#1  
قديم 09/01/2008, 03:56 AM
زعيــم متألــق
تاريخ التسجيل: 27/11/2007
المكان: الـــريـــــاض
مشاركات: 1,281
نص قصيده ناصر الفراعنه ( شاعر الثقلين)

ناقتي ياناقتي لارباع ولاسديس
وصليني لابتي من وراء هاك الطعوس
حائلاً رابع سنه من خيار العيس عيس
خفها لادرهمت كنه بالنار محسوس
في دجى خالي خلا لاحسيس ولاونيس
تنوخذ من شدة البرد طقطقة الظروس
في عيوني يكفخ الطير ويطيح الفريس
وانتهض جساس من دون خالته البسوس
وفي خفوقي فرخ جنيتاً يضرس ضريس
يوم اوردها هجوس واصدرها هجوس
ديرتي دار ابن ضاري وابن غثلم جريس
ديرة اللي دوجوا في فيافي نجد جوس
ديرتي يابنت شيخاً ومعدنها نفيس
عيطموساً دونها دثرتني عيطموس
جادلاً مطرق جسدها مع الغربي يميس
طينتاً من تربة الخلد والدم محموس
نقشت خمساً من الخمس في يوم الخميس
ليت شعري ما ارادت بهذا دختنوس
كم تمنا إن معه مثلها فتنه بليس
كان يمكن قد قلب نصف إمتنا مجوس
كن دماث الصدر منها كنيسه او كنيس
صومعة رهبان ديراً يؤدون الطقوس
آتقوس مع تقوس نواهدها وإقيس
قبتين قاب قوسين قوساً جنب قوس
خصرها يحكي لنا واقع القوم التعيس
وردفها عن غطرسة بوش يعطينا دروس
وبالرغم من قصرها مايجالسها جليس
تصبح أطول نسوة الارض في وضع الجلوس
العروسه ماتبي غير ابو تركي عريس
العروسه نجد ماهيب حي الله عروس
نجد بنت المجد ونسة مونسة الونيس
ماعسفها الا معزي ضحى اليوم العبوس
كل اهل نجد هلي من إجاء حتى الخميس
في ذراهم بالتجي عن مجففة الرسوس
وعيشتي مابين أسوداً ولو ماني رئيس
(خير من كوني رئيساً على شلقة تيوس)
وليس عيباً إن خدعني بمكره كل هيس
لان مايفهم بمكر الهيوس الا الهيوس
مصطفى في مأدبة عمه البابا لويس
كبر اللقمه تحت ضؤ حمراء الكؤوس
وطسم حدتها على حائط المبكى جديس
يوم شقت ثوبها بنت عفار شموس
سيدة هاك القصر أسمها الاول لميس
دونها سمر الحناجر بترها حد موس
قسقسة لاحرارهم.قيس.قيس.قيس.قيس
والبستهم من مهانتهم انواع اللبوس
بين خدعة كعب اخيلاً ومولد ادونيس
درسونا الالهه والمدرس هنا روس
ويش لاقوا من قناة السويس اهل السويس
وويش لاقوا من تلمسان قوماً من سنوس
كلهم من شدة الجوع راحوا خندريس
بين غيبوبة مخدر وصحوة عرق سوس
ثورة راحوا سببها بتوع الاتوبيس
وش نبي فيها وهي ماتهز الا الغروس
آفة المرء اثنتان الف كاس وحب كيس
والنفوس اليا بغيت اتعرفها ارم الفلوس
ينكشف زيف الشعارات الى حمي الوطيس
ترجع الاذناب إذناب وتبقى الروس روس
صدق لاقال العرب مايحوص الا الخسيس
ولايوط الروس شئياً مثل ضعف النفوس
اضافة رد مع اقتباس
  #2  
قديم 09/01/2008, 04:00 AM
زعيــم مميــز
تاريخ التسجيل: 12/07/2005
المكان: الدمآآآم
مشاركات: 2,286
صح السااانه

