لـ أعضاء الشرف وأولهم راشد ولد السامر :: ادعموا سامي واشتروا تذاكر حضورهـ من موبايلي :: أريد التفاعل !! - نادي الهلال السعودي - شبكة الزعيم

مـشـتـاق · #1 09/01/2008, 02:48 AM

السلام عليكم ..

سـ أدخل في الموضوع مباشرهـ ..

كلنا نغلي سامي

وكلنا نحب هذا الأسطورة العظيم .. الذي خدم الهلال بكل اخلاص ومحبه ..

وقرب رحيله

.. ولكن للاسف تفاجئنا بسعر التذكره المبالغ فيه

..

نعرف انها مسؤولية موبايلي .. ونعرف انها تريد الربح قبل كل شي

..

جمهورنا العزيز ..

أنا لا اقول ان سامي لايستاهل المبلغ

..

وسامي يستحق اكثر واكثر واكثر

ولكن .. اذا انا اقدر وانت تقدر فـ قدر ظروف الآخرين

..

ولاننسى ان اغلب الحضور من الطلبه ..

فـ كافي الاختبارات

.. ولانزيد عليهم المتاعب بالتذاكر ورفع الاسعار ..

رسالة الى أعضاء الشرف الداعمين وعلى رأسهم السامر وراشد ولد السامر

سامي .. قدم الكثير للهلال .. سامي ضحى بالكثير من اجل الهلال ..

فـ لتدعموهـ ولترفعوا رأسه ..

سامي عندما يدخل الملعب ويشاهده مليئا بالجمهور سيفرح كثيرا

..

وسنرفع رأسه عاليا .. كما أفرحنا ورفع رؤوسنا كثيرا ..

أقدم اقتراح لكم .. وتأكدوا أن سامي وجمهوره لن ينساكم أبدا .. وستكسبون المحبه الكبيرهـ !!

اقتراحي هو ..

(( شراء التذاكر من موبايلي وجعل دخول الجماهير مجانا ..

أو على الاقل شراء سعر نصف التذكره .. يعني يكون الدخول بـ 30 فقط بدلا من 60 ريال ))

لن تكلفكم كثيرا ولكن ستكسبكم كثيرا .. منها محبة سامي وجمهوره لكم .. والشهرة الكبيره ..

ولو حسبناها سريعا ..

فشراء التذاكر بالكامل وجعل دخول الجماهير مجانا سيكون بـ 4 مليون فقط

وشراء نصف أسعار التذكر وجعل الدخول بـ 30 ريال سيكون بـ 2 مليون فقط

أملنا فيكم بعد الله ...

لنتفاعل مع الموضوع من أجل سامي .. وأتمنى الكل يقدر ضروف غيرهـ ولا يكابر

روح 10الشلهوب · #2 09/01/2008, 02:50 AM

لا للدخول المجاني

نعم لتخفيض التذاكر ...

الدخول المجاني فيه سلبيات لا تعد ولا تحصى ويسبب مشاكل نحن في غنى عنها

رعبوب زعيماوي · #3 09/01/2008, 03:07 AM

لا للدخول مجانا وذلك من اجل أختبارر مدى حب الجماهير لسامي الجابر واللي يحب سامي يدفع ولأجل عين ابو عبدالله أنا جاي من مكة عشان أحضر أعتزاله

أميرٍ · #4 09/01/2008, 03:11 AM

ياخي ان حطوها مجاني بتصير تخريب في تخريب ، والله !!

وبيجونك جماهير يخربون ، وهم مو هلاليــن < افهم يافهيــم !! .. ورده

نبي جمهور واعي ،، ويدفع علشان يحلل فلوسة صراحه !! ورده

كل التوفيق لـك ياســـاامــي ،، ورده

مـشـتـاق · #5 09/01/2008, 03:13 AM

8
8
8
8

مو مشكله الاهم تخفيض التذاكر المهم
نطالب راشد بن عبدالعزيز

هلاليtop · #6 09/01/2008, 03:26 AM

ضد الدخول المجاني لانه يخلينا نشوف انواع مانبي نشوفها

مدمن الأزرق · #7 09/01/2008, 04:03 AM

إقتباس

الرسالة الأصلية كتبت بواسطة روح 10الشلهوب


	لا للدخول المجاني نعم لتخفيض التذاكر ... الدخول المجاني فيه سلبيات لا تعد ولا تحصى ويسبب مشاكل نحن في غنى عنها

هــذا الكــــلام السليم ..

ربي يسعدكـ .. وكاتب الموضوع ..

دُمـتم بخير

هلالي 292 · #8 09/01/2008, 04:13 AM

ياليت يسمعوووووووووووووووووووووووووون ندائنــاا

انا اقدر ادفع 60 ..بس كثير من الجماهير الهلاليه صعبببببببببببببببببببببببببه عليهم يدفعون واغلبيتهم طلاب جامعيين وثانووويه او عاطلين ..فـ تكفووووووووووووووون لاتحسبون ان كل طبقات المجتمع السعودي كاشات...

ياليت تقدرون بعض الجماهير وتشترون نص التذاكر ع الاقل..

مـشـتـاق · #9 09/01/2008, 04:57 PM

اشكر كل من رد على موضوعي ....

وين التفااااااااااااااااااااااااااااعل ياشباب ؟؟؟؟

fINAL · #10 09/01/2008, 05:00 PM

ضد الدخول المجاني هذا الي اقدر اقوله فقط

مـــلـــوكـــي9 · #11 09/01/2008, 08:38 PM

ياحبيبي 60 تراك تجلس خلف الباب
وبعدين ليش نسكت لموبايلي تستنزفنا واحنا الي سندنها ياخي لو كلنا هددنا بالغاء اشتراك موبايلي الهلال كان حطو التذاكر باسعار معقولة

AL_ZA3EEM · #12 09/01/2008, 08:53 PM

خلاص ان شاء الله تامر امر توي داق على راشد بن عبدالعزيز قلت له ان مشتاق يبيك تشتري التذاكر وتخلي الدخول مجاني بس قالي انتظر شوي بيشاور ابوه وبيرد علي

انت اصبر شوي واقولك وافق والا لا

-----------------------

يا اخوااااااان والله مليييييييييينا كل شوي جاي واحد يقول التذاكر غاليه التذاكر غاليه خفضوها ياخي اذا ما تقدر تحضر لا تحضر احنا مانبي احد يحضر الا وهو فعلا يبي يستمتع بالمباراه ويودع الذيب سامي مانبي عينات منحطه مثل ماشفنا في اعتزال ابويعقوب

بعدين بحسبه بسيطه مانشستر حضر للرياض بمبلغ 2500000 يورو يعني 12500000 ريال

يعني اكيد بيرفعون سعر التذكره مو معقول تكون تذكرة مباراه مع الحزم والا الطائي مثل سعر مباراه ضد مانشستر

وهي يوم واحد في العمر

بالعكس الله يكثر خيرهم الي حطوها بذا السعر يعني حتى لو امتلئ الملعب كامل ماراح يغطي المبلغ الي دفعوه في احضار مانشستر

....
...
..
.