بسم الله الرحمن الرحيم
اول موضوع لي في منتدى الجمهور الهلالي واتمنى ما يكون الاخير
ترددت في كتابة موضوع صراحه لان بعض الاعضاء ما تشجعك على
الكتاابه
فعلا لان البعض منهم يردون ردود لا تعليق ابدا ابدا ابد
ولو تقول شي ما يعجبهم قالوا انت مندس ونصراوي.
احوال الهلال صراحه سيئه الفتره الماضيه اللي طالب باستقالة الرئيس
واللي كان يطالب بابعاد المفرج ولاعبين كثير ايضا
وبعض الاشخاص يكتب بعدهزيمة الهلال السب والشتم
في اللاعبين في المدرب في الرئيس
انا شخصيا بعد هزيمة الهلال من الاتحاد في النهائي والله
ما دخلت الموقع لاني ما ابغى اكتب كلام اندم عليه
فياليت بعض الاعضاء الكرام انهم كل ما يكتب موضوع او يعلق على موضوع
يدري انه ما يمثل نفسه لا يمثل جماهير نادي القرن الاسيوي
وعلى فكره المنتدى يدخله النصراوي الاتحداي الاهلاوي
وغير كذا الاشخاص الغير سعوديين مثلا من دول الخليج
وهذا كان ظاهر في مباراة الوحدة الاماراتي
لذلك احنا نمثل جماهير السعودية ككل
وذا احد قراء بعض المواضيع وبعض الردود
صراحه ما الومه اذا خذ فكره سيئه عن مستوى الفكر الكروي لدى الشعب السعودي
وخصوصا الشعب الهلالي الكبير.
وبخصوص موضوع تذاكر اعتزال ابو عبدالله
صراحه ما الوم الجمهور لان البعض يقدر والبعض ما يقدر
واتوقع بسبب الفريق اللي راح يقابل الهلال
مو تقصيرا في حق سامي لكن مانشستر معروف ومن اكثر الانديه جماهيريه
على مستوى العالم
لكن اننا نسوي صور للملعب ونقول كذا الحضور
ما اتوقع هذي حلوه
الله يوفق سامي في حياته بعد الكوره هذا اذا مرجع للكوره
كمدرب او محلل او كاتب صحفي الله يوفقه وين ما يروح.
اسف على الاطاله اتمنى موضوعي يكون مفيد للاخوان الاعضاء
همســـــــــــــــــــــــــــــــــــــــــــــــــة
سمعت سامي في التلفزيون وهو يطلع تغيير في مباراة السعودية ضد المغرب في نهائيات94 يقول لفهد الغشيان (ابيك ما توقف ابيك تحرث الملعب) 
الوضع العادي