ويعطيك الف عافيه

بس عندي سؤال وخله برايفت

ماتعبت وانت تكتب *ــ^ <<<<<

لاهنت
اضافة رد مع اقتباس
  #3  
قديم 09/01/2008, 04:14 AM
زعيــم مميــز
تاريخ التسجيل: 01/01/2007
مشاركات: 1,645
إقتباس
ينكشف زيف الشعارات الى حمي الوطيس
ترجع الاذناب إذناب وتبقى الروس روس


رووووووعه هالبيت ...
اضافة رد مع اقتباس
  #4  
قديم 09/01/2008, 06:38 AM
زعيــم متألــق
تاريخ التسجيل: 14/07/2007
المكان: عريس البحر الاحمر
مشاركات: 1,224


يا رجال ..
انا والله احس انه دخل المسرح ومعه من الجن نفس عدد الحضور ..

وهو حتى قبل ما يبدأ بقصيدته جلس شوي يطالع بالجمهور ..
يبي يتأكد ان كل جني واقف في مكانه الصحيح ..


.
اضافة رد مع اقتباس
  #5  
قديم 09/01/2008, 06:55 AM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,426
ابو فاارس صرااحه شي غير طبيعي ماشاءالله عليه

احس الشعار الي في الحلقه حقدوو على انفسهم وعلى حظهم الي حطهم معه

وانا اقول لبن فطيس ريح بس وتنازل عن البيرق ابو فاارس مافيه حيله
اضافة رد مع اقتباس
  #6  
قديم 09/01/2008, 07:01 AM
موقوف
تاريخ التسجيل: 16/02/2006
المكان: اٌلـٍريـُاٍضُ
مشاركات: 2,353
والنفوس اليا بغيت اتعرفها ارم الفلوس
ينكشف زيف الشعارات الى حمي الوطيس


صح لسانك ياشاعر الثقلين

وفالك البيرق

ومشكووور ياعز
اضافة رد مع اقتباس
  #7  
قديم 09/01/2008, 07:04 AM
زعيــم مميــز
تاريخ التسجيل: 13/11/2006
المكان: ๑ دآر كسِاهآ بآلعِز قآيدهِآ *
مشاركات: 4,738
إقتباس
الرسالة الأصلية كتبت بواسطة المـشـاكـس
يا رجال ..


انا والله احس انه دخل المسرح ومعه من الجن نفس عدد الحضور ..

وهو حتى قبل ما يبدأ بقصيدته جلس شوي يطالع بالجمهور ..
يبي يتأكد ان كل جني واقف في مكانه الصحيح ..



.


ههههههههههههههههههههههههههه



اول شي يعطيك العافيه

وثاني شي ... يا خي انا اول ما سمعت انه بيشارك قلت البيرق حقه ...

وأنا اشهد لو كانت ... المنافسه بينه وبين بن فطيس على البيرق ... بن فطيس بيتنازل حقه ...

تراه بيقطع بن فطيس ... مب بس بشعره ... بجنه بعد اقصد بجمهوووووره ... >>>مع احترامي له

أنا كلما يوقفون الجمهور اوقف وياهم ... وايلس واصفق لهم ...

واستانست والله يوم قال ... انه ياي يشوف الشيخ محمد بن زايد ... وانه ولي عهد المملكة ... قاله شارك ...

هذا ان دل فانه يدل على انه برنامج شاعر المليون يتابعه الشيخ او الملك قبل المواطن
والصغير قبل الكبير
والحرمة قبل الريال >>>>> >>>>>براااااا

واخواني ... مستانسين عليه ...
كل شويه يقوللنا ... هذا شاعر المليون ...
والله انه بيقطعهم >>>>>>>>>>مع احترامه للبقيه طبعاااااااااا

وبالنسبة للجنه ولا واحد منهن قدر يناقشه ....
الا بدر الصفوق علق اشويه عليه ... وآخر شي خاف من الجمهور ... قال للجني ... أنا غلطان



::
::




والله اني ميته من البرد درجة الحرارة 6 وامس 3
وفي راس الخيمة وصلت للصفر وفي القمم الجبلية تحت الصفر وثلوج
>>>>>>>>>>>>>>>ادري مالها دخل ... بس من البرد

المهم >>>>>>>خلصينا عاد

تحيااااااااااااتي :
دلووووووعة الامارات
ورده

اخر تعديل كان بواسطة » dal3_uae في يوم » 09/01/2008 عند الساعة » 07:55 AM
اضافة رد مع اقتباس
  #8  
قديم 09/01/2008, 07:15 AM
زعيــم متألــق
تاريخ التسجيل: 27/11/2007
المكان: الـــريـــــاض
مشاركات: 1,281
مشكورين وكلش الا بن فطيس لانه من قبيله يام التي انتمي اليها بس ابو فارس يستاهل واثنينهم شعااار


تحياتي لكم ومشكورين ع المرور
اضافة رد مع اقتباس
  #9  
قديم 09/01/2008, 07:37 AM
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
مرحبا

إقتباس
وعيشتي مابين أسوداً ولو ماني رئيس
(خير من كوني رئيساً على شلقة تيوس)

هلبيت مررة قوي

وانصحهم يعطونه البيرق من الحين ويخلون الباقين ينافسون على الثاني
اضافة رد مع اقتباس
  #10  
قديم 09/01/2008, 08:11 AM
زعيــم نشيــط
تاريخ التسجيل: 17/09/2005
مشاركات: 767
اقووووووووووول فالك البيراق ياابي الفراعنه والمليووووووووووووون

ويكفيك اكبر فخر ان الامير سلطان بن عبدالعزيز ال سعود هو اللي عطاك الاذن في المشاركه في المسابقه

وهذا بحد ذاته اكبر فخر لك ...................................
اضافة رد مع اقتباس
  #11  
قديم 09/01/2008, 08:25 AM
زعيــم متألــق
تاريخ التسجيل: 27/11/2007
المكان: الـــريـــــاض
مشاركات: 1,281
مشكوره يادلع الامارات على الصوووور
اضافة رد مع اقتباس
  #12  
قديم 09/01/2008, 08:46 AM
زعيــم مميــز
تاريخ التسجيل: 13/11/2006
المكان: ๑ دآر كسِاهآ بآلعِز قآيدهِآ *
مشاركات: 4,738
إقتباس
الرسالة الأصلية كتبت بواسطة عز الرياض هلالها
مشكوره يادلع الامارات على الصوووور


العفووو يا عز الهلال
يستاهل شاعر الجن
اضافة رد مع اقتباس
  #13  
قديم 09/01/2008, 08:51 AM
زعيــم متألــق
تاريخ التسجيل: 27/11/2007
المكان: الـــريـــــاض
مشاركات: 1,281
إقتباس
الرسالة الأصلية كتبت بواسطة dal3_uae
العفووو يا عز الهلال
يستاهل شاعر الجن


ماله داعي واحد من الجن الي معه يمر الموضوع ويشوفك كاتبه شاعر الجن
اضافة رد مع اقتباس
  #14  
قديم 09/01/2008, 07:23 PM
زعيــم فعــال
تاريخ التسجيل: 01/04/2007
مشاركات: 218
يستاهل و الله ناصر الفراعنه
شاعر كفو و أنا أشهد
اضافة رد مع اقتباس
  #15  
قديم 09/01/2008, 07:44 PM
زعيــم نشيــط
تاريخ التسجيل: 15/07/2004
المكان: عمري السعوديه
مشاركات: 644
شاعر ماجاء مثله ولا يجي مثله

شاعر الثقلين

ياليت احد يجيب لنا فديو للجوال
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:33 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube