|
ياسر " الكاسر الآسر .. القناص " تعال هنا نهديك الفوز هذا اليوم >> s13ss13ss13s أخي .. نجم الزعيم ، ونجم الخليج ، ونجم آسيا ، ونجم الإعلام ، ونجم الوعي والفكر الاحترافي ، ونجم الوطن .. " ياسر القحطاني " نعتوك بالقناص .. فصدقوا .. والبرهان اقتناصك لأروع الأهداف واروع الكلمات وأروع المشاعر واكبر الجوائز .. ونعتوك بالكاسر .. فصدقوا .. والبرهان ! أنك كسرت حاجز الصمت فنطقت بحب الهلال ! وكسرت حاجز اليأس فتلبستك الإرادة وطوقك العزم واشعلتك الهمة ! وكسرت حاجز الخوف والتردد حين قررت فأصبت كبد الحقيقة ! وكسرت ظهر المتربصين بك وبالزعيم من خلالك فلم تقم لهم قائمة ! ونعتوك بالآسر .. فصدقوا .. والبرهان ! انك أسرت العقول قبل القلوب بفنك وإبداعك ! وأسرت العيون بمهاراتك ، وأسرت القلوب بدماثة أخلاقك .. وأسرت الزعيم ومحبوه بمحبتك ووفائك وإخلاصك لهم .. ياسر القحطاني .. !! من أجل ذلك كله .. أدعوك اليوم للمجيء هنا لتصافحك جماهير الهلال وليست جماهير ياسر ! وتقدم لك هذه الهدية تقديراً لكل جهودك السابقة وجهودك اللاحقة بحول الله .... هديتك لم تصنعها الجماهير كانت شاهداً على صنعها من قبل زملائك نجوم زعيم الاحلام .. هديتك يا ياسر هي >>>>>>>> هدف رائع من لاعب واعد رائع " سلمان مؤشر " في أول مشاركة له مع الزعيم الكبير .. هذا الهدف جلب لحبيبك الزعيم ( ثلاث نقاط مهمة ) طوق بها جبين الهلاليين . بكل الحب يا ياسر ......... نهديك الفوز اليوم على الشقيق فريق الوحدة .. وننتظر إبداعك المعهود في المباراة القادمة بإذن الله .... فقد كنت مع الزعيم وأنت خارج التشكيلة كما ولو كنت من ضمنها ... هذا في نظرنا .... أما في نظرتلك الشرذمة فلا يهمك ولايهمنا أن تنعكس زرقة السماء والبحر في عيون من أذبلها مرض ( الصفار ) أعاذنا وإياكم الله منه .. فألف مبروك ومن فوز إلى فوز .. بإن الله تعالى |
ياسرررر اهـ ياااااياااااسر .. اليوم هالصغير من فرحته سجد والظاهر ماقرى شي بالسجود ياحول .. بعذرهـ جآب شي وفوز فريقه بااصعب الظروف . نتمنى عودت نجمنا قريبا وازين من اول . مشكور |
نتمنى عودة ياسر بأسرع وقت .. |
الكبير كبير ويبقى ياسر الكاسر رضي من رضي ,,,,,, لاعدمناك اخوي,,,,,,, |
ياسر مين والناس نايمين.. والله مايستاهل نهديله ولا شي.. دام غروره ومستواه كذ1111 ..لاعمره يلعب..يـ انه يلعب للشعار ولا يلعب وخله مزكم .. ملينا واحنا نجامله يفداك الف مليون بلنتي ويفداك ويفداك ضاااع الهلال ..مانبي استعراض انا احب ياسر.. بس مصلحة الهلال اهم |
اهداء من مشجع هلالي لياسر القحطاني الف مبروك ياسر . |
نتمنى عودة ياسر ,, وندري انه يمر بازمة نفسية ,, والف مبرووووك لكل عشاق الهلال |
الف مبروك يا ياسر وخلينا نتفتح صفحه جديده واهداف جديده |
أنـا ماراح أهدي له شــي وماراح أقولـه غيـــر : إرجـــــع لمستــواك الأول يا ( يـــــاسر ) ........ :( :( ....... مستـوى متغيـر من الدور الثاني بالموسم اللي فات وكل مبـاراة نقول يبي يرجـع ولا رجـع الى الان للأســـف ..... |
