][ مـجـلـس شـاعـر الـملـيـون ][ تغطية حصرية ][ فيديو + جوال + صوت+ ضيف الشبكة ][ - نادي الهلال السعودي - شبكة الزعيم

شاعر المليون · #1 09/01/2008, 03:42 PM

بسم الله الرحمن الرحيم

السلام عليكم ورحمة الله وبركاته

هذه تغطيتنا الحصرية لـ شبكة الزعيم ، في الجزء الثالث الذي بُث على قناة ابو ظبي الليله الماضية 30/12/1428 هـ ، 8/1/2008 م ...

شارك في هذي الحلقة الشعراء :

الشاعر ثنيان الرشيدي من المملكة العربية السعودية
الشاعر سعد مرزوق الأحبابي من دولة الامارات
الشاعر عقاب الربع الشمري من المملكة العربية السعودية
الشاعر عيضه السفياني الثقفي من المملكة العربية السعودية
الشاعر فالح بن قشعم الهاجري من دولة الكويت
الشاعر فليح الجبور الصخري من المملكة الاردنيه
الشاعر ناصر الفراعنه السبيعي من المملكة العربية السعودية
واستبعاد الشاعر خالد المطيري من المسابقة .

وقد تأهل كلاً من الشاعر ناصر محمد الفراعنه السبيعي والشاعر فليح الجبور الصخري إلى المرحله القادمه مرحله الـ 24 .
* استبعد الشاعر خالد الحميداني المطيري من المنافسه .

وقد تأهل الشاعر خالد محمد العتيبي من المملكة العربية السعودية الى المرحلة المقبله

نبداء

بـ محبوب الجميع ،، ابرز المرشحين لـ البيرق ..

نبداء بـ

ناقتي يا ناقتي لا رباع ولا سِديِس ... وصليني لابتي من ورا هاك الطعوس
حايل رابع سنه من خيار العيس عيس ... خفها لا درهمت كنه بـ النار امحسوس..!!

لن نتحدث فـ هذا
ناصر بن محمد الفراعنه السبيعي

الشاعر ثنيان الرشيدي

الشاعر عقاب الربع الشمري

الشاعر سعد مرزوق الأحبابي

الشاعر فالح بن قشعم الهاجري

الشاعر فليح الجبور الصخري

الشاعر عيضه السفياني الثقفي ][ شاعر الهلال ][

][ ... نستضيف ... ][

ابحرنا في بحور الشعر ، موج هائج .. والعواصف من حولنا .. لا نرى سوى اشباهـ جزر ..
اهلكنا العطش .. ادركنا الجوع .. جزيرة ..!!
اقتربنا من هذه الجزيرة ... جزيرة في عرض المحيط ..!!
حطت رحالنا على شاطئها ... ارتوينا من مفرداتها .. استمتعنا بـ جزالتها ..
الجزيرة .. جملية .. هادئة .. في عرض المحيط ... هو كذلك شاعرنا ..!!
شاعر مبدع .. استطاع ان يصل إلى قمة الساحة الشعرية .. !!
محمد بن عويضة اليامي ... جزيرة في وسط محيط هائج .. متضارب ..
شاعرنا تحدى ظروفه .. ظهر بريقة في شاعر المليون .. عرفناه .. احببناهـ
اهلاً به بيننا

كتب شاعرنا في المملكة العربية السعودية

يابلدنا .. مهما كانت تسميتنا ..
(عاجزين – معوّقين)
لك عهدنا ..
وذا قسمنا :
أقسم بالله العظيم .. منزل الذكر الحكيم
أن أصونك يابلادي ..
من شرور العابثين
من نوايا كل فاسد .. من مطامع كل حاسد
وإني لك حصنٍ حصين
إنتي ناديني وشوفي .. لا نويتي بالجهاد
والله أقهر لك ظروفي .. دامك إنتي لي بلاد
وبإسم كل العاجزين ..
(دام فينا إصبع يطول الزناد ..
لايهمّك يابلادي ..
وإزهليها )

من هو محمد عويضة اليامي ..؟؟

إنسان محب للجميع .. وشاعر يسعى للوصول لقلوبكم .

أين كنت عن الساحة قبل شاعر المليون ؟؟؟

متواجد بشكل بسيط لأن الظهور في ذاك الوقت كان يحتاج واسطة ونفاق لأصحاب المجلات وغالباً كان لازم الشاعر يداوم في المقهى (الشيشة) اللي يتواجد فيها رئيس تحرير مجلة ويقعد يضبط له الجمر وينكت له كود ينشر له في ربع صفحة.

لماذا سميت بـ " شاعر الرسالتين" ؟؟

لأني أحمل رسالتين وهي 1- رسالة الشعر . 2- رسالة هم المعاقين

شاعر اكتسبت الخبرة منه، وأثر عليك بداية مشوارك..؟؟

استفدت كثير من ذكاء أخوي فيصل اليامي وتعلمت منه الكثير .. أبو نوف كان ومازال مرجعي للنجاح.

ميولك الرياضية ؟؟؟

أهلاوي صميم ..

هل ترى أنك ظلمت في المسابقة بالنظر إلى بعض الشعراء المشاهير وأحقيتك عليهم ؟؟؟
هذي مسابقة واللي بيفوز في النهاية واحد .. صح أنا طلعت وتضايقت لأني طلعتي كانت مبكرة كوني شاركت بقصيدة كنت أراهن عليها لأنها تعالج مشكلة اجتماعية .. ولكن صار اللي صار وصدقوني أنا ما خسرت لأني اكتشفت من الأصداء اللي وصلتني ولازالت توصلني إن رسالتي وصلت للناس وهذا الشي يهمني أكثر من التأهل للمرحلة الثانية .. واللي تأهلوا يستأهلون واللي طلعوا ما يستاهلون يطلعون .

شاعر المليون، ماذا كنت تطمح من خلال المشاركة بهذا البرنامج، و هل استفدت من التجربة ؟

كنت أطمح إني أوصل لقلوب الناس والحمد لله وصلت ولو لبعضهم.. ومن موضوع قصيدتي اللي شاركت فيها يتعرفون إيش كان طموحي وهدفي .

في شاعـر المليون الأول كيف شاهدت شعرائه ؟

ورب البيت ما أجامل لو قلت إني كنت واحد من جمهور بعضهم.. وأعتبر كل الشعراء المشاركين في النسخة الأولى أقوى وأجرأ شعراء الساحة لسبب بسيط كونهم واثقين من أنفسهم وقبلوا يجلسون قدام لجنة تقيّمهم قدام ملايين المشاهدين وهالشي يكفل لهم يكونون نجوم لسنين طويلة .. ولا هو انتقاص من شعراء النسخة الثانية بس إحنا مهدنا لهم الطريق ويقدرون ألحين يمشون فيه براحة وبدون خوف.

ماذا كسبت من البرنامج ..؟؟

شاعر المليون سبب لي نقلة كبيرة في حياتي.. صرت محاصر بقلوب الناس في كل مكان وهالشي يسوى عندي مليارات .. والدليل إني لازلت أحتفظ بـ (الكورولا) عشان ماتقولون إني صرت مليونير من شاعر المليون .

هل كنت تصوت لشعراء النسخه الاولى من شاعر المليون بعد خروجك..؟؟

لما طلعت من المسابقة ماصوّت لأحد بصراحة ولاهو بخل بس حبيت أتابع وأكون قريب منهم لذا كنت أحظر أغلب الحلقات وأشجع زملائي كلهم .. ياجماعة صدقوني كنا إخوان وقلوبنا على بعض .. واللي يطلع من المسابقة نتضايق عشانه ونفرح للي يتأهل .. يعني كنا متوهقين .. شوي نفرح وشوي نزعل .

من كنت تتوقع من الشعراء يصلون إلى المرحلة النهائية..؟؟

كثير كنت أتوقعهم يوصلون منهم بن ساقان والسكيبي وعبدالله عبيان والسعدي وأنا بعد (: ... ولاهو قصور في الباقين .

هل كان التصويت تصلكم اخبارهـ قبل بداية الحلقة ..؟

أعتقد إنها كانت مجرد تنبؤات من بعض الموظفين اللي حابين يجاملون بعض الشعراء.. في حلقتي ماشفت أحد منهم مدري وينهم .

هل أسماء ال8 المشاركين في الحلقة تكون محدده من قبل والقرعة التي أمام المشاهدين ماهي إلا مجرد ضحك على الذقون لان الأسماء محدده مسبقا ، وخصوصا بعد ان شاهدنا في الحلقة الأولى هذا العام عندما ذكر المذيع في الجولة الأولى اسم احد الشعراء مرتين مما حدى بالمذيعة لأن تقول لعبدالرحمن الشمري ( شكلك سحبت اسمين ) ؟؟

بقولكم رأيي بكل صراحة ... المفروض ماتكون فيه قرعة حقيقية ليش ؟ لأنهم لو اعتمدوا على القرعة ممكن تكون المجموعة الأولى مثلاً تضم (خالد العتيبي – ناصر الفراعنة – خلف المشعان – صالح آل مانعة – عقاب الربع – مهدي الحيدر – بندر المحيا – بدر الظاهري ) تخيلوا كيف ! صح بتكون حلقة مثيرة بس أحنا كجمهور متذوق للشعر بنخسر 4 من أفضل الأسماء المشاركة .. علشان كذا أنا مع التوزيع المسبق علشان تتوزع الإثارة على الحلقات ونستمتع أكثر .. وهذا رأيي لكن طريقة القرعة اللي تشوفونها على الشاشة هذي سياسة البرنامج .

لجنة التحكيم تقييمك لها ..؟؟

هم أخوان قبل يكونون لجنة .. بصراحة هم يبذلون جهدهم اللي لازم نشكرهم علية وإذا غلطوا فهذا شي طبيعي .. لكن صدقوني ماهم متحيزين لشاعر معين دون غيرة .. وهذا اللي أنا مقتنع فيه وهذا طبعاً رأيي رغم تحفظي على واحد منهم بس عسى الله يهديه ويركز في التقييم ويخلي عنه بعض الأمور اللي مو بس تسيء له .. تسيء للدولة اللي ينتمي لها وشعبها .

اللجنة اختلف المشاهدين حولها ... كنا نسمع تقييمهم لـ القصائد ... لكن في بعض الأحيان يكون تقييمهم لـ القصيدة ممتاز ، لكن لا يتأهل الشاعر ... هل اللجنة تتعرض لـ ضغوطات ..؟؟

لا ما عتقد إن عليهم أي ضغوط .. أو يجوز أنا ما لاحظت هالشي ولكني أعتقد إن هذي إشاعة من نوعية الجمهور اللي قلت عنهم قبل شوي .

من الأشياء المثيرة لـ الدهشة ... نلحظ بأن أعضاء اللجنة يتفقون على قرار واحد .. إي إما يكونوا مجمعين على أجازت قصيدة ، أو يتفقون على رفض قصيدة .. هل اللجنة تجتمع قبل بداء الحلقة وتحدد الشعراء قبلا أن يظهروا على الشاشة ..؟؟

أنا ما أشوفهم إلا في المسرح أو في أوقات نادرة نلتقي ببعضهم في مقهى أو في منزل محمد خلف المزروعي . ومدري إذا كانوا يجتمعون أو لا .. ولكن المفروض تكون أرائهم قريبة من بعض طالما إنهم زملاء من فترة طويلة وفيه بعد احتمال يكون واحد منهم أو أثنين مثلاً يجاملون علشان مايخالفون رأي الأغلبية .. لكن التقييم على الورق (وضع الدرجات) بالتأكيد يختلف .

ما حقيقة الخلاف الذي دار بين عبدالله عبيان اليامي و يوسف عبد الرزاق العتيبي مع عضو اللجنة حمد السعيد ، سمعنا عن الخلاف هل لك أن تخبرنا بـ الحقيقة ..؟؟

صدقوني مافيه خلاف وما سمعت عن هالشي .. بس في نوع من الجمهور-الله يهديهم- اللي يدّعي إنهم قريبين من فلان أو علان ويروجون لإشاعات مالها سنع .

رشح لي شاعرين من الشعراء الـ 48 ترى أنهم يستحقون حمل البيرق هذا العام ( من وجهة نظرك) ؟

بصراحة أغلب المشاركين يستأهلون .. لكن بصراحة أنا من قبل جولات اللجنة وأنا أتصل بخالد العتيبي وأطلب منه يشارك وعقاب الربع بعد كنت حريص على مشاركته وأنا أرشح 4 أسماء وكني أشوف كل واحد منهم حاط يده على البيرق وهم : خالد العتيبي – عقاب الربع – بندر المحيا – صالح آل مانعة وبالتوفيق لكل المشاركين .

كلمة أخيرة أو أبيات تهديها لمحبيك في شبكة الزعيم ( المجلس العام )

في النهاية أحب أذكركم بشي مهم.. البرنامج هذا خدم الشعر بشكل كبير رغم الهفوات اللي نشوفها بس صدقوني مافيه عمل كامل وخالي من الأخطاء .. من ناحيتي أشوف إن البرنامج أنصف الشعراء اللي كانوا يشحذون فرصة للظهور وهم شعراء مبدعين أصلاً لكن كانت المجلات ومنابر الشعر تتجاهلهم .. أنا يكفيني من البرنامج هذي الحسنة .. والبرنامج بعد غير ترتيب شعراء الساحة وحرك المياه الراكدة فيه .. وأحب أقول لكل المشاركين : مافيكم أحد خسران . وأقول للجمهور : خلونا ننتصر للشعر بغض النظر عن القبايل .. كل القبايل مافيها قصور وماهو برنامج اللي يرفع قدر قبيلة عن غيرها .. لكن خلونا نستمتع بالشعر بدون عصبية وفي الآخر كلنا أخوان وأنا أعتبر كل القبايل قبيلة وحدة وأعتبر نفسي أنتمي لها كلها .

جيت الزعيم بحب لو إن الميول أهلاوي

---------------- حاورتهم كني (معاذ) وبي مهارة (ياسر)

والحين أودعهم مثل (سامي) مع إني ناوي

---------------- أبقى لهم (صاحب) ورب البيت ماني خاسر

في ختام هذا الحوار القصير ، نقدم جزيل الشكر لـ اخونا محمد عويضة اليامي لـ تجاوبة السريع ورحابة صدره ، نيابة عن شبكة الزعيم نقول له شكراً .

الشاعر محمد عويضة سيكون هو من يقص شريط هذه الفقرة ، انتظرونا نسعى لـ استضافة شخصيات من الساحة الشعبية ، وشخصيات رياضية بإذن الله تعالى .

كان معكم من الاعداد : جـرح يـشـكـي : كـلـي هـلالـي : فـارس الـزعـيـم !!

بـ مشاركة : leo messi

انتظرونا في التغطية المقبلة ان شاء الله

..[ شاعر المليون 2 ].. " فيديو ، جوال ، صوت ، صور ، تقرير " .. [ الحلقة الاولى ] ..

..[ شاعر المليون 2 ].. " فيديو ، جوال ، صوت ، صور ، تقرير " .. [ الحلقة الثانية ] ..

BOY NJD · #2 09/01/2008, 03:44 PM

محجوز.....

وليد القحطاني · #3 09/01/2008, 03:44 PM

ياهلا والله بضيفنا الجديد

الله يعطيكم العافية ع التقرير ,,

والله يقويكم ,,

تحياتي

$فتى الزعيم$ · #4 09/01/2008, 03:47 PM

والله ماأعجبني من الشعراء كلهم

الا ناصر الفراعنة

ماشاء الله عليه

الله يحفظه من العين

ننتظر تنزلوننا فيديو

ڪـيــف الـζــآل ؟ · #5 09/01/2008, 03:48 PM

وعليكم السلام ورحمة الله وبركاته

.
.
.

كلام ولا يكفيكم كلام ! إبداع في الحقيقة مع كل يوم !
لو أن هناكـ شئ غير الكلام نمدح به فيكم ! لفعلت

!

.
.

يعطيكم العافية

عالم الهلال · #6 09/01/2008, 03:53 PM

كل كلمات الشكر قليلة في حق جهودكم اللافتة
وتشرفنا بوجود الضيف الكريم
حياه الله في الشبكة .,

إقتباس


	كان معكم من الاعداد : جـرح يـشـكـي : كـلـي هـلالـي : فـارس الـزعـيـم !! بـ مشاركة : leo messi

يعطيكم العافية جميعاً..

بلد الوليد · #7 09/01/2008, 03:55 PM

محمد

وسالم

ويسلم

وفارس

اقسم بالله انكم ابداااااااااااااع
مثل ما ناصر الفراعنه جنون الشعر
انتم جنون الابداع

الله لا يهينكم

منتظر الفيديو لان ناصر ما يحلا الا بالصوره

وابن عقاب الربع ماشاء الله شاعر بعد

كل الدنيا قلوب

--> تعوض عن القلوب الي فوق عشان يصير الرد متوازن

--> معادلة كيميائيه لازم توزنها

^
|
|
ياشين الدافور لاقام يذب

• مزاجي هلالي • · #8 09/01/2008, 03:57 PM

يعطيكم ألف عافيه يا أحلى شبكة مشكورين

الأمبراطور · #9 09/01/2008, 04:05 PM

\

/

\

السـلام عليكم ,,

يالله حي الربـع ,,

صبـــاحكـم ومسائكـم شعـر

,,

مجهــودر رائع من فريق العمل الرائـــع ويعطيكم الف عافية وكل واحد له ورده !

ضيــف كبيـر وحيا الله الأهلاوي بين الزعمـاء

,,

شكـراً لكم ويعطيكم الف عافيـــــــ

ــــــة !

لكــم تحيتي

ورده ورده ورده

/

\

/

الأمبراطور

Hictar · #10 09/01/2008, 04:06 PM

يعطيكم ألف عافيه

على المجهود الكبير منكم

A S D · #11 09/01/2008, 04:06 PM

O • • O

الله يعطيكم ألف ألف عافية ع التغطية الاكثر من رائعة ..

كل حلقة أحسن من سابقتها ..

أعجبني من الشعراء المشاركين في حلقة البارحة :.

***

.. الشاعر عقاب الربع الشمري
الشاعر فليح الجبور الصخري ..

***

لاكن هناك من هو نجم الحلقة بـ كـاملهـا ..

ناصر بن محمد الفراعنه السبيعي

O • • O

جـرح يـشـكـي

كـلـي هـلالـي

فـارس الـزعـيـم !!

leo messi

^
^

الدعوة كلها قلوب في قلوب

.. و فقكـــم الله ..

سـ لا ـمـ
::

أبوشلاخ الهلالي · #12 09/01/2008, 04:26 PM

يعطيكم العافية
دمتم مبدعون

جـرح يـشـكـي

: كـلـي هـلالـي

: فـارس الـزعـيـم !!

بـ مشاركة :

leo messi

هلالي في جده · #13 09/01/2008, 04:26 PM

إقتباس


	الشاعر عيضه السفياني الثقفي من المملكة العربية السعودية

,،

إذا لعب نادي الهلال بفن وإبداع وجمال
ماعاد تدري أنت فوق الارض وإلا بالسما

,،

صـح لســانك يـا شيـخ !

إقتباس


	كان معكم من الاعداد : جـرح يـشـكـي : كـلـي هـلالـي : فـارس الـزعـيـم !! بـ مشاركة : leo messi

الله يعطيـكم العافيـه !

تغطيـه خـرافيـه " كـالعـادهـ " ! ورده

S K Y · #14 09/01/2008, 04:35 PM

تغطيه رائعه الله يعطيكم ألف عافيه على المجهود الجبار والله يقويكم

بـنـ**الزعيم**ــت · #15 09/01/2008, 04:38 PM

مشكورررين على هالتغطيه
الصراحه انا ماشفت الحلقه فاتتني
بس والله اني الحين كأني شايفتها مباشر
مشكوررررررررررين على هالمجهود الرائع