07/01/2008, 04:39 PM
|
 | موقوف | | تاريخ التسجيل: 09/03/2007 المكان: Corvallis,OR
مشاركات: 1,044
| |
|
ليلو إمبيلي.. ومباراه الوحده ..والمصير
السلام عليكم الي خلاني اكتب هذا الموضوع.. اني كنت قبل شوي اتفرج على ملخصات المباريات حقت الهلال .. من أول الموسم.. وصلت عند مباراة الهلال والوطني.. لمن كان الهلال لابس الطقم الأبيض.. وكانت هذي المباراه أول مباراه لمحترفنا الجديد ليلو امبيلي.. كنت اشوف ليلو اول مايمسك الكوره الجمهور يصفق.. كان في المباراه يشوت ويراوغ.. يتحرك ويناول.. وصلح كذا لعبه لياسر.. نفس الشي في مباراه الإتفاق.. لعب وناول وزبط .. وراوغ ورقص على قولت المعلق الحربي,, وانا اتابع المباراه هذي في وقتها .. كنت اقول ماباقي له انه يسجل هدف في هذي المباراه وتكمل يعني ليلو عمل مجهود جبار لو تشوفو ..في مباراتين متتاليتين .. ومو أي مباراتين .. أول مباراتين له مع الفريق.. يعني لسه مايعرفه ولا يعرف اللاعبين او طريقه اللعب,, المباراه الثالثه الي لعبها .. كانت مع فريق النصر.. غاب ليلو في هذي المباراه لأن المرداسي كان مراقبه طوال المباراه .. المباراه الي بعدها .. مباراه الطائي.. اذا ماكنت غلطان.. برضو اللاعب مابين زي الناس.. بس كان يتحرك وبرز شويا.. المباراه الأخيره مباراه الأهلي .. ما أقول ليلو مابرز .. أقول الهلال كله مابرز تعليقي على الـ 3 مباريات الأخيره المهاجم بطبعه .. او اللاعب بشكل عام .. قد يغيب مستواه بين كل مباراه ومباراه ياسر القحطاني غاب كثيراً لفتره امتدت الى 6 او 7 مباريات ورا بعض.. وبعدين رجع مباراه النصر اتوقع اني اعذره لأنها مباراه ديربي.. ومباراه كان المرداسي ماسكه صح مباراه الطائي.. غاب مستواه شوي وهذا طبيعي يعني .. مباراه الأهلي وهي الأسوأ.. ما ألوم اللاعب الاجنبي اذا مستواه غاب لأن ابناء الهلال الأساسين هم قاعدين يلعبو بدون روح وبدون مستوى .. ماني داري كيف اللاعب الأجنبي راح يكون .. ومع ذلك ظهر ليلو وتحرك اكثر من غيره... مقصدي هوا اننا نعطي للاعب الأجنبي هذا فرصه ثانيه . . لانحكم عليه الحين .. خاصه انه جا بعد مشاكل كثيره .. وكنا محتاجين لاعب في هذا المركز ان شالله ليلو يبدع وعندي احساس كبير انه راح يرجع زي اول في المباراه هذي.. وشوي شوي عليه يازعماء.. خليه يتأقلم زياده ارائكم.. |
الوضع الشجري