انا افضل اللي بيجرحون مايردون انتم تطلبون من اللاعب مستوى وانتم مستواكم في النقد متدني وجارح لاتطلبون مستوى وانتم اذا ماقدم مستوى تجرحون فيه وتنقصون من موهبته ..!! فـ الأفضل لاتردون .. وياسر كبير بفنه واذا ماقدم مستوى في أي لاعب يمر بـ تدني مستواه ولاتحملونه أكثر من طاقته يازعماء واقول لـ ياسر لو تقدم مستوى وتسجل هدف في المباراة الجايه ترى اللي جرحوا فيك راح يكون المدح مغطي المنتدى الف مبروك لنا ولـ ياسر يعطيك العافيه المملكه |
يعطيك العافيه اختي المملكه مبروك الفوز ::: لكن اسمحي لي اخالفك في موضوع ياسر ياسر على عيني وراسي وضحى بملايين عشان يجي لعشقه الهلال مااختلفنا ,, قدم اهداف عالميه وخرافيه ونادره ويمكن مستحيل تكرارها .. مااختلفنا ,, لكن ماعندي استعداد اهدي شيء لياسر ولا لأي لاعب مهما كان اسمه وهو مااهداني بطوله او هدف حاسم بقدر مااُعطي والجماهير معتمده عليه وقدمت له كل شيء ( حب - اهازيج - تشجيع - تشجيع حتى عند ضياع ركلة الجزاء والفرص - شهره تفوق الوصف - احلى الأوصاف - صرف الملايين من ميزانية النادي لجلبه ) ياسر حتى الآن مع احترامي له لم يقدم هدف يحسم بطوله ولاحتى بطوله وديه :) ياسر بغض النظر عن الأحداث لازم يراجع حساباته ويعرف ان عشاق الهلال الحقيقيين وليسوا عشاق الأسماء والدبل كيك لايرحمون مهما كانت جماهيرية اللاعب وسعره وشهرته وان الهلال الأهم قبل و بعده حتى الآن ياسر لم يرد ولاء الجماهير ولا ولاء اعضاء الشرف اعذريني على قساوتي بالحديث ولكن الهلال في العروق من قبل بزوغ اسم ياسر ومن بعده واسماء كثيره لم تراجع حساباتها وتعود لنا بمستوياتها المعهوده وتطور نفسها وتثبت أنها تستحق الشعار الهلالي الا بعد قساوة الجماهير في حدود الأدب والمعقول وبعد النقد الكبير .. بغض النظر عن الأسماء وياسر من ضمن كوكبة نجوم وليس هو الهلال .. كما يردد بعض جماهير اللاعب الواحد وبعض من لايعرف الهلال من صغار السن :) ::: صباحك ورد |
إقتباس:
بالله شف كم هدف جاب للهلال من يوم جا ؟؟؟؟ اسالكم بالله كم جاب ؟؟؟ اهداف كثييييييييييييييييييييييييييره ولكن اين من يقابل الاحسان بالاحسان وصدقني يااااسر افضل من لاعبين عالميين اتحفظ باسمائهم اقولك بعدين .. انا اتحداك تجيب افضل لاعب بالعالم .. وتلعبه اذا صار الفريق كله منخفض مستواه وش بيقدم؟؟ 3 من الدفاع يقدرون يسدون كل المناطق عليه |
نهديك الفوز يا افضل لاعب فى اسيا ولو كنت موجود ياياسر وتلعب لكاتن كبيرة علي الوحدة |
وياسر رجل متواضع رغم الشهرة الكبيرة ولو كان مغرور ما كان كابتن المنتخب والكبير كبير يا كاسر الخشوم |
الله يردك لناديك ياياسر |
| الوقت المعتمد في المنتدى بتوقيت جرينتش +3.
الوقت الان » 12:26 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd