصللللللللتتتتتتتتتتتتتتس

وعاد أنا وبنت عبد الله وبنتين كنا راجعين من الفسحه ولقينا البنات طالعين

فأنا قعدت أصارخ وأتطنز وأقول فاااااااااااااصصصصللللتس

وبعدين ألتفت ولقيت المراقبه بوجهي وهالعيون طالعه التفت لها بكل براءه وقلت مو أنا اللي قايله

وانحشت وبنت عبودي وصديقاتي انحاشو وراي وكان يوم مرعب

تقبل مروري

هلا وغلا

في عطلة الحج اللي راحت كنت انا وبنت فهد (بنت اختي) كنى في المطبخ ومكانه برا في الحوش

وانا وبنت فهد نتخيل شي محرج نحتفظ فيه واحنا مندمجين مع هالخيال وسمعنا صوت قطوه

انا وبنت فهد نكره شي اسمه قطوه وانا قعدت اصارخ وامسك بنت فهد وبنت فهد مسويه قوه وشجاعه

قالت وش تووقعين حرامي يعني وكانت خايفه ومعصبه وقلت انا يالله وريني شجاعتك هي مشت

وطلعت برا المطبخ بتشووف لقته ابوي يابعدي يا يبه توه راجع من مزرعتنا >>تبي تعلمكم ان عندهم

مزرعه

وانا جايه لبنت فهد وهي قاعده تضحك انا قلت البنت عندها شي لقيته بابي وسامع تخيلنا المحرج

من اوله لاخره وا خزياه ومن بعد هذا التخيل استحي اطالع في ابوي

اتحداكم كم كتبت كلمت بنت فهد

تقبل مروري بنت عبودي

... باختصاااار هذا موقف صااار لي اليوووم طااازج


.. كنت معصب من اخوووي .. وابي ادق علييية اهااوشة ..



وبالغلللط دقييت على عمي .. انا قاعد اهاااوش .. (( مادريييت الاانا اهاااوش عميبالغلط




_______________________________________


اللي مايسجل باللعبة اللي بتوقيييعي ××ماعنده ساااالفة

واي استفسار ...منتدى الالعاب اللكترونية ..


[email protected]

بــصراحة مــواقفكم قوية

وشـرفني مروركـم

الموقف الي بكتبه يفـــــــــــشل حيييييييييييييييييل

مره من المرارير رحت لسوبر ماركت وماتغطيت بالنقاب تغطيت بالطرحه المهم جيت عند الي يحاسب ونزلت راسي باخذ الأشياء الي في العربيه يوم نزلت راسي طاحت الطرحه وااافشلتاااااااه والي يحاسبون كانو ثنين سعوديين المهم شافووني انا صار وجهي طمااااااطه ووشفت واحد دز الثاني وهو اللي اخذ الأشياء صدق فشيييييييييييييله و حرمت اتغطا بالطرحه