رساله الى ادارة النادي
الي يأيدني فيها يكتب والي ما يأيدني يكتب ولكل واحد اسبابه
يالربع ابي اسألكم اش رايكم في العنقري ابيكم تجاوبوني على هذا السؤال
ونبي رأي العضو الصمت الي والله اعلم انه العنقري نفسه او واحد يقرب له وطاير بالعجه
يا ناس اللاعب هذا حرام يلعب في الدوري الممتاز والله حرام بعيد عن نادي الهلال والله بمستواه الخايس هذا مايصلح له الا نادي حرا والا الرايد بالكثير واحتمال يتغلون وما يبونه.
يالربع هذا مايعرف شيئ عن الكوره سوى انها مستديره .
يالربع انا اشك وغيري كثير يشك ان ابو الشباب هذا عنده واسطه ماهي بصاحيه هي الي تخليهم يدربون روسهم وينزلونه مغصوبين والا مادري اش القصه.
يالربع انا راقبت الولد هذا فتره طويله لقيته يطيح في غالب الأحتكاكات واي هجمه للخصم من عنده خطيره والله اتذكر مره في مباراة الوحده الاماراتي ابو الشباب ماقدر يرد لعبت واحد من لعيبتهم والله ماهو مميز لاعب عادي واقل من العادي تراه شعره طويل شوي والله يدوب احتكو ببعض وطاح على طول يقولون عذر البليد مسح الصبوره فلاحظوا طيحاته انتم في اي مباراه هذي نقطه مسئلة الطيحات وبإمكانك تلاحظونها.
النقطه الثانيه ليه دايم يستلم الكورات صح ولاجا يسلم غالباً مايسلم صح وتنقطع بستمرار كراته ولاجا يشوت ف على الدنيا السلام واذا جاء يبي يصلح زي الدوخي ويأدي مهام الدوخي الي المفروض انه يأديها يبطي عظم لو وصل لنهاية الملعب عشان يرفع ولاقد وصله والله اعلم دايم يقطعون الكوره منه او يناول الفريق الخصم بالخطاء


الزبده لاعب زي هذا مايدافع ولا يهاجم ولا يرفع كرات داخل ال 18 ولا يسلم كرات صح لزملاه ودايم يحاول انه يتخلص من الكوره لاحظوها هذي بعد دايم يحاول يتخلص من الكوره بأي طريقه المهم تروح من عنده ويطيح اكثر من وقوفه ولعبه

زي هذا اش نبي فيه سؤال لمحمد بن فيصل
نبيه يجاوب عليه
السؤال الثاني /هل يستاهل يلعب لفريق الهلال وهل عنده الامكانات لذلك؟

وتدرون اش القهر ملبسينه فنيلة النمر f15 ناسينه بدل مايعطونها التايب والا يلغون الرقم هذا ماحد ياخذه بعد يوسف الثنيان يعطون العنقري نهاية زمن فرق بين الثرى والثريا

تفاعلو معي يا زعماء تكفون طلبتكم طلبه خلونا نخلص من هذا العنقري الي مرتبط اسمه بالكوارث